破產聯盟

標題: 請教...好有膽心 [打印本頁]

作者: EWB 時間: 17-5-2016 01:28
標題: 請教...好有膽心
我已經入左學一段時間, 一直都係主任跟, 而且, 生活費問題一直都唔洗還 (因為人工比生活費少, 甚至有時冇返工), 但最近因家中問題額外有D錢, 但最後個D 錢當然係被破處收左啦~~ 現請問...會唔會因為突然有D 錢被破處收後, 而會被轉為外判跟呢?? 好驚..好膽心~~

作者: flypig 時間: 17-5-2016 01:45
我唔係太明。咩叫屋企問題額外有d 錢。
你可否講清楚少少呢？

作者: samam2015 時間: 17-5-2016 02:36
唔會, 俾得破署做係你好彩, 做開好少會再掟返俾外判, 乜咁失敗俾破署夾到水呀?

作者: cc4321 時間: 17-5-2016 08:00
一般都係由債權人要求開大會先有機會由主任交比外判,就算比外判跟有咩好驚呢?

作者: Alex2233 時間: 17-5-2016 11:48
本帖最後由 Alex2233 於 17-5-2016 11:54 編輯

有遺產？係就陰公！
不過其實非意外身故
事前知既，例如危疾，
一早要有計劃應變！

只要病者身前過晒數比另一個人，或者套現實物，亦係佢私人權利
咁，自然無遺產留下比破署掠

作者: alan1alan 時間: 17-5-2016 12:47
如果係遺產, 可唔可以自行向遺產處申請放棄該份遺產??
咁就等其他家人分左佢　

作者: Alex2233 時間: 17-5-2016 14:37
本帖最後由 Alex2233 於 17-5-2016 14:45 編輯

alan1alan 發表於 17-5-2016 12:47
如果係遺產, 可唔可以自行向遺產處申請放棄該份遺產??
咁就等其他家人分左佢　 ...

呢層唔敢肯定，
因為親屬一死
咁該部分遺產，有機會在法律上已經視為你既財產

你所謂既放棄給其他親屬，換句話說，有機會視作故意轉移

但辦法唔係冇，
如果係意外身亡，咁未逝世前立遺囑，不分配任何財產給已破產親屬，
全權分到另一人身上，到破產人解破才私下逐漸歸還
因死者係正常市民身分，生前有絕對權利分配自己財產

什至，知自己重病命不久矣既話，可以遺囑都唔立
又可將所有財產兌換晒金條，埋入深山，收係某個地方，都唔到任何人管
到佢死左，你唔通問條屍，喂你死前咁多錢無晒既？收埋左係邊呀？尋寶遊戲呀？
基本上，要避實避到

作者: flypig 時間: 17-5-2016 15:11

alan1alan 發表於 17-5-2016 12:47
如果係遺產, 可唔可以自行向遺產處申請放棄該份遺產??
咁就等其他家人分左佢　 ...

唔得!!!

無得放棄!!!
搞到我衰衰咁要家人寫定平安紙

作者: EWB 時間: 18-5-2016 02:46
大家都好聰明..係遺產~~ 因為, 我唔想騙主任, 所以...照實如報~~ 但如果突然有筆錢, 咁當然比破處收歸國有和幫我還債主, 但會唔會因為咁會轉比外判跟架?? 好膽心..

作者: EWB 時間: 18-5-2016 02:51
仲要個D 錢COVER 唔到我既債, 如果 COVER 到就可趕早解破, 可惜....!! 現在...仲有一年半多就完, 希望順利過度~~

作者: Alex2233 時間: 18-5-2016 03:56
本帖最後由 Alex2233 於 18-5-2016 04:02 編輯

EWB 發表於 18-5-2016 02:46
大家都好聰明..係遺產~~ 因為, 我唔想騙主任, 所以...照實如報~~ 但如果突然有筆錢, 咁當然比破處收歸國 ...

其實呢種應變唔叫呃既，已故人士點安排佢遺囑係佢權利，上面講的每一步都係合法

如果早d上黎就知點應對，
d錢落邊個親戚袋都好過落仇家袋

都過左去！算啦！希望你唔係蝕好多！

作者: 笨笨狼 時間: 18-5-2016 04:51
本帖最後由笨笨狼於 18-5-2016 04:56 編輯

如果樓主的錢都已經上交破署，只是一筆過的收入，不會影響平日的收支，把您轉交外判也不會有任何好處，為何要轉外判？不要太擔心，誠實，不計算很快就會過，反正只要去想，多餘錢本來就理應要還的，自然就會平常心去面對。

作者: EWB 時間: 18-5-2016 11:02

笨笨狼發表於 18-5-2016 04:51
如果樓主的錢都已經上交破署，只是一筆過的收入，不會影響平日的收支，把您轉交外判也不會有任何好處，為何 ...

我都係咁唸....這些錢都唔希望有, 竟然有就當額外收入, 想坦白..唔想騙主任, 更加唔想犯任何法, 所以...向左主任報告!! 親人好就話, 否則, 有錢銀問題好怕煩, 到時親人取左唔比番自己仲煩, 到時...連親人都冇!!!

作者: 笨笨狼 時間: 18-5-2016 23:57

EWB 發表於 18-5-2016 11:02
我都係咁唸....這些錢都唔希望有, 竟然有就當額外收入, 想坦白..唔想騙主任, 更加唔想犯任何法, 所以... ...

家事很難說, 家家有本難唸的經..........
對於破產署的事, 我支持向她們誠實報告的, 我之前的四年學業就是很順利完成, 沒有什麼問題. 我也看了很多不誠實的, 反而要留班. 好好的畢業後重生開始對得起天地良心囉.

作者: EWB 時間: 19-5-2016 01:32

Alex2233 發表於 18-5-2016 03:56
其實呢種應變唔叫呃既，已故人士點安排佢遺囑係佢權利，上面講的每一步都係合法

如果早d上黎就知點應對， ...

雖然D錢落係親戚到好過仇家袋?? 其實, 我又唔同意咁講!! 因為D錢事實上係借左人地, 但因經濟問題無法還姐~ 如果唔係因為能力問題都一定還啦..有借有還嘛!! 但亦因為冇能力還先要負上一世既破產記錄係各大資料庫內..其實, 好耐奈, 但真係冇計~~

至於落係親戚袋或仇家袋問題, 首先, 係自己借左銀行錢冇能還款, 所以..個D 唔算係仇家既!! 但只係如果可以既話, 有邊個唔希望 KEEP 著D 錢呢?? 另外...親戚?? 好就話比番你姐, 一個唔好彩, 比左佢唔比番你, 你都叫佢唔帳, 始終...我覺得就算到時找律師攪番D 錢到煩, 始終 ... 這個破產期係唔可以有任何錢嘛, 叫其他人取..始終係知法犯法, 知情不報既事~ 到時, 拿唔番D 錢之餘, 連親戚都冇埋仲煩~~ 所以, 既然破左..這些錢都預左冇, 咁就還番比債主, 希望夠還, 但可惜....唔夠~~ 唉.....

作者: Alex2233 時間: 19-5-2016 01:49
本帖最後由 Alex2233 於 19-5-2016 02:17 編輯

你意識取向我改變唔到

你覺得先人明知份遺產將會跌落一個破產者到，去清還一筆非必需性的繳款，
會令到良心好暢順，係你既選擇

意向人人都有唔同，我就寧願益第d兄妹親友（遺囑全權歸佢），正常解破後點都拎得番d
就算佢側側搏，我日後都可以大牌d上佢到痴餐，仲算對自己有利益
但交比破署就唔會有咩得益，唔咸唔淡清唔晒，亦係一樣四年解破

Any，人人諗法唔同
只係法律上唔好諗錯邏輯，
1.死者生前點改佢既遺囑，點移動佢財產，拎去街派都好，係完全無犯法

2.點為止犯法，係你成為合法繼承人，換言之變左做你既錢，而唔肯交出，
或者特登唔去拎，叫其餘繼承人拎埋你果份，就叫犯法

我上面幾篇講既，都係點樣避2.走1.既方法而非鼓吹人在情況2.都唔交出

作者: EWB 時間: 19-5-2016 02:37

Alex2233 發表於 19-5-2016 01:49
你意識取向我改變唔到

你覺得先人明知份遺產將會跌落一個破產者到，去清還一筆非必需性的繳款，

明白C HING 意思, 但可惜佢冇遺囑~ 而且我亦問過律師, 可惜話必須由我才可取, 因為 ... 死者係我老公!! 法律上...第一計承人必定係老婆, 次係子女... 如果老婆放棄, 就由佢子女計承, 可惜我地亦冇子女!! 最重要係..如果自行放棄, 遺產處必到收到我既放棄書, 否則 ... 任何人都唔可以得到, 亦因為咁...律師話明知有錢都唔要做放棄和轉移, 就已經犯法..~~

作者: Alex2233 時間: 19-5-2016 02:47
本帖最後由 Alex2233 於 19-5-2016 02:55 編輯

其實係睇佢意外定係意料中過身

如果意料中，其實大把路行，
佢可以將資產變換晒現款提出，''做佢想做既野''
咁法律上佢直頭無遺產，而佢生前提出既錢亦死無對證，亦冇得屈落你到
就算正常人一個，都會用呢個漏洞逃遺產稅

如果係意外，就冇辦法！
假設佢仲要得老婆一個，無子女，父母，親友，什至一個死黨，咁連遺囑都無處可改

對你而言，已經過去，就算！當比d經驗其他會員

作者: EWB 時間: 19-5-2016 02:54

Alex2233 發表於 19-5-2016 02:47
其實係睇佢意外定係意料中過身

如果意料中，其實大把路行，

意外...所以, 事前冇任何安排....~~ 而且, 佢既遺產只係MPF ONLY ... 所以, 我 (老婆) 係唯一計承人, 如果我放棄, 就要寫信比遺產處解釋放棄原因, 如果比破處查到就犯法!!

作者: Alex2233 時間: 19-5-2016 02:56
本帖最後由 Alex2233 於 19-5-2016 03:00 編輯

你既情況係無辦法下硬食！仲要係mpf而已

如果其他破產者，屋企人有番咁上下，
真係要立定遺囑，

就算錢唔多，換番幾札錢，放保險箱都好！
意外真係無人估到

作者: EWB 時間: 19-5-2016 03:23

Alex2233 發表於 19-5-2016 02:56
你既情況係無辦法下硬食！仲要係mpf而已

如果其他破產者，屋企人有番咁上下，

C HING, 係...亦因為咁, 唔想騙破處!!!

作者: Alex2233 時間: 19-5-2016 03:29

EWB 發表於 19-5-2016 03:23
C HING, 係...亦因為咁, 唔想騙破處!!!

你既情況係冇得甩既，
因為身前沒立遺囑

即係意外身亡果一刻
法律上已默認你為遺產繼承人，

所以亦無得避，一定要拎去還

你既不幸有兩波，
相信都係頭一波最難接受，
所以對第二波沒有感覺亦係好正常

作者: alan1alan 時間: 19-5-2016 12:08
樓主其實可唔可以申請筆錢做同你老公做身後事既支出??

作者: EWB 時間: 19-5-2016 23:47

alan1alan 發表於 19-5-2016 12:08
樓主其實可唔可以申請筆錢做同你老公做身後事既支出??

可以..但身後事點會用咁多錢呢?? 而且, 要有單有據先可消數~~ 但一般做左咁多年野, MPF 一定唔係1萬幾千既事囉~~

作者: EWB 時間: 19-5-2016 23:52

Alex2233 發表於 19-5-2016 03:29
你既情況係冇得甩既，
因為身前沒立遺囑

係...~~ 而且, 借左係必須還, 只係最後冇能力先要去做破產姐, 否則 .. 都唔想咁, 始終...破產記錄係一世~~ 希望將來政府有條例, 話某年前既人破產記錄會一次性RELEASE 一次就好~~ HAHA

作者: hohochi 時間: 21-5-2016 12:13

EWB 發表於 19-5-2016 23:52
係...~~ 而且, 借左係必須還, 只係最後冇能力先要去做破產姐, 否則 .. 都唔想咁, 始終...破產記錄係一世 ...

案底都係3年洗底破產果底就一世

作者: EWB 時間: 21-5-2016 12:36

hohochi 發表於 21-5-2016 12:13
案底都係3年洗底破產果底就一世

希望政府將來突然有一日話...某年前完成破產既人可以洗底就好了..

作者: hohochi 時間: 21-5-2016 12:40

EWB 發表於 21-5-2016 12:36
希望政府將來突然有一日話...某年前完成破產既人可以洗底就好了..

希望啦

作者: EWB 時間: 25-5-2016 00:00
仲有一年半多就可畢業, 希望可以順順利利完成~~

歡迎光臨破產聯盟 (http://hkiva.org/)