破產聯盟

標題: 房署問題 [打印本頁]

作者: Chloe 時間: 14-4-2017 22:05
標題: 房署問題
本人已破產兩年，但因為住公屋，又沒有工作幾年，所以房署要接見，本身和媽媽居住，她是不知道我破產的，想請問如果去見房署，他們會否知道我是破產人士？我不能被媽媽知道，因為不想令到她擔心，我可否不告訴房署我是破產人士？如果房署需要我銀行資料，我答他們完全沒有，那麼會否令房署懷疑追問之下知道我是破產人士？謝謝大家解答☺

作者: airmax 時間: 15-4-2017 06:40
邊個交租?

作者: 欠一百萬 時間: 15-4-2017 16:38
你應該係入息審查填了無工作, 無收入. 所以要見你本人. 你可以只係自己去見佢就得.

如果房署問你有冇銀行存摺或月結單, 你要如實回答, 若佢要過目檢查也要照做, 佢只係想看看你是否有定期來自他人的存入款項, 例如入息.

如你無工作, 存摺或月結單應該是無乜數目出入.

如你沒有任何存摺或月結單, 也如實告知, 佢有可能要你即時宣誓無工作, 無任何銀行戶口.

至於是破產人, 不提也無妨. 唔係必須要提.

作者: Chloe 時間: 15-4-2017 16:56
前兩年剛破產也見過，我擔心房署覺得幾年都無工作做會覺得奇怪，會查得嚴格些

作者: Chloe 時間: 15-4-2017 16:58
細佬交租，不過間屋無佢名的

作者: flypig 時間: 15-4-2017 18:37
搞得太複雜了。直頭拎封有老破編號的信俾房署，光明正大通知佢你破產。So what!再通知呢個係私隱，阿媽細佬都唔知，要求對方好好保密。

作者: flypig 時間: 15-4-2017 18:38
同埋，你憑空想像太多野。何不見見房署，先開始胡思亂想呢?

作者: 欠一百萬 時間: 15-4-2017 18:58

Chloe 發表於 15-4-2017 16:56
前兩年剛破產也見過，我擔心房署覺得幾年都無工作做會覺得奇怪，會查得嚴格些 ...

你提供的都是時實, 無工作, 無收入, 無銀行戶口/有銀行戶口, 但沒有入息.

要宣誓便宣誓. 要白紙黑紙寫明以上的情況就照寫, 只要沒有瞞騙有收入不報便沒有問題.

查也沒有好查, 查出來的都係你提供的事實.

作者: Chloe 時間: 15-4-2017 19:26
媽媽老了，佢一定堅持陪我去房署，如果我一個人去當然講咩都吾驚，多謝師兄們教導

作者: flypig 時間: 15-4-2017 21:29
你去完番黎佢都未知喇

作者: huangsq 時間: 15-4-2017 21:33

airmax 發表於 15-4-2017 06:40
邊個交租?

樓主咩話左細佬交租囉

作者: ccwa 時間: 15-4-2017 22:18
先打俾房署要求保密得唔得？

作者: flypig 時間: 15-4-2017 23:19
不如你call 房署睇下咩料先。有需要就事先通知佢老破呢單野。無需要就唔理喇

作者: Chloe 時間: 16-4-2017 10:42
其實最主要層樓是媽媽做户主，所以每次見房署，佢一定跟住我去的，我忘記去什麼地方，好像是銀行，他們大大聲聲說我破產，還說破產是一定要公開，當時真想喊

作者: flypig 時間: 16-4-2017 11:44

Chloe 發表於 16-4-2017 10:42
其實最主要層樓是媽媽做户主，所以每次見房署，佢一定跟住我去的，我忘記去什麼地方，好像是銀行， ...

你CALL 房署先,睇佢點講.
銀行講法yes and no. 我唔like, 即寸佢都得.
所謂公開,係點先?? 如果指要查一定查到,無問題.
如果指周圍唱,我就要見佢經理,甚至搵私隱專員問下.
要職員即場澄清都仲可以.

作者: Chloe 時間: 16-4-2017 11:58
又想請問，我前兩年房署張form無寫有人資助，我要否填寫番少少有人資助？

作者: flypig 時間: 16-4-2017 13:02
其實破署與房署係兩個部門，資料唔會咁易可以調黎調去。所以，呢d 野自己嚇自己多。如果我係你，黎手call 房署問咩事，有需要就講明1 已破，無戶口，無工作2 此係私隱，屋企人都唔知，務請對方必須守密。基本上，我睇唔到有咩值得擔心

作者: Chloe 時間: 16-4-2017 14:56
吾該晒flypig呀

作者: wahtung 時間: 16-4-2017 18:24
相信樓主戶主是佢媽媽,房署如見一定會見戶主的,因文件上是要戶主簽名,是否要交兩年一度的住戶入息及資產檢討表格?

作者: wahtung 時間: 16-4-2017 18:26
房署是唔知你破產身份的

作者: Chloe 時間: 16-4-2017 19:25
Wahtung 你講得完全正確, 我擔心房署要我畀銀行資料, 或問我更多

作者: Chloe 時間: 16-4-2017 19:40
我順便講個好蠢嘅故事畀你地聽呀，今年報了年報，常常看見師兄師姐們話用掛號一定不會說收不到，又說跟主任會好好多，今年是第二年遞交年報，原來主任每年都會不同的，我掛號信寫了上年主任的名字收，亦不知道每年都會不同主任，所以今年的主任出了信說收不到年報，那麼我打去破處問發生咩事？那 receptionist 幫我 transfer去新主任的電話, 第一次我問他,他是很好的態度,並留了直線電話給我，那時我好慶幸有個那麼好的主任跟我，當我fax完年報給那主任的時候，過了半天我打去問是否收到？他就180度的轉變地串我地奚落我，原來破產真是不可以有尊嚴的，家人本想暑假資助我去旅行，我真是不想再接觸那個無良的主任，所以我決定不去了，或者我真是面皮太薄了，我為了已哭了幾次，千祈唔好鬧我太懦弱呀

作者: BB__BB 時間: 7-5-2017 21:31

Chloe 發表於 16-4-2017 19:40
我順便講個好蠢嘅故事畀你地聽呀，今年報了年報，常常看見師兄師姐們話用掛號一定不會說收不到，又說跟 ...

要勇敢呀！唔好覺得自己冇曬尊嚴！捱多2年就有新的開始！

作者: BB__BB 時間: 7-5-2017 21:32
最後房署找你乜事

作者: admin 時間: 7-5-2017 22:18

Chloe 發表於 16-4-2017 19:40
我順便講個好蠢嘅故事畀你地聽呀，今年報了年報，常常看見師兄師姐們話用掛號一定不會說收不到，又說跟 ...

你真係完全唔掂。

佢寸你？

咁佢會死得好慘！

我直情會要求接見佢上司，並且立即入信。

作者: admin 時間: 7-5-2017 22:24
樓主點解會認為你唔做野所以被人召見？

我所知呢樣一定唔會！
1. 政府唔可以馮自已想象去查人。呢個係刑事。

咁有乜機會呢？
1. 你犯左其他事，例如報有 19 個人住，但係得一個
2. 有人金手指話你呢樣，個樣咁

我識N個人，完全無做野，無人因為呢樣野見佢！

一係你被人抽中！做 audit

作者: flypig 時間: 8-5-2017 14:47

Chloe 發表於 16-4-2017 19:40
我順便講個好蠢嘅故事畀你地聽呀，今年報了年報，常常看見師兄師姐們話用掛號一定不會說收不到，又說跟 ...

NG....出信俾破署,應該列明申破人編號.至於換主任,破署內部問題.唔關你事.

其實奚唔奚落,幾主觀下.你過半日去追問主任,我就咁諗,人地忙到死.得閒收你呢D 無厘頭電話追問,
有情緒唔出奇.你最好唔好將呢D 事放係心. 體諒下主任喇.
至於CONTACT 主任出外.CHLOE, 你有無30歲.面皮真係幾薄下.

以我所知,黎手FAX 份野俾主任破署就完喇.你估主任好得閒,真係跟單野咩!!!
佢轉頭當無件事喇.... 如果下次你無FORM, 上黎我俾份你喇.

作者: flypig 時間: 8-5-2017 14:57

Chloe 發表於 16-4-2017 19:40
我順便講個好蠢嘅故事畀你地聽呀，今年報了年報，常常看見師兄師姐們話用掛號一定不會說收不到，又說跟 ...

我又講個古仔你聽.
N年前深夜(1-2AM) ,我同個FD 係九龍城飲完酒行番佢屋企.
點知俾兩個差佬查ID CARD.仲出言不遜.問你地做咩工作.
我個FD 話:無野做.
差佬話:好人好姐無工番,咁夜仲出黎咩事.

我笑笑口話:當然無工番喇.佢移民批左.辭左職好快走喇.

我再對FD 笑下:快D 拎ID CARD 喇.人地地工作黎,要交功課姐.
查完走前,FD 同我講(不過佢地聽到): 半夜3更係度查人,都係打份工.大家體諒下喇.

兩個差佬由寸77,到聽到移民,到最後面色大變呀!!!

歡迎光臨破產聯盟 (http://hkiva.org/)