破產聯盟

標題: 應該如實話比主任知，定係找个借口？ [打印本頁]

作者: Hello 時間: 15-1-2017 23:36
標題: 應該如實話比主任知，定係找个借口？
我2月初会颁令，但因要返回美国等入藉試所以一交左呈請书(律C代辦)就走返美国了。最近收到第一封信叫我颁令后5天內打电话到安X秘书有限公司約交文件。我確實很難2月初又再返香港，机票好贵又要湊仔，我是家庭主妇，呈請书很簡单，没有强積金，没有保险，全欠一線银行卡数，破产因蝕晒窩輪，申请破产因香港有父母，唔想佢地受騷擾。我差不多已定居美国，每一年返港探父母幾星期。而家好烦！我2月初要打比主任，我是否应该如實？定係话有急事暂时離开香港，年底会再返？预计10月会返香港。交文件前比主任知道我不是在港定居，同之后讲有冇分别？我可唔可以寄晒D文件比佢先，年底才親身见面？

作者: flypig 時間: 15-1-2017 23:48
其實唔係太複雜。美國個入籍試不能改期?如果不能，就照律師講通知破產主任。如果押後計算開始期，咪得佢押後。至於收數問題，我又唔覺會有。萬一真係有，你又嫌機票貴又抽唔到時間番黎，都唔理得咁多!!!

作者: Hello 時間: 16-1-2017 04:57
我想問，唔係颁左令就唔会有人追数吗？颁令后到交文件期间就不算已破产？好乱哦~

作者: anson123456 時間: 16-1-2017 05:59
一線銀行追數機會唔大，如果你真係返唔到香港交文件，我覺得問題唔太大，最多係押後你的破產期，即是假如你半年後先交文件就半年後先開始4年的生涯，其實你都移民美國所以我覺得冇所謂，咪由佢延長破產期囉

作者: cl475867 時間: 16-1-2017 06:29
其實樓主申破係唔想收數搞屋企人，但未交文件就走咗去，如果真係有收數問題，咁入紙就冇意義

作者: Hello 時間: 16-1-2017 08:48
係呀，我唔怕佢拖我，我最怕我香港家人被人搞。係咪如實同主任傾最好？不过我交文件的地方是安X秘书有限公司，信上的电话係咪可以找到主任架？

作者: flypig 時間: 16-1-2017 13:34

Hello 發表於 16-1-2017 04:57
我想問，唔係颁左令就唔会有人追数吗？颁令后到交文件期间就不算已破产？好乱哦~ ...

收數唔係正規行業.頒令後在法律上,係唔應該再追.但現實就有人領野.

而借銀行錢,一般頒令後都唔會有人追,但唔好忘記,銀行一俾左收數,
就唔係一個PARTY,係兩個PARTY. 到時收數扮無唔知!!!

甚至有銀行內鬼賣料俾出而.有D收數博大霧

呢版,有人解破後都有收數搵佢添!!!

所以,你應該通知屋企,有人追數就千祈唔好理D 咩電話同信.

而想像與現實,未必一樣.

作者: Hello 時間: 3-2-2017 06:52
今日颁令-，我应该幾点打比主任？話佢知我人不在香港。仲有一个问题-，佢係咪要我的外国住址证明呢？会唔会要求我比证明点解要咁耐才返香港？

作者: smallcat 時間: 3-2-2017 11:31

Hello 發表於 3-2-2017 06:52
今日颁令-，我应该幾点打比主任？話佢知我人不在香港。仲有一个问题-，佢係咪要我的外国住址证明呢？会唔会 ...

反正你都去左美國, 如實報咪如實, 延唔延長你破產期都分別不大, 反正你都身在美國, 照交代咯, 隱瞞來做乜? 不過, 你事前應該交左文件先走既, 人地都要做番你個case

歡迎光臨破產聯盟 (http://hkiva.org/)