破產聯盟

標題: 準備申破，有關在內地定居問題，希望各位師兄師姐解答 [打印本頁]

作者: hsbc903 時間: 23-5-2016 00:07
標題: 準備申破，有關在內地定居問題，希望各位師兄師姐解答
小妹已錄爆幾張信用卡，無力賞還，準備申破，我嘅信用卡嘅註冊地址係我朋友香港地址，我再用郵寄轉遞到郵政信箱, 我幾年前已經離開香港在內地生活，但收入不穩定，並用永久離港為由已取走所有MPF, 請問我申破時應該怎樣解釋我的MPF 狀況呢？

如上，我已不在香港定居，但我可用朋友香港地址，請問我申破時我應該填寫我朋友的香港地址還是坦白填寫我在內地生活呢？

我在內地有收入，但不穩定，亦無任何收據可尋，如果我填寫我收入是零，請問以各位經驗，在內地生活並零收入可信嗎？

小妹已無任何現金申破，但發現有餘下保險及小量基金，取消後用來作申破之用，請問這算是違法資金轉移嗎？

小妹望各兄弟姐妹逢凶化吉，否極泰來!謝謝各位師兄師姐幫忙回答

作者: Alex2233 時間: 23-5-2016 00:54
本帖最後由 Alex2233 於 23-5-2016 01:00 編輯

Mpf有就填冇就冇，不需過度解釋，問你就照答：以前打算永久離港發展提左，
如果提取時期距離現在申破好耐，就更無衝突

申破地址，盡量簡單化
你可以係同友人住，視你為租客
而你又有香港新份證，你可以填果個地址，
可以頒令後再通知破署，你回大陸正式生活

至於收入，前提係：一有收入就應該報，
好死板，你走私，做雞做鴨，黑錢，現金定過戶，邊到搵番黎，點樣搵番黎，理論上就要報齊

至於你在什麼情況下搵錢，佢有沒能力查核，不作詳談，你成年人有自己思維

假設你在內地，真係失業等人養，全部寄人籬下
填0收入，而支出由朋友/親人亦無問題，法例沒阻止你失業

拎基金保險申破：無問題，本身係你財產，少少地就更加好，申破完都冇淨餘，唔會被追討餘額

但係：就唔好再碌卡申破，始終唔合法（基於打算破產後不應作任何借貸/透支）

作者: hsbc903 時間: 23-5-2016 01:14
多謝Alex2233咁快就答到我

作者: hsbc903 時間: 23-5-2016 17:07
話說小妹有小量退還保險和基金用作申破 6C 費之用，本已在退款程序，因追數公司實在太兇，逼不得已明天約了 3 姓6C 開始申破手續，6C 問我有沒有保險和基金，我說沒有，6C 還叫我帶銀行卡去，我想問各位，去了 6C 後，銀行account 是不是會被凍結，那我的保險和基金支票怎辦呢？

作者: bill0828 時間: 23-5-2016 17:34
如果賬戶不是你欠債銀行，是不會那麼快凍結。
主要你這樣做已經資金轉移了，那是有問題，很大機會被起訴。

作者: hsbc903 時間: 23-5-2016 17:44
謝謝回覆，所以你覺得我應該坦白告訴 6C 我有支票在途中？這樣會不會拖慢了我申破的時間呢？追數追得很緊

作者: bill0828 時間: 23-5-2016 17:51
如果你告訴了6C，他們就不會接你CASE。他們會告訴你5年内不能做破產。
這2筆金額有多少？

作者: hsbc903 時間: 23-5-2016 18:13
餘下保險及小量基金加起來還不夠交 6C 費，當初是想用餘下的，再加小小現金，來交 6C費.

作者: bill0828 時間: 23-5-2016 18:22
金額不大就按你想法去做，很大機會頒聆前都要你解釋，做好心理準備。
還有之後交文件，要把國內地址寫上去。如果長住應該要你提供住址證明。

作者: Alex2233 時間: 23-5-2016 21:53
本帖最後由 Alex2233 於 23-5-2016 22:17 編輯

你想唔拿野就唔好破住，
等所有保險基金，成功入戶後，完結晒個提取程序，再去申破

基金本來是你財產，你點用都得，你可以用黎生活消費，因為你無業，用到乾塘，再申破無問題
但如果一到手後，用都唔用，就轉移筆錢、再申破，咁就犯法，
唔理你用咩手段美化個轉移過程，就有風險，自己承擔，
除非你永遠離開香港

老老實實，總共提取晒有幾多？兩三萬樓下就唔洗杞人憂天
你申破時都用萬幾，淨番萬幾只夠生活費、明顯地唔會有淨，亦都沒有追討的空間

除非你筆錢加埋有十幾廿餅，
咁你用果一萬蚊申破完，其餘十幾萬再提晒現金，過晒落大陸朋友戶，咁就梗係出事

不過點解你而家連支票都未拎到？
都有錢申破？你係咪大把貨係手

但呢d野我唔過問咁多

好多老破者，仲會有撈，拎去二叔公到

作者: hsbc903 時間: 23-5-2016 23:26
多謝 Alex 好詳細嘅回覆，我唔可以唔破啦，追數公司追得好緊好緊，已經影響到屋企人。所以明知兩筆錢到唔切都要申破，其實兩筆錢加埋就係萬五，本來諗住黎俾6C 費，而家落空了，仲諗緊之後點俾6C 費，聽日俾左兩千蚊訂先算，仲有小小錢因為變賣左小小自己野，頂得幾多得幾多，不過而家好擔心點樣解釋保險已經退保不過支票未到呢個位，如果佢一定要我收到張支票先肯同我做，咁我就大鑊啦，而家真係渡日如年！

作者: YANNY 時間: 23-5-2016 23:51
我都係咁，我律師只講，呢一刻係取消左就得，之後支票就入到就入，入唔到就頒令後揾主任，因我失業，做生活費，我係8000幾蚊

作者: hsbc903 時間: 23-5-2016 23:54
Yanny, 我想問係唔係第一次見 6C 就要諗好生活有咩費用？

作者: hsbc903 時間: 24-5-2016 00:01
我想問多各位一個問題，希望大家俾吓意見或答案。因為我只前衰太懶太無知，過左min pay 兩個月都唔做申破，結果銀行俾左追數公司追，仲搞到屋企人。。。。咁我而家就急急忙忙搞申破，請問由見6C 之後會發生咩事，我幾時先可以有一個number 定銀行和追數公司唔好追我？我睇過申破程序但唔係好明。希望有高手指點

作者: Alex2233 時間: 24-5-2016 00:56
咁你都係要等埋張票先，冇齊15000無律師會同你做

未入紙一定照追，所以，唔好諗錯，你既情況無得簡，要果15000到手才能申破

仲有，入票果陣唔好用有仇口既銀行，否則比人強行扣數，15000冇埋都唔出奇

你而家要做既，去間冇欠錢既銀行，開個新戶口，15000張票一到手，即刻搞破產，搞完你都冇錢淨，亦唔洗多諗會有乜野上身

作者: hsbc903 時間: 24-5-2016 01:14

Alex2233 發表於 24-5-2016 00:56
咁你都係要等埋張票先，冇齊15000無律師會同你做

未入紙一定照追，所以，唔好諗錯，你既情況無得簡，要果1 ...

Alex哥，我唔等啦，聽日約左去6C 到，先交兩千訂先，佢話到宣誓再俾埋尾數，到時我變魔術變法術都要變條尾數出黎。如果要等果兩張支票，起咪一個月，我一日都等唔到啦。

作者: Alex2233 時間: 24-5-2016 01:21
本帖最後由 Alex2233 於 24-5-2016 01:28 編輯

你有辦法變到萬幾出黎，咪最好囉，可能你根本有貨、扮晒野

冇15000就肯定冇律師做，因為有9045係政府收你的

至於你真係變到啦，入左紙，之後果張15000蚊既票到左手，用作生活費，亦唔大問題，15000只係一個平常人個幾月既洗費.....

不過就要而家做定野：入紙前開定個永燶戶口（假設你冇欠佢）
咁等緊頒令的途中，張票到手，就可以入落呢個永燶到，再提出黎作日常生活費，

如果張票慢到頒令後先到手，就未必可以用架啦，破署可能要你全張嘔番出黎！
總之張票唔想蝕，真係越快到手越好

至於頒令後，交完初步問表，再開始你既內地新生活吧....

作者: hsbc903 時間: 24-5-2016 01:45

Alex2233 發表於 24-5-2016 01:21
你有辦法變到萬幾出黎，咪最好囉，可能你根本有貨、扮晒野

冇15000就肯定冇律師做，因為有9045係政府收 ...

Alex哥，先唔好討論張支票，我想知吓由聽日我去見6C,大概有咩程序我同屋企人先唔會俾追數公司煩？

作者: Alex2233 時間: 24-5-2016 01:49
本帖最後由 Alex2233 於 24-5-2016 01:55 編輯

唔洗諗，見律師都冇用，你連紙都入唔到，
債主一定煩你，無人幫到你

入左紙，只要係大銀行，就多數收歛

你要諗既，係點樣盡快入紙，
律師是廢的，似文員仔多過律師，佢只係收多你五千蚊：幫你填表、慳你腳骨力唔洗上金鐘等頒令，
唔好以為睇tvb咁幫你打官司，破產案係99.9%不用同法官對答

就算你搵律師得出的意見，亦隨時少過你在此論壇問番黎（收得你五千蚊、幾百單case，幫極你有限）

而家最幫到你既，就係港幣9045大元
只要有9045，明早一個人上金鐘都可以有申破number，咁大銀行就會收檔（2、3線多數頒令才收檔）

作者: hsbc903 時間: 24-5-2016 02:01
啊。。。。。其實一開頭我都煩究竟揾律師搞定係學你哋高手咁自己搞，但係每次追數公司打電話黎個人就好亂，又怕俾小左文件法庭，加上其實我係大陸時間比較多。所以有朋友題意不如揾三姓6C,結果就約左聽日。

作者: bill0828 時間: 24-5-2016 02:06
聽日上律師樓只係交文件，然後等安排宣誓，大約一星期，宣誓後入紙3-5日先有NO，6C幫你寄信俾各債權人也要3～5日，你自己計下時間。

作者: hsbc903 時間: 24-5-2016 02:12
Bill 你好，咁如果我直接去金鐘，唔好6C 到，除左九千幾蚊必定要帶外，我都有睇過其他網友寫野，例如八達通，有無咩嘢特別要帶？信用卡statement 我已經準備好。咁橋其實我同我唯一嘅銀行戶口無仇口，應該唔需要永窿銀行。請提點下

作者: Alex2233 時間: 24-5-2016 02:15
你比2000上去會聽到乜我都預料到

現實上，唔會對你受騷擾情況有任何轉變

你唔比足果萬五六，佢唔會幫你入紙，唔會令騷擾程度有任何轉變

況且就算你聽日準備夠萬5，佢都要357個工作日

你要快，一定係聽日自己上金鐘

但你要清楚份表點填（最重要一定係所有債項無填錯）

其餘字眼錯左唔大影響，最多約你修改番、遲一星期頒令

作者: hsbc903 時間: 24-5-2016 02:16
請提點下我填表嘅時候會唔會有咩位特別容易寫錯，其實我到而家都未見過份表。

作者: hsbc903 時間: 24-5-2016 02:20
Alex 哥，我估計債行我應該無問題，因為我全部都係大銀行嘅card 數，我無啲咩財務公司嘅數，不過你可唔可以提點下卡數會有咩出錯位？

作者: hsbc903 時間: 24-5-2016 02:25
我記得今日我打電話去6C 到問過，佢話債行個數目寫多小小無所謂，其實都係，例如我有間銀行嘅卡數過左去追數公司，跟住又加收唔知幾多追數公司費，最後搞搞下都唔知欠佢幾錢，所以其實寫多啲係唔係好事呢？

作者: hsbc903 時間: 24-5-2016 02:27
我越黎越覺得 Alex 同 Bill 講得對，我應該聽日一早去金鐘

作者: Alex2233 時間: 24-5-2016 02:28
卡數唔一定100%，因為成日跳息，但都要99%準

最好寫多1%左右

作者: bill0828 時間: 24-5-2016 02:30
你有幾多張卡數？甘急可以自己去金鍾搞返啦。

作者: Alex2233 時間: 24-5-2016 02:30
本帖最後由 Alex2233 於 24-5-2016 02:31 編輯

你自己down份表望一望先，再上黎問，

份表我自己一手一腳填，邊隻字填錯左，延遲頒令，都仲記得

你down份表（oro gov網站）睇左，唔清楚逐樣問

作者: bill0828 時間: 24-5-2016 02:34
最緊要債權人全部寫上去，欠銀碼有地出入都問題唔大。

作者: hsbc903 時間: 24-5-2016 02:36
Bill,我有7張卡數啊。 Alex,你記唔記得係邊一份，我入過去覺得裡面有好多份，搞唔清係邊份

作者: Alex2233 時間: 24-5-2016 02:38
本帖最後由 Alex2233 於 24-5-2016 02:45 編輯

hsbc903 發表於 24-5-2016 02:27
我越黎越覺得 Alex 同 Bill 講得對，我應該聽日一早去金鐘

你有9045絕對無問題

去counter問佢拎份sample照填

但佢份sample不是完美

（佢sample例子，冇填信用卡號碼，同埋最後一頁佢miss左日期同簽名欄）
所以你要自行填埋，當然你唔填都唔大影響，但就注定會彈回頭一次，要上多次去修改，遲一個星期頒令咁解）

作者: hsbc903 時間: 24-5-2016 02:38

bill0828 發表於 24-5-2016 02:34
最緊要債權人全部寫上去，欠銀碼有地出入都問題唔大。

Bill, 我想問例如建築銀行我有兩張卡，咁係唔係都屬於一個債權人？

作者: Alex2233 時間: 24-5-2016 02:41
本帖最後由 Alex2233 於 24-5-2016 02:46 編輯

最好開永燶，強烈建議，其他銀行就算冇仇口，凍結率都好高

仲有強積金，你是否100%肯定自己冇，係就唔洗理唔洗填

但如果有就一定要填，唔清楚僱主有否供過
可以去信德對面果個積金寫字樓（識去但唔記得乜名，爬文應該有）

叫佢print張野，會列晒你所有供過的mpf公司，再打去該mpf公司索取mpf戶口number同結餘，再填落申破表

作者: bill0828 時間: 24-5-2016 02:41
當然同一債權人，寫總欠銀碼數。

作者: kinkinkin123 時間: 24-5-2016 02:43

hsbc903 發表於 24-5-2016 02:01
啊。。。。。其實一開頭我都煩究竟揾律師搞定係學你哋高手咁自己搞，但係每次追數公司打電話黎個人就好亂， ...

搵6C搞多數拖好耐,好多會員都係自己鎮,1日就搞掂

有咩唔明都可以問Alex哥或者其他人都可以解答你

作者: hsbc903 時間: 24-5-2016 02:46

Alex2233 發表於 24-5-2016 02:41
最好開永燶，強烈建議，其他銀行就算冇仇口，凍結率都好高

仲有強積金，你是否100%肯定自己冇，係就唔洗理 ...

Alex 哥，我100份之100 我取走所有mpf, 我仲好記得去左上水個辦事處宣誓，ok, 聽日開永窿，不過永窿銀行話開就開㗎啦？？？

作者: hsbc903 時間: 24-5-2016 02:48
Kinkinkin 你好，你都未訓？好熱鬧啊！

作者: kinkinkin123 時間: 24-5-2016 02:49

hsbc903 發表於 24-5-2016 02:48
Kinkinkin 你好，你都未訓？好熱鬧啊！

岩岩做完野,上黎LOOKLOOK

作者: hsbc903 時間: 24-5-2016 02:50
我到左oro 主頁，有個女人相，叫黃小雲，左邊公用表格，請問邊份係呢？Alex? Bill?

作者: hsbc903 時間: 24-5-2016 02:54
話說當初我多數住係大陸，覺得唔好浪費啲mpf, 所以宣誓話永久離開香港，取走所有mpf, 但係而家我又走翻翻黎申破，唔知會唔會怪怪地，不過我記得Alex 教過唔好寫大陸地址，我香港都有地址

作者: bill0828 時間: 24-5-2016 02:56
我睇下以前申破文件，債權人名稱，地址，欠她款額，MPF，其他都好簡單啦

作者: bill0828 時間: 24-5-2016 02:58
還有銀行戶口結餘，銀行名稱，賬號，結餘銀碼，呢地資料全部準備好。

作者: Alex2233 時間: 24-5-2016 02:58
你肯定全取左?之後沒有再打工，沒有再供mpf?係就可以blank左mpf果欄

永燶，500定1000就開到

聽日可唔可以搞得晒，睇你快唔快手，

1.先開永燶，存款1000，
2.其餘戶口如果非巨額，一千幾百，可全部提取走作生活費，不用擔心
3.肯定沒mpf
4'上金鐘拎表拎sample照填，但係份sample果兩個缺陷記得如上面所講講補番，
當然唔排除你自己會唔會填錯其他野
但呢兩項就最基本自己更正，如果唔想晒時間走多轉遲頒令

（記得填埋剛啟用的永0）
5.填完交8000宣誓
6.落樓下高院搵A職員比1045庭費，
影印申破表給B職員存檔
7.上番10樓比副本破署，自己會有一份有number文件，即fax去所有欠債銀行

作者: hsbc903 時間: 24-5-2016 02:59
Bil, 請問係 oro 主頁邊到 download? 份form 叫咩編號？謝謝

作者: hsbc903 時間: 24-5-2016 03:01
Alex!你好犀利！

作者: hsbc903 時間: 24-5-2016 03:03
我想問呢，如果永窿要 1000 開戶，咁開完後可唔可以立即提走？

作者: bill0828 時間: 24-5-2016 03:03
經濟能力說明書，你失業收入就報0，支出按你實際填地上去。

作者: Alex2233 時間: 24-5-2016 03:04
本帖最後由 Alex2233 於 24-5-2016 03:06 編輯

28A非營商果份

似乎format改過，同我以前填果份有一出入

不過你照望望，最重要係債項準，登入ebanking，抄準個負債數字
銀行戶口未取消，就算得一毫子，都記得list晒，
咁你就冇隱瞞成份，

其它雜項就盡填，字眼錯都冇計，最多遲一星期頒令

你目的都係想快d有正式入紙number

作者: hsbc903 時間: 24-5-2016 03:06

Alex2233 發表於 24-5-2016 03:04
28A非營商果份

似乎format改過，同我以前填果份有一出入

就係呢 1 份 28A?

作者: hsbc903 時間: 24-5-2016 03:08
有啲位置無sample 真係唔知填咩，例如在此展示並標明為_______ 呢到唔知要寫咩

作者: Alex2233 時間: 24-5-2016 03:12
本帖最後由 Alex2233 於 24-5-2016 03:23 編輯

A表比以前簡單化
A(a)填足所有戶口，一毫都要填

B表冇物業唔洗理

C表小心填準，信用卡號填埋（填於債權人聲稱你欠的果一列）
Eg. 158000 萬事達卡（xxxx-xxxx-xxxx-xxxx)

債權人地址電話要最official既總部，不可填分行

D表仍然係果個衰樣，有冇留意底部冇日期同簽名，正一19破署黎，玩9人，

記得自己手寫加番，法庭係需要每頁都有日期同簽名

作者: hsbc903 時間: 24-5-2016 03:15
Alex, Bill, 又要去番保險&基金問題，保險我已經退保，我相信保險公司已經處理緊，十幾日後應該有支票(保險經紀話), 基金我聽日寄信去取消，佢話大概三至四星期收到支票，我應該點樣填落份表呢？？？。。。。

作者: hsbc903 時間: 24-5-2016 03:17
所以原來每一頁底都要有日期同簽名？？？？？？？？？？？

作者: Alex2233 時間: 24-5-2016 03:21
A表的d同i

所以我提你，填係必需要填，如實披露

但既然你填得上去，就假設會拎唔番，

佢好大可能會沒收張票既金額，果15000去分比債權人，

即使你失業，未必比番你，

當然你未頒令時將佢兌現，用作生活費先斬後奏，我唔保證佢會唔會追討番果15000

同埋，入左紙之後，保險同基金公司會唔會知你申請破產而擱置你兌現，亦唔敢講

作者: bill0828 時間: 24-5-2016 03:22
應該28C先岩

作者: Alex2233 時間: 24-5-2016 03:25
本帖最後由 Alex2233 於 24-5-2016 03:28 編輯

係28c

我都覺得怪，點解果頁完全冇呢份表，仲以為佢份野改左模式

作者: hsbc903 時間: 24-5-2016 03:26

bill0828 發表於 24-5-2016 03:22
應該28C先岩

28C???? 我同 Alex 睇緊 28A 喎

作者: Alex2233 時間: 24-5-2016 03:28
本帖最後由 Alex2233 於 24-5-2016 03:30 編輯

去刊物>債務人破產呈請程序簡介

果到份28c(資產狀況）先岩

果份就似樣，你上到金鐘10樓佢有埋sample照跟佢sample同埋我講果兩項modify就得

作者: kinkinkin123 時間: 24-5-2016 03:28

hsbc903 發表於 24-5-2016 03:26
28C???? 我同 Alex 睇緊 28A 喎

係28C 我岩岩拎返我自己份野睇,都係28C

作者: hsbc903 時間: 24-5-2016 03:30
開緊，等等

作者: bill0828 時間: 24-5-2016 03:31
我手上有份28C，你睇下有邊度唔識填？

作者: hsbc903 時間: 24-5-2016 03:33
好，等等

作者: Alex2233 時間: 24-5-2016 03:33
本帖最後由 Alex2233 於 24-5-2016 03:35 編輯

Alex2233 發表於 24-5-2016 03:28
去刊物>債務人破產呈請程序簡介

果到份28c(資產狀況）先岩

你跟足我上面果7個簡略步驟，再爬下之前仲有一個post更詳細自行申破程序

份表你望太多冇用，聽日比10蚊買份靚仔表格，叫職員借sample你抄考，留意果兩樣tricky，其它全跟就可以

唔算難填

作者: hsbc903 時間: 24-5-2016 03:34
啊。。。傾下開支好唔好？

作者: hsbc903 時間: 24-5-2016 03:35
Alex, 係唔係每一頁嘅底，要日期，簽名？

作者: hsbc903 時間: 24-5-2016 03:36

bill0828 發表於 24-5-2016 03:31
我手上有份28C，你睇下有邊度唔識填？

Bill, 用電腦睇真係睇到頭暈

作者: bill0828 時間: 24-5-2016 03:36
我覺的基金唔多就唔好拿了，照報上去，文件填無保險，基金，然後有在拿返錢。根本就係欺詐成份。

作者: Alex2233 時間: 24-5-2016 03:38

hsbc903 發表於 24-5-2016 03:35
Alex, 係唔係每一頁嘅底，要日期，簽名？

每頁都有橫線提你

唯獨最尾一頁H part仆街，佢特登陰你，

法庭果次都叫我加番

作者: hsbc903 時間: 24-5-2016 03:38
我有一個問題，我而家無野做，收入係零啦，咁一間再傾開支，有個位叫每月賞還債權人，咁我寫零啦，係唔係？

作者: hsbc903 時間: 24-5-2016 03:39

Alex2233 發表於 24-5-2016 03:38
每頁都有橫線提你

唯獨最尾一頁H part仆街，佢特登陰你，

係喎，好彩你提我

作者: Alex2233 時間: 24-5-2016 03:39
本帖最後由 Alex2233 於 24-5-2016 03:43 編輯

H，如果你近12月無業，咁收入寫全0就可，後面畢竟只係預料性質，你預料一直失業，亦無犯法
而你現在的確無業，
G表收可寫0
支出約略寫下8000-12000就好，反正頒令後先正式傾

作者: hsbc903 時間: 24-5-2016 03:41

bill0828 發表於 24-5-2016 03:36
我覺的基金唔多就唔好拿了，照報上去，文件填無保險，基金，然後有在拿返錢。根本就係欺詐成份。 ...

所以呢？你嘅意思係我照填保險？雖然我已經取消緊？係唔係咁嘅意思？？

作者: bill0828 時間: 24-5-2016 03:43
還唔到就NIL，開支就填下租金，水電，流動電話，交通費，膳食，家用雜項支出，買衣服，供養XX

作者: Alex2233 時間: 24-5-2016 03:47
本帖最後由 Alex2233 於 24-5-2016 03:48 編輯

hsbc903 發表於 24-5-2016 03:41
所以呢？你嘅意思係我照填保險？雖然我已經取消緊？係唔係咁嘅意思？？ ...

填就一定要填，自己的帳戶資產，每一蚊都要填準

但講緊既、係你填完，申破完、等頒令，又要提出黎就唔太好

即使你話你申破完好慘，一蚊都冇晒，要用黎生活，

大鑊就唔會大鑊，一萬幾千人之常情，又唔係幾十萬

但係，佢好大可能會追討番，即係你用左果15000，都要預左還番....

作者: hsbc903 時間: 24-5-2016 03:47
我想問今晚最後一個問題，法庭會唔會問要睇租金單？？？

作者: bill0828 時間: 24-5-2016 03:48
保險你取消就唔好填，基金未取消我覺的照報上去，不然你先取消基金在上高院，起碼時間上合情合理。

作者: bill0828 時間: 24-5-2016 03:51

hsbc903 發表於 24-5-2016 03:47
我想問今晚最後一個問題，法庭會唔會問要睇租金單？？？

法庭唔會睇，出左領後主任有機會問你睇返。

作者: Alex2233 時間: 24-5-2016 03:52
本帖最後由 Alex2233 於 24-5-2016 03:55 編輯

hsbc903 發表於 24-5-2016 03:47
我想問今晚最後一個問題，法庭會唔會問要睇租金單？？？

唔會啦，申破程序基本上不閱覽任何財務文件、法庭要check自己都有能力check！

但到你頒令後傾生活費，主任實叫你比租單，等佢批生活費比你

你唔比都冇問題，佢咪當你免費住緊人屋，唔批你租金果part，

唔會大鑊，

而且你都番大陸貼人屋住，更加唔洗理
回唔到就開多個新post，明天有空再講

聽日申破唔到咪後日囉，而家先星期二，有心搞既星期三四實搞掂

作者: hsbc903 時間: 24-5-2016 03:53
Bill, 唔等得啦，聽日一定要搞，就照你咁講啦，保險應該已經取消左，唔填啦，支票收到到時再討論，基金就照寫，因為我都未寄信去取消

作者: bill0828 時間: 24-5-2016 03:55
甘照Alex講保險，基金全部要填上去，要寫價值銀碼。

作者: hsbc903 時間: 24-5-2016 03:55
好啦，咁多位，訓啦！聽日再傾

作者: bill0828 時間: 24-5-2016 04:55
我在睇返，Alex意思係你要保險，基金都要報上去，但你可以在頒領前用呢筆錢，以後解釋用係生活費。我都覺的甘有講的通。

作者: hsbc903 時間: 24-5-2016 09:48
Bill, 係啊，我後來臨訓前都睇得番我哋嘅對話，我都同意所有野都如實報，支票如果到先過頒令，就照樣當生活費用，所以Alex佢強調我先開永窿準備收支票，雖然我同我用開嘅匯風無仇口。

作者: YANNY 時間: 24-5-2016 11:59
我同HSBC冇仇口,頒令後3日先凍,我頒令當日都仲提到款,當然我唔知係咪個個都會係咁...但係有人講過...一日未頒令銀行都無權凍你戶口,當然前題係你本身冇欠佢地錢啦!

作者: bill0828 時間: 24-5-2016 12:15
我都覺你唔使在開戶口，無仇口實用的到。有仇口驚人地會扣數。

作者: hsbc903 時間: 24-5-2016 13:06
頭先去匯風發生左件事，話說其實我係雙重國籍，我除左係香港人外其實我都有另一個國家嘅身份，原來當初我開匯風個時我無用香港身份證開，結果我用香港身份證search 我係無任何戶口，用我第二個國籍嘅護照就有，加上我黎唔切去永窿，我決定申破時我唔寫任何銀行戶口，實際上香港身份真係無，如果到時問起，我就話無銀行肯開俾我，應該ok 呱？

作者: hsbc903 時間: 24-5-2016 13:23
請問如果我大概2pm 到破署，今日可唔可以做得晒啲野呢？

作者: bill0828 時間: 24-5-2016 13:34
好似開到4點，今日實趕唔切。甘你香港身份證無開到戶口，信用卡怎俾到你？

作者: hsbc903 時間: 24-5-2016 13:44
Bill, 我照去啦，做得幾多得幾多，而家最大問題係我好多銀行嘅總行地址都唔知點揾，係 Yahoo 都 search 唔到，例如花琦

作者: bill0828 時間: 24-5-2016 13:56
信用卡月結單下面就有銀行公司地址，銀行網站也可以查的到。

作者: Alex2233 時間: 24-5-2016 15:35
本帖最後由 Alex2233 於 24-5-2016 15:36 編輯

花花銀行係測魚涌果個，
打電話去拍檯問，我要你地香港總部地址電話，要總部office果隻，唔係分行

你今日實做唔切，永燶你開左未？

你當而家上去拎份sample望下，望得完都5點

一定係聽日9:00再搞

作者: hsbc903 時間: 24-5-2016 17:45
Hello 各位，我已經搞點晒啦！宣左誓，俾晒$9040,排好期上庭，七月頭

作者: hsbc903 時間: 24-5-2016 17:46
已經影印兩份，交番正本去 LG1, 另外copy 俾番 10樓，自己keep 一份

作者: hsbc903 時間: 24-5-2016 17:48
而家去食飯，夜啲再交代詳情，好彩有呢個群組幫手，就係提醒帶八達通已經夠公德無量

作者: Alex2233 時間: 24-5-2016 22:27
份表填得咁急，真係預你七成有錯漏，
你要預左頒令當日會叫你個名，佢會同你講有野填錯（其實每次頒令都有10-20%人會咁）

不過，冇野既，按番佢要求修改就得！之後再排下一個星期頒令

最緊要：申報資產值同欠債果一part冇填錯.......一陣聽下你回顧

作者: hsbc903 時間: 24-5-2016 23:08
大家好！開始回顧下。話說我確定左我匯風銀行唔係用香港身份證開之後，我已經把心一橫唔申報任何銀行戶口，我真係諗唔到咩理由俾一個其他國籍嘅銀行戶口破署。我大概兩點去到10樓，問亞姐姐要份sample睇，跟住就開始填

作者: hsbc903 時間: 24-5-2016 23:28
本帖最後由 hsbc903 於 24-5-2016 23:29 編輯

都未開始填就已經有個男人問我洗唔洗幫手，我就知道佢咩事，我話唔洗啦咁我就繼續自己填，其實份表同 Alex 講嘅都一樣，只不過間房完全收唔到訊號，我無得開番破聯睇，又search 唔到啲銀行地址，咁就唯有填左啲識填嘅先，我覺得最辛苦係填中文地址，好多字要填。我比較特別係我無 mpf, 無銀行戶口，無收入，無車又無樓，跟本上tick 得最多就係「無」。咁我最終都決定連保險都唔填，既然都取消左，所以唔填。欠債個到其實我無咩特別，6張卡數，跟sample 咁填，因為電話無訊號所以我落樓下填。填完後俾亞姐姐睇下，加番啲小小野，佢又係問我有無銀行戶口我話無，有無mpf 我話無。跟住俾八千再入房宣誓，之後落LG2 俾 1045, 再上 LG1 整啲野再去 108B 排期，排左七月頭就去影印兩份，好彩八達通夠錢，之後就還番份俾 LG2, 再還番份俾破署，咁我問清楚姐姐fax 邊份俾銀行，佢就話 3 張個份就得，好多版個份唔洗，咁我就走啦。完！

作者: Alex2233 時間: 24-5-2016 23:29
外國戶口唔報，合情不合法

現實根本好多人都係咁，但不過度批評，你自己都應該深思過

至於匯x，隨時凍結，換言之，冇得用永燶接票再提款生活，

張票可以視為無左，頒令後破署亦9成會叫你交出

Anyway，祝你頒令後，回內地愉快生活

歡迎光臨破產聯盟 (http://hkiva.org/)