破產聯盟

標題: 自行搞破產 [打印本頁]

作者: siukaikai 時間: 23-12-2016 12:31
標題: 自行搞破產
各位兄弟姐妹,
小弟十二月頭都自行申請破產, 由於失業欠財仔同卡數(主要係UX / 星X銀行 / 恆X銀行共40萬左右) 真係冇力還, 仔女又唔肯幫手, 唯有希望重新做人.............
已排期1月1X號上庭, 但好多電話打黎追數, 想問問
1. 係唔係可以話佢知我申請左破產, 定我要等正式出左破產令先可以通知個D機構?
2. 我同老婆/呀媽(年老)一齊住, 開支包抱屋企使用, 同埋照顧呀媽飲食乜乜乜, 係唔係一一可以上報? (我未填訊問表, 好驚填錯)
3. 其實破產之前十月之前我一直仲係洗緊呀媽D老本(請留手唔好插) 咁十一月用完加上正式冇工開就唯有老破, 咁我會唔會俾人問我要証明以後都冇個D錢入?
4. 我試過去搵工但份份都叫我等call..... 咁我如果正式出左破產令, 但冇收入, 問仔女拎小小生活費會唔會當收入??

其實我仲有好多個問號不過我諗都係唔應該問太多先, 可能好多都好多餘唔想再帶太多麻煩俾人。如各位有心人可以分享下教下路, 小弟不勝感激!!!!!!!

作者: flypig 時間: 23-12-2016 15:24
本帖最後由 flypig 於 23-12-2016 15:34 編輯

C打寫得好詳細。在隔離版破產須知定申請破產版。
1. 係唔係可以話佢知我申請左破產, 定我要等正式出左破產令先可以通知個D機構?一經申報，快快通知各債主叫佢地停止收數，因已進入司法程序了。你欠大銀行，就係要快。
2. 我同老婆/呀媽(年老)一齊住, 開支包抱屋企使用, 同埋照顧呀媽飲食乜乜乜, 係唔係一一可以上報? (我未填訊問表, 好驚填錯)
報照報，批唔批，批幾多要同主任外判傾

3. 其實破產之前十月之前我一直仲係洗緊呀媽D老本(請留手唔好插) 咁十一月用完加上正式冇工開就唯有老破, 咁我會唔會俾人問我要証明以後都冇個D錢入?
證物鬼明!失業到有工作無人知幾耐。
你一有工作就通知主任外判。BTW, 失業唔搵工，一毫子不上繳大有人在。一老破，就唔駛還，還都經主任外判。還幾多?有收入再同主任外判傾
4. 我試過去搵工但份份都叫我等call..... 咁我如果正式出左破產令, 但冇收入, 問仔女拎小小生活費會唔會當收入??
人要食飯。到時你話親友資助，或者借貸去做生活費都可以。

作者: siukaikai 時間: 23-12-2016 15:50
本帖最後由 siukaikai 於 23-12-2016 15:51 編輯

flypig 發表於 23-12-2016 15:24
C打寫得好詳細。在隔離版破產須知定申請破產版。
1. 係唔係可以話佢知我申請左破產, 定我要等正式出左破 ...

感謝!!!!!!!!!

好! 我再去爬下文先!!
1. 係唔係可以話佢知我申請左破產, 定我要等正式出左破產令先可以通知個D機構?一經申報，快快通知各債主叫佢地停止收數，因已進入司法程序了。你欠大銀行，就係要快。
>>>>>>
我見D文話如果搵律師搞會做埋FAX過去通知,
我自己搞我通知哪個??或者我點通知銀行??

作者: peterlaw71 時間: 23-12-2016 23:50
我也是12月初申破，也是排期在1月1X日上庭，不過我是經律師搞，已經沒有追數電話了，樓主如再有追數電話，可直接告訴對方破產案件編號便可，想直接D咪每間銀行打去客戶服務熱線叫佢地轉去相關部門便可。

作者: flypig 時間: 24-12-2016 17:46
Peter 講得好詳細。理論上，你申破後，破署會通知銀行公會，公會通知旗下會員，銀行係會員，走去破署對數。但現實上，公司之間，部門之間有延誤，有錯誤處理。債仔唔想銀行pass 去收數佬。因為一去到收數就麻9煩。收數知你申緊破仲可以扮唔知。所以如Peter 講，逐間銀行 fax 過去。再call 佢地有無收到。小弟當日問銀行再fax 再confirm,三四間銀行，一粒鐘之內。

作者: 小學雞 時間: 3-1-2017 00:59

siukaikai 發表於 23-12-2016 15:50
感謝!!!!!!!!!
好! 我再去爬下文先!!
1. 係唔係可以話佢知我申請左破產, 定我要等正式出左破產令先 ...

我都係自己搞申破，通常你銀行或個D有牌嘅財務佢哋追數都會寄過D追數信俾你㗎，信內都有佢哋收數部門或負責人電話我有keep起，我3月申破，上午去破處交錢辦好手續下午就返屋call 晒D銀行，我個陣有三間（建X丶獅子丶支那銀行）照信上電話打去同佢講你巳申破請佢俾個Fax 或email你send 你份破產呈請書俾佢（我記得係要Fax三頁紙，詳情可以問番對方要邊幾頁）fax抬頭叫佢收到就覆個電話俾你咁就掂喇。如果你冇相關部門電話咪打去佢哋客戶服務問囉，唔需要等正式上庭出破產領就可以先停止對方繼續追數。

作者: hohochi 時間: 3-1-2017 10:04
Fax 或email已蓋高院印章架表格3「債務人的破產呈請書」前後3頁紙

歡迎光臨破產聯盟 (http://hkiva.org/)