破產聯盟

標題: 我發覺呢到老破既ching，絕大多數都係因為賭或【投資】 [打印本頁]

作者: hkykh 時間: 25-6-2017 00:21
標題: 我發覺呢到老破既ching，絕大多數都係因為賭或【投資】
我雖然唔係係到好耐日子，但真係發覺呢到既ching大多數老破都係因為賭同【投資】，我自己就係一個好例子，當年被公司裁左但又係股巿到賺到D喎，就把心一橫全職炒股，開頭真係賺到D架但當然唔夠份糧啦，但又係網上見到人地話牛熊點好賺咁咪轉炒牛熊囉，又俾我賺到D喎仲賺得多過炒正股，咁就決定轉炒牛熊，然後惡夢就黎了，炒牛熊初期10萬股咁入又真係賺到D，然後50萬股咁入，結果連乃兩鑊，而我買既牛熊不嬲都係遠價同遠回收日添，所以好貴價下，兩鑊乃左我8皮，之後又聽人講期指冇打靶價唔會輸甩褲，但原黎期指先係最惡毒，唔肯止蝕既人炒期指真係會好似我咁輸身家，咁都不突止，仲信用咭透支想追返之前輸果D，好死唔死又真係俾我追返幾皮野喎，咁咪再【投資】落去囉，結果當然又係輸埋，再透支信用咭又係輸埋，再再透支信用咭都係輸埋，越輸越透支，最後仲賭埋馬同六合，野野成千錢上落希可以中到幾十個再追返之前【投資】輸果D，最後折墮到要咭數冚咭數還債，咁當然結果咪要老破囉，我學歷唔高但十年幾都搵皮半一個月，而我真係衫都唔買多件，真係著到自己都頂唔順果種先買，如果唔係因我衰【投資】同賭想返本，而家我應該幾開心下，我同我個妹同行而佢學歷同我差唔多，但佢而家份工人工高過我以前好多，福利好到不得了（真係如果我而家係佢公司做既話，一定打死都唔走果隻），而我當時係幾間行業內勁出名既公司做過，如果做到而家要入佢間公司真係唔難，只怪自己爛【投資】

奉勸各位仲可以回頭是岸者真係唔好【投資】同賭，不過入得黎呢個網既，多數都係冇晒後路而入黎問老破流程既人（包括我），或一眾銀行同財仔既監察人囉，唉！

作者: flypig 時間: 25-6-2017 01:35
牛熊期指宜家無得炒。一來大戶用程式做 hedging, 佢條光纖快，我地慢。二來佢地控制左qq, 一隻頂全家，歸左邊。所以輸實。唯一可贏大戶係長線。呢轉大陸走資，習王江系全強國走黎香港。照睇28000都可以破。跟住等佢大崩盤先再入。大崩盤可能美國或者支爆，但無咁快。

作者: 阿三妹妹 時間: 25-6-2017 08:07
講呢啲無意思

作者: babichan 時間: 25-6-2017 08:56
老破後生活俾以前好，之前出糧條數用來還錢，連基本生活都成問題。好彩俾我揾到有呢個討論區，救了我全家。總好過迫到走投無路，最後死埋。各有所需，大家經歷到呢次後，真係拎起心肝好好打理自己的財政。以免重蹈復徹。

作者: NewSS 時間: 25-6-2017 10:43
我的經歷和你很相似，出來做野十幾年，人工由開始時$7000，借一，兩萬，到現在$40000，借了過百萬，賭博足咁多年，一年賭足365日，由朝賭到睡覺，個個月都為銀行打工，不是正常人生活，

作者: NewSS 時間: 25-6-2017 10:49
現在番了學，才感到什麼是正常生活，我現在始才有時間注意到自己的身體，去驗身，看專科，正視及處理身體的問題，我真的很感謝破產法例，有機會還我重

作者: NewSS 時間: 25-6-2017 10:54
重新來過，注重過往正常人應該要注重的東西

作者: largelarge 時間: 25-6-2017 14:05
通常话为家人欠债，都只係借口。我赌足二十几年，人工4万几，现欠财仔200万了。重未计朋友……

作者: depressman 時間: 25-6-2017 15:15
其實日日賭都係一個字 - 追. 老破後我認為所有野都洗底. 無需要再追.

作者: Issac.tong 時間: 25-6-2017 18:18

largelarge 發表於 25-6-2017 14:05
通常话为家人欠债，都只係借口。我赌足二十几年，人工4万几，现欠财仔200万了。重未计朋友…… ...

ching 人工咁高都欠二百幾? 賭乜野?

作者: babichan 時間: 25-6-2017 19:14
我之前剩係在馬會賭都百幾2百万波馬喇~

作者: 阿三妹妹 時間: 25-6-2017 19:19
咁有錢

作者: alan1alan 時間: 26-6-2017 08:42
係香港有破產法, 我地先可以重新來過. 如果係大陸就點都要還...

作者: Issac.tong 時間: 26-6-2017 10:11
債台高築根本係賭仔必然既下場，唔抵可憐。最可恨既係佢會連累家人，朋友。

歡迎光臨破產聯盟 (http://hkiva.org/)