破產聯盟

標題: 今日已上三姓有問題想請教一下各位～～ [打印本頁]

作者: 晴天陰天雨天 時間: 6-12-2023 02:07
標題: 今日已上三姓有問題想請教一下各位～～
因為今日上律師樓已交晒所有文件另外已經報咗失業
大概成個流程幾時會完成呢？另外因為欠債主要係花x銀行，匯x,失業貸款zb ..本身月頭同月中都要還款佢哋會出追數嗎？因為屋企有小朋友有啲擔心。

作者: CEEPO 時間: 6-12-2023 02:44
唔洗擔心，一線大行數冇咁快追嘛身，拖多一兩個月仲可以，今日你第一次上6C行交文件同比錢，黎緊一至兩星期後要上多次6C行去宣誓，宣完誓後6C行就會同你正式入紙去破署/高院（大約要三幾日時間，咁當然要睇間行忙唔忙），

作者: CEEPO 時間: 6-12-2023 03:29
呢個步驟完成咗之後6C行會電話或Whats App通知你，到時你會收到有一個臨時破產編號，跟住再等多大約兩星期左右，答案1).破處就會寄信通知你去邊間代行交文件（即係交26頁，多數第2次去6C行時佢地會copy嘛比你或郵寄比你嗰份26頁) 或答案2).直接外判開大會，如答案係1，到代行交文件前，到時你要預備定相關文件正本及副本，填好晒嗰份26頁文件上去交件，同傾嘛初步生活費及上繳嗰D嘢後，但都要再等通知（約一至三星期不等)，如係判左直接跟主任嘅，主任會直接打你手提（所以到時你要留意來電2867XXXX字頭嘅電話，因為呢個係破署主任直線電話黎！，唔好當錯其他欺詐電話)，主任會電話同你對資料及會同你講打後幾年都係佢跟你個FILE，之後亦會收到主任寄比你嘅通知信等等。如答案係2，咁就要問下其他C兄或爬下文，因為我未試過所以答唔到你，過完以上呢幾關都要大約兩∽三個多月時間不等，打後你亦會收到政府郵寄方式嘅正本破産令.....之後都係果D野，同委託人（主任或外判）傾生活費/開戶/同上繳嗰D數字問題...........流程大概係咁上下，想知係外判定主任跟,快則一兩個月，慢則半年打後都有，所以呢段時間係好被動，只有一個等字！.

作者: CEEPO 時間: 6-12-2023 03:41
都係果句係度多爬下文，其實已經有好多答案比左你，但有唔明嘅亦可以請教下其他C兄C姐，相信佢地亦會樂意解答你。

作者: lovehins4ever 時間: 6-12-2023 07:36
爬下文啦, 唔好浪費師兄師姐啲回答... 真係有唔明先問, 大家都好樂意分享同解答

歡迎光臨破產聯盟 (http://hkiva.org/)