破產聯盟

標題: 其實破產可唔可怕?? [打印本頁]

作者: @you4466 時間: 13-9-2018 10:03
標題: 其實破產可唔可怕??
我已經真係還唔到，想破產!!!

作者: wvovw 時間: 13-9-2018 14:31
唔可怕，相反你唔破產仲可怕，你唔破產收數佬日日上門，出盡各種方法來滋擾你，有機會債主起訴你（我以前銀行債主出過一封信比我話唔還錢就會法院起訴我地同埋會找收數佬上門，當然唔知真定假起訴，但收數佬上門應該真，仲話會追加所欠總額30%的費用比收數佬做為行政費= =老實講收數佬又唔系我請他來，入我數做咩？我當然死都唔認數最后破埋產都無比過收數佬費用。）你破左產只會計算你能力以內可以還的錢，唔會逼你超出范圍以外。好比說你欠10萬，然后銀行要你每個月還2萬，但你人工得1萬，還條命比它？？（我以前系破處門口識到個阿婆，她拿綜援無野做，用左信用卡20萬，同銀行傾，銀行話每個月點都最少還2萬一個月一元都不能少，最后阿婆話傾唔掂就走去破產）。但如果你破左產，你就會系你能力以內還錢，如果你沒野做唔洗上繳，你如果有工當一萬元甘計，就會計你生活費，扣曬你基本開支，多餘的錢先用來還債，好多時如果你一個人供養父母，仔女好多時唔洗扣（呢個系我破產主任講的，他話他有好多個案一個人養成家，老婆無野做，父母無野做仔女讀書他供甘）如果你收到意外的錢就全部上繳。堅持四年后如無意外就一筆勾銷。

有人試過末破產前話自已唔可以破產，寧愿去死，結果最后都系走去破產仲拿埋解破證書重新開始生活。。。。。所以你話破產可唔可怕？唔破產仲可怕，比人追數追到死。。。。。。

作者: eddykung044 時間: 13-9-2018 14:37
感同身受

作者: Jjcckkyy 時間: 13-9-2018 16:50
香港好在有破產保護……保護我們這一家師兄弟;

作者: Jjcckkyy 時間: 13-9-2018 16:50
加油

作者: PoorGuy2018 時間: 13-9-2018 17:20

wvovw 發表於 13-9-2018 14:31
唔可怕，相反你唔破產仲可怕，你唔破產收數佬日日上門，出盡各種方法來滋擾你，有機會債主起訴你（我以前銀 ...

感同身受x2

作者: siulam867 時間: 13-9-2018 17:51
不可怕,早破早享受!

作者: @you4466 時間: 13-9-2018 18:40
多謝各位留言^^

作者: wvovw 時間: 13-9-2018 19:49

Jjcckkyy 發表於 13-9-2018 16:50
香港好在有破產保護……保護我們這一家師兄弟;

無錯，大陸無破產保護，我今日先同我阿媽討論呢個問題，我阿媽話我地走去破產就系老賴，個個破產期過左就拍拍羅油，D債主損失好大。我話無破產會逼死好多人，而且人地好多都系無路行先走破產呢步。點解唔可以比人地一條生路？翻身？我話系系有D人會故意破產，存心走數，但系唔可以因為個別人士而打曬成隊人甘。我地欠債人士系需要一個重生的機會，而唔系比債務壓往成世做欠債的奴隸。

作者: Jjcckkyy 時間: 13-9-2018 22:16
我相信大部份申請破產的人、十個有十-個人都是借錢好多年、努力還過……還了年後條數大左先搞唔掂、点解雷萬可以破產;騙咁多人辛苦錢;就合理:我地唔可以！如果咁都係老赖

作者: Jjcckkyy 時間: 13-9-2018 22:19
做倫敦金;電話騙案嗰啲;点算……銀行:財務公司是做生意的……做生意一定會有風險

作者: Jjcckkyy 時間: 13-9-2018 22:22
我們申破是出來面對;要守行為四年的、不是申請就完事

作者: Jjcckkyy 時間: 13-9-2018 22:23
希望四年後好好從新開始

作者: Jjcckkyy 時間: 13-9-2018 22:24
認同就……好好

作者: wvovw 時間: 14-9-2018 08:11

Jjcckkyy 發表於 13-9-2018 22:16
我相信大部份申請破產的人、十個有十-個人都是借錢好多年、努力還過……還了年後條數大左先搞唔掂、点解雷 ...

老人家思想傳統守舊，他地跟唔上時代，好像最簡單他地認為同電腦有關的就系不務正業，系玩，騙人。我以前創業同電腦有關，他地話我就系去玩去呃人，唔系點解會破產，依家系我的報應。睇下幾時警察上門拉我去坐牢，他地一定好支持警察執法甘話。。。。。。。

作者: flypig 時間: 14-9-2018 19:33

wvovw 發表於 13-9-2018 14:31
唔可怕，相反你唔破產仲可怕，你唔破產收數佬日日上門，出盡各種方法來滋擾你，有機會債主起訴你（我以前銀 ...

Well said!! 破產不可怕，無得破就好可怕！！！

作者: flypig 時間: 14-9-2018 19:37

wvovw 發表於 14-9-2018 08:11
老人家思想傳統守舊，他地跟唔上時代，好像最簡單他地認為同電腦有關的就系不務正業，系玩，騙人。我以前 ...

家人，也是那個覺得隨街一個阿婆也比你更見多識廣的人；假如你的家人恰巧是那個阿婆，你只會覺得她很傻。
生果專欄剛講起家人歧視！！https://hk.lifestyle.appledaily. ... e/20180909/20495137

作者: dicky6688 時間: 15-9-2018 00:51
你現在應訓唔到,破左訓得安樂,就係咁簡單

作者: Sassbearbear 時間: 16-9-2018 23:14
一d都唔可怕，已經盡左自己努力去還過，但係都還唔到先行依一部，所以我都申請左破產，依家等下個月上庭！之前真係好擔心，晚晚訓唔到，依家算放下左一半。

作者: shingockc 時間: 16-9-2018 23:29

Sassbearbear 發表於 16-9-2018 23:14
一d都唔可怕，已經盡左自己努力去還過，但係都還唔到先行依一部，所以我都申請左破產，依家等下個月上庭！ ...

岩.n年前以前搵7000$ 真係唔明借借下可以借到3x萬.... 個個月食蕉... 我係一卡清完再爆過..
而家學識左錢點用. 無需要係唔買 .學識儲蓄.
一身舒服哂

作者: Somethingiknow 時間: 17-9-2018 17:00
係無得用信用卡麻煩其他都ok

作者: Sassbearbear 時間: 18-9-2018 14:30

shingockc 發表於 16-9-2018 23:29
岩.n年前以前搵7000$ 真係唔明借借下可以借到3x萬.... 個個月食蕉... 我係一卡清完再爆過..
而家學識左 ...

我都係一樣，為生活而還債，還左十幾年，今年完全跌到谷底無能力再還，所以都決定申請破產，經過咁多年，要學懂知足，唔好係嘢就碌卡買，唔好成日諗到時就有錢還，事實有冇能力自己最清楚！

作者: 雲雲CCW 時間: 18-9-2018 22:18

Jjcckkyy 發表於 13-9-2018 16:50
香港好在有破產保護……保護我們這一家師兄弟;

有時生存係香港都唔算太差....假如係大陸差人禁多鉉無錢還...真係死路一條

作者: samam2015 時間: 18-9-2018 23:00
完成申破果一刻開始, 所有債主全部失蹤, 不要左冚右冚, 十個煲一個蓋都冇, 每月每日担驚受怕嘅日子沒有了, 個人輕鬆晒, 但漸漸一種失敗者嘅感覺就會係腦海浮現, 唔想見到d相熟嘅人, 此乃個人感受!

作者: PoorGuy2018 時間: 18-9-2018 23:13

samam2015 發表於 18-9-2018 23:00
完成申破果一刻開始, 所有債主全部失蹤, 不要左冚右冚, 十個煲一個蓋都冇, 每月每日担驚受怕嘅日子沒有了, ...

我也是到目前入學了成年都盡量避gathering避見朋友, 唔知可以面對面同佢地講乜好。。。

歡迎光臨破產聯盟 (http://hkiva.org/)