破產聯盟

標題: 諗緊點做 [打印本頁]

作者: kachunwilly 時間: 7-11-2015 17:44
標題: 諗緊點做
因為賭欠左好多錢，身邊朋友, 屋企人都不斷有幫自己,
每次幫完又打回原型, 今次我想緊去破產解決個問題。
過到呢一關我真係界賭, 賭其實真係好無謂。
比你連續中到幾口, 輸一口又唔服氣又賭過, 經常係星期5晚收哂錢, 星期6又輸返哂出黎架啦

關於破產, 我想問問各位師兄既經驗:
- 二線財務會點對待破產, 我意思佢地應該唔會真係唔再追數掛? 我其實唔係唔想找數, 但呢一刻搵萬幾要找幾萬真係想死。
- 我都有岩岩簽既二線財務(短至上2星期簽既有, 亦有找左1-2個月既).
- 第1筆個$15000 點都要死到出黎?　認真問如果搵到 15000 真係可能無咩咁急需要破產........
-朋友無寫欠條既款項會點處理？定係法官唔會考慮呢d "朋友欠債"

thx....

作者: wahtung 時間: 7-11-2015 18:03
二線財務會點對待破產?
扒吓舊文先
http://www.hkiva.org/forum.php?m ... &extra=page%3D5

作者: kachunwilly 時間: 7-11-2015 18:24
thanks 師兄，　呢度好多資料　我都仲消化緊

作者: flypig 時間: 7-11-2015 20:42
- 第1筆個$15000 點都要死到出黎?　認真問如果搵到 15000 真係可能無咩咁急需要破產........
無錢無得破。唔破就有人上門，佢淋漆油你報警。破左就少左一二線銀行，財務。但三線黑財難免。
-朋友無寫欠條既款項會點處理？定係法官唔會考慮呢d "朋友欠債"
有樣野叫受委託人。諸如破署的主任，外判等。佢地決定接唔接受。唔接受呢，就你每次還錢，朋友收唔到錢。接受，就on prorata 分錢

作者: orewa_j 時間: 7-11-2015 22:42
樓主，你話戒賭，停左幾耐先

作者: 重新戰士 時間: 7-11-2015 23:38
希望你真係界到賭

作者: honey 時間: 7-11-2015 23:42
真心想講，你界唔到破產都冇用！

作者: 安太太 時間: 8-11-2015 00:00
你真的不可以這樣下去。已經是病態一種。
其實你真的幸福，有這麼多次前科。家人仍然對你不離不棄。仲幫你。你真的好好界。

作者: kachunwilly 時間: 8-11-2015 17:48
首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢個園地分享下我既事, 或者叫做一個地方去舒發一下

界賭個方面, 我岩岩1年前去過東華三院既界賭服務, 個度既社工好用心, 但係我自己堂就照上, 面照見, 背後病態照舊。
我真係好憎呢個自己, 明明25歲既我係應該要活得更好. 做更多既事, 負更多既責任。
攬到呢幾年已經不斷搵錢,出糧, 分餅仔找數, 賭錢, 心灰輸錢, 借錢. 不斷loop.
旅行都去唔到邊, 澳門賭場就知點去 , 其他地方? 波既球隊名就知, 真實個度想去但都無能力去。
你問我澳洲墨爾本勝利邊個踢緊前峰, 我實答到你. 你問我個到夜晚有幾令, 我都好想知。

我應該真係好好彩, 呢幾年次次我都以為唔知點算既時間, 身邊人, 家人都仲有方法再幫。
今次我又去到一個唔知點算既點子, 我唔認為家人再有能力再幫. 我想用破產去長遠解決問題, 逼自己界賭。
輕生念頭真係有諗過, 但一想起我女朋友唔開心既樣一幻想我同佢可以將來生活既事我就唔捨得.

我希望可以 live log 咁記錄我破產既經過同身邊既事, 希望我有慼染力作其他人既一個警惕. 亦唔想再有人好似我咁賭到去呢一地步。

作者: flypig 時間: 8-11-2015 17:52

kachunwilly 發表於 8-11-2015 17:48
首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢 ...

巴打，呢度因賭而破大有人在。我就7個位。但我又見到有Ching 輸左層樓。呢d野，其實好普遍下。唔駛灰心，大把人陪你。而你優勢在年輕，番身唔難。

作者: kachunwilly 時間: 9-11-2015 01:26
Thanks flypig...

呢一刻我d 2線都未pass 比追數,
有3間2線原先7號到期未找既今日好在紅日仍然未有追數電話.
雖然已經成點鍾, 我真係唔想訓住, 呢一刻都我知未會發生咩事住,
但對之後d數點攪, 真係會驚到手都震埋。
人真係最驚係不清楚將來, 個個可怕係好巨大。

聽日我會打比社工同律師開始要組織下點處理, 做返一個負責任既男人。

作者: itsme 時間: 9-11-2015 02:12

kachunwilly 發表於 8-11-2015 17:48
首先真係多謝各位師兄師姐留言. 呢度既氣氛真係好好, 網上世界都可以咁溫暖, 唔一定要名爭利鬥。
容我在呢 ...

我總是覺得，如果有其他方法解決
債務，破產應該係較後嘅選擇。但
方法之中，唔包括要身邊人耗盡積
蓄，去幫一個賭徒還債，尤其是已
經有點年紀嘅親人，積蓄可能係捱
咗半背子存落嚟嘅，而賭徒將來係
咪可以作出回報，仲係一個未知之
數，只怕有心無力。

所以即使朋友家人，仍然有能力相
助，樓主都唔應該再接受，問題始
終要自己去面對，如果別無他法，
破產都係一條出路。

再者，沉溺，有時唔可以單靠自制，
外在約束都起到作用。對於賭徒，
一個破產身份，就算約束唔到個心，
起碼可以約束下個銀包，想借錢賭
都無咁容易。

樓主話戒賭，要講得出做得到喔，
珍惜身邊對你不離不棄嘅人，唔好
令佢哋失望。期待你具感染力嘅
live log. 加油！！！

作者: kachunwilly 時間: 9-11-2015 17:11
律師接待：有邊幾間二線我：xx （都未講第二間個名）律師接待：就算破左產，佢地一樣都會追數。想問社工有咩方向，今日佢放假，呢d簡直係劇本咁樣，註定要失敗。原本7號既幾條二線財仔講左今晚入數，一樣現在完全未知點算，身邊人幫到盡我估都係夠找其中一間而已同琴晚一樣，唔想時間過，係因為我知8點前都仲會好平安。欠債真係好易，但想再有多次機會真係好難好難。我自己又無珍惜過d之前既機會。明明有得選擇明明係可以唔駛去到呢個困局，自己又走返入黎。我天真到琴晚有去睇youtube search 破產既野睇，有個福音界賭有個債仔信左jesus 之後就同38間財仔逐間逐間講分期，我都在諗如果我都可以就好。我真係唔係想走數，我認同借左錢就要還。

作者: kachunwilly 時間: 9-11-2015 17:12
電話打完上面出得唔令，下次打大篇都係返屋企先打

作者: aiai6020 時間: 9-11-2015 17:21

kachunwilly 發表於 9-11-2015 17:11
律師接待：有邊幾間二線我：xx （都未講第二間個名）律師接待：就算破左產，佢地一樣都會追數。想問社 ...

我反而覺得係咪都要破的話, 快手破左佢仲好, 身邊人的錢就留起黎吧, 既然點幫都係還得一間, 係咪都要追, 除非唔破產啦, 咁就要認真去同財仔傾數

作者: kachunwilly 時間: 9-11-2015 17:26
其實破左就更少找到錢比二線財仔

作者: kachunwilly 時間: 9-11-2015 17:27
二線又keep 住追破左更加無可能找到比二三線..

作者: iamjason18 時間: 9-11-2015 20:39
本帖最後由 iamjason18 於 9-11-2015 20:49 編輯

破左繼續追都要破，朋友家人就算幫到你今期下個月你都要諗點跑山。二線數你破就預左一定攪屋企，資訊人果d,威迫又有，好聲好氣都有，
仲有d會話告你，不過唔破人地追債你要驚，破左人地追債你唔洗驚

作者: flypig 時間: 9-11-2015 20:56
本帖最後由 flypig 於 9-11-2015 21:01 編輯

其實樓主唔係最嚴重個隻。
最嚴重係去大海，輸左借大耳。或者賭外圍波口數。呢d 年中都死一兩件。至於因賭又好，買樓跌到負資產，其實我睇都係一q 樣，唔會因買樓而破高級d.當然，二者分別其實係前者贏的人少，後者贏的人多。
樓主要做就係，有心理準備俾人追數同滋擾，你同公司或屋企。呢度有版友都領野。呢d 野開頭實騰，試幾次習慣就好。呢版版友有女仔都俾人貼大字報！你做法要狠d,決定左就照去。話之二三線追。唔俾就唔俾。俾得一次就有手尾。

作者: poorpoor123 時間: 10-11-2015 11:59
樓主，我真心希望你會為愛你關心你既人而戒賭，你仲年輕，墨爾本好近香港架咋，你仲有機會去，戒咗佢啦！冇野比身邊既親人重要

作者: bbb123456 時間: 10-11-2015 13:22
本帖最後由 bbb123456 於 10-11-2015 13:27 編輯

樓上話比人貼大字報果個就係我,由比人貼到今時今日,足足半年,如果你問我有冇再收到滋擾,少左,上個月收到信,我又down左幾日,
當初係朋友,公司,家人都有,而我一個女姓,冇咩出路,大家明既

至於lz,25歲仔,可以揮霍青春,可以加油,可以做好多野,可以去好多地方,但賭,你會失去好多,朋友,親人,或者女友,你認真諗下,值得嗎?講後悔既說話係冇用,要真係戒,如果唔係將來,你會後悔

(我係一個過來人,有過少少經驗先同你講咁多,好好諗清楚,宜家改仲黎得切啊)

ps. 線財務會點對待破產, 我意思佢地應該唔會真係唔再追數掛? 我其實唔係唔想找數, 但呢一刻搵萬幾要找幾萬真係想死。 ----> 我借12000,得7000唔夠,還既係足足30000,咩叫想死,你借得就預左 (我係咁直)

作者: kachunwilly 時間: 10-11-2015 18:47
琴晚開始有電話追，今日3間2線開始追，再問律師都係破左避不到2線都會keep 住追。今日工都無返，成日都唔知做咩，在條街無目的行行走走，人生似有d 玩完既感覺。多謝呢度各位師兄師姐既分享。

作者: flypig 時間: 10-11-2015 19:07
其實你月入幾多，必需生活費幾多，欠幾多？

作者: kachunwilly 時間: 10-11-2015 19:19
月入14000, 欠total 130000 左右，係呢2個月二線多所以攪唔掂....如果破產都未解決到，倒不如我諗呢2個月點算好，過完呢2個月，d 數月供around 7k ...

作者: flypig 時間: 10-11-2015 20:38
欠130k,破物鬼呀！！搵份pt 撐得住喇。

作者: ken2542de 時間: 10-11-2015 21:04
轉工去地盤做住先啦.
一個月都多4-5k.

作者: 重新戰士 時間: 10-11-2015 21:07
其實....十幾萬....慳D就可以啦！

作者: itsme 時間: 10-11-2015 21:28
欠130k, 唔再賭，無理由還唔掂。只係奇怪以咁嘅人工，銀行同一線應該唔難借，點會有咁多條2線數？

作者: ken2542de 時間: 10-11-2015 21:35
我估樓主之前拖過數.所以依家要借2/3線.

作者: admin 時間: 10-11-2015 21:46

flypig 發表於 10-11-2015 20:38
欠130k,破物鬼呀！！搵份pt 撐得住喇。

各會員可能唔明。

樓主已經自認係賭之過。

大家應該明白，一般賭徙應該係借完，借到盡；跟住，問朋友借，話屋企有事，呢樣有事，個樣有事，呢個借，個個借。

跟住穿保，話介賭，家人幫，還晒；

跟住，又賭，又借到盡，今次就話死都會介，唔介就點又點，跟住家人幫，還晒，

跟住，又賭，又借到盡，今次家人唔肯，HK junkcall 又列入借錢怪黑名單，無朋友會聽佢電話，於是又話跳樓，又話…於是家人賣埋層樓，

個 cycle 不停…

銀行已經有晒紀錄。
……

最係根本無銀行會再借。

------------------------------------------------

唉

作者: admin 時間: 10-11-2015 21:50

kachunwilly 發表於 10-11-2015 18:47
琴晚開始有電話追，今日3間2線開始追，再問律師都係破左避不到2線都會keep 住追。今日工都無返，成日都唔知 ...

樓主，我真係勱你要想辦法。

行來行去，人會無鬥志，跟住又想去賭，去逃避。

因為賭會令人精神堅張，會暫時忘記不快事。

------------------

我唔係社工。我唔知 work 唔 work

你不如去跑下山，真係跑山。我知長期運運的人，一般鬥志會好D同埋唔會咁易沉迷賭。同埋跑個時，人都會忘記其他野。

作者: 重新戰士 時間: 10-11-2015 22:08
唉......搵幾多,賭幾多！
我都係有不良嗜好既人，真係身同感受

瘦返D，又去飲酒！飲到肥晒，又話戒酒.....之後又俾人引誘又飲過！

作者: wahtung 時間: 10-11-2015 22:13

重新戰士發表於 10-11-2015 22:08
唉......搵幾多,賭幾多！
我都係有不良嗜好既人，真係身同感受

工餘時間去飲吓酒食吓飯都算不良嗜好?是好正常的社交及減壓活動嚟喎

作者: wahtung 時間: 10-11-2015 22:31
A san講得無錯,長期做運動的人面對逆境時會鬥志會堅定啲,可能對樓主戒賭會有幫助,我在破產期內每星期至少有四日是做運動的
樓主正職都有萬幾,欠債都係月薪的十倍左右,找多份兼職慳慳哋還債啦,但最主要是戒賭

作者: kachunwilly 時間: 10-11-2015 23:16
終於返到屋企, 出面流連左10個鐘, 完全無意思的走, 明知身上1蚊都冇, 銀行戶口都知冇結餘啦, 唯一既8達通仲有幾蚊,
就坐巴士出左去尖沙咀。
行得既地方都行左, 教堂都入過一次, 坐左一陣, 除左逃避都唔知仲可以點。
不過教堂出返黎時, 雖然無見到任何人, 但個心真係會平靜些少。
真係好得人驚, 由朋友再次拒絕幫手時, 我去尋死既諗法係愈黎愈重.
望下望下女朋友d 相就好返d...
最後問左個朋友借1舊水食野同坐車返家。

今日電話功勢開始黎了, 3間7號到期既加埋50個phone call 左右, 但竟然6點後無收到電話了.
我知公司同屋企電話就有至少有1間已經打左上去, 我同事聽左都無咩野. 屋企電話一響我就開始換衫出去。
我就唔知屋企人收到電話未, 我同佢地講左我有破產既念頭. 不過未詳細講今次差幾多同差咁多間2線。

ADMIN 講中90%我既故仔了, 可能一般賭徒都係咁。而我唔同係屋企人真係無咁多錢, 今次都未必幫到手。再加插左係連我女朋友屋企都幫過找一期數。
賭, 呢一刻我驚到怕. 想都唔夠膽再想。
我認同可能13萬唔需要破產,同埋二線為主作用好似唔太大.
聽日係籌旗大日子，7號既數要攪, 10號個幾間一樣要攬, 仲有一條幾百蚊既電話數(呢個指電話借貸, 唔係電話台費)。
簡單d , 聽日一係要籌到15000 找哂上面呢堆 , 一係就企o係度等人上門 .

找Parttime , 唔賭, 呢個係之後必需做既野, 但係大前提我要過到面前呢一關先...

作者: 重新戰士 時間: 10-11-2015 23:16

wahtung 發表於 10-11-2015 22:13
工餘時間去飲吓酒食吓飯都算不良嗜好?是好正常的社交及減壓活動嚟喎

好不良.......見到個肚腩就知道邪惡

作者: wahtung 時間: 11-11-2015 00:57

重新戰士發表於 10-11-2015 23:16
好不良.......見到個肚腩就知道邪惡

咁你又唔見我有肚腩

作者: iamjason18 時間: 11-11-2015 23:15
未落到收數正常6點收工就冇電話打黎住，不過你講一日收到50個call,即是你連電話都冇接佢地，咁應該好快比收數果邊跟，唔避得幾耐。你而家要做既野係諗下點樣打返去同人傾，2線財仔有d都可以同佢講冇錢入比佢地要遲入，不過d息係好金下，一般都成一百蚊一日。你雖然說十幾萬破好唔底，不過呢2個月有沒有方法可以頂到先?因為你都知道你一個月要還萬5蚊而家又身上冇錢，即是最少要問到人借2，3萬蚊你至可以壓力細少少，不過我諗除左家人我諗朋友好難借到呢個數而又唔洗你急住還比佢。同家人商量下啦！唔好諗住點樣跑夠今個月數就算，因為你咁樣只會令你去就供完既財仔續借，沒完沒了。

作者: iamjason18 時間: 11-11-2015 23:24
我自己之前都有開post講過我都全部2，3線數，不過都選擇去申破，份工就一定冇左，屋企人真係比d追數打電話去，不過還好我都有屋企人支持，到拎左令情況至好轉。試過上埋差館等等……所以你就算破佢地都一定同你家人接觸，不如盡早同佢地商量解決方法！

作者: kachunwilly 時間: 12-11-2015 01:56
Yes.. 預示到就算破左班2,3線都仍然會keep 住追, 只會更變本加勵。
我明白哂點解琴晚6點後無電話, 因為有2間應該已經搵左我老豆,
屋企家境唔好, 老豆都叫左我同班2線佬講星期5/下星期一找今期or全數比佢地...
我問埋女朋友借錢, 找左呢幾日d 息比佢地先, 比左6間2線, 都成2K.
今次又係要麻煩佢出面可能周圍又問人借, 佢只交低叫我一定要搵parttime , 穩定要返足既,
今次係可能連佢自己都要捱多份......
難為我一向都無盡過仔既責任....
上面既事情發展換來左我比左利息之後既平安。大部份入左息之後都有得傾係得1間企硬最遲聽日要找(原本10號到期,已加100延2日)

就咁睇應該都唔會用破產去解決我呢個問題, 但我都想立呢個post 比其他因為賭既人睇, 賭真係可以令到你走投無路....
我係超級好彩好幾次都有屋企人, 朋友幫手。父親講明幫埋呢次再借唔駛再認佢做老豆。
等完左呢件事, 我想用自己呢件事去其他forum 話比佢地知千奇唔好賭到要借2線,
我其實之前有去過其他forum 睇, 一樣有唔少人有呢個問題, 仲要問各2線好不好之類既查詢...
呢個post 未必有我所想既感染力, 但我好希望我在網絡上都好似呢度既師兄師姐咁幫人, 你地每個留言我都係好窩心, 特別係呢排完全唔知點算既時候。

作者: admin 時間: 12-11-2015 09:04
樓主。件而家的數唔多。part time 而家唔難找，當然唔會好做。你找 part time 要留意你体力應付問題。

例如：你去做碼頭苦力，一晚8小時，做6日，咁你基本上日頭無可能再有 part time，因為苦力真係好辛苦。一般人無可能做5日苦力 part time。係呢個時期，健康好重要，因為你無多餘錢去睇醫生。而且手停口停。

作者: flypig 時間: 12-11-2015 09:15
樓主逃避唔接債主電話,係唔係有意無意間想法係債主開口,好過你開口問屋企人借呢??
咁都係借錢的一招.以環境黎講,樓主只係一時徬徨,呢關唔難過.當然係屋企/女友屋企就變做無地位!!!
但做得賭仔,就要預左!!!

呢次只係生活的小風波,唔係咩大事.過左去就好!!!

基本上輸哂戶口D錢就要走人.唔好想住追.邊度跌到邊度起番身係賭場度係唔WORK 的.

作者: orewa_j 時間: 12-11-2015 09:18
樓主，唔知你停賭左幾耐，你留言所面對的無助感，失落感，相信所有賭徒都試過，包括我。戒賭，同停賭唔一樣，停賭係因為你冇錢賭而停，戒賭係你個袋有錢但都唔去賭。長期賭徒戒賭心靈上會有缺失同空虚，所以你必須要有足夠定力及好好堅持。希望你永遠要記住你當下的經歴。

作者: 豬公 時間: 12-11-2015 11:08

ken2542de 發表於 10-11-2015 21:04
轉工去地盤做住先啦.
一個月都多4-5k.

千萬不要做地盤,基本上每個地盤都有賭檔,排九或十三張,我同事月入六萬,單單今個月係排九檔就輸左二十個.

作者: itsme 時間: 12-11-2015 12:19
上呢個討論區嘅人，相信都係有啲“經歷”，唔會係一帆風順，上嚟睇下其他人點不堪嘅人。對於成為同學嘅，希望佢哋放低包袱，坦然面對。而最終搵到解決方法，能避過入學嘅，真心戥佢哋高興。我想話，樓主嘅女朋友，如果唔係傻嘅，就一定係派嚟守護樓主嘅天使，要好好珍惜，又或者樓主本身亦有其他人睇唔到嘅優點。你嘅post感唔感染到賭徒就唔知，不過感染力一定有。連鍾意食in上don't管嘅admin大哥，都留言囑保重身體，感性到...... 兼職一定要做喇，多啲收入之餘，無咁多空閒時間，易啲戒賭。希望樓主過到呢關，努力努力！

作者: kachunwilly 時間: 16-11-2015 23:46
再一次多謝哂咁多位師兄姐分享先,
最後家人幫忙今次避過一次大難關.....二三線真係少掂為妙....
我搵左parttime 做了, 星期6 11個鐘, 星期日 5個鐘.
錢多少都不是什麼, 我認為係應該反省點解要做parttime.

停賭真係因為無錢所以停, 界賭真係漫漫長路....
我上星期6臨開parttime 前都買馬買左1百蚊....個個內心交戰真係辛苦...
我會再搵社工幫手, 一定唔可以再返回頭路。

各位, 加油啊!!
我爸講左一句, 真係事在人為。

作者: ken2542de 時間: 17-11-2015 00:34
咁咪好囉!!機會吾係次次有架.
你真係要好好把握...我破後第一次出糧.
拿住D錢想去狗會買波買馬.
內心搏鬥左一星期.猛同白己講點解要搞到破產.
終於戰勝心魔.戒左,D錢有時買件衫,食餐好小小既仲化算.
我十隻手指真係冇晒喇!!!!

作者: admin 時間: 17-11-2015 00:54
樓主，呢度好多會員都係賭…

多D上來，同佢地吹下水，好快就知道點做架啦。

加油。人生總有明天！

作者: flypig 時間: 17-11-2015 08:53

kachunwilly 發表於 16-11-2015 23:46
再一次多謝哂咁多位師兄姐分享先,
最後家人幫忙今次避過一次大難關.....二三線真係少掂為妙....
我搵左par ...

能力可應付範圍玩下無問題,但一借錢賭就好大問題.
好多人唔明白戒賭之難,難如減肥.
點解減肥難?因為你不時想住要減,你成個腦充滿左唔食得,唔食得,唔食得,的意念....
無時無刻都想住食物.

意志力總有脆弱的一刻.問你如何堅持呢???

代之完全克制的方法.
一係替代.做義工,做運動,去旅行,去行山....將注意力轉移.
第二招係可賭但不借錢,不賭超能力範圍.一越界就要俾自己好大的懲罰!!!!!!但呢招仍需要自制.
唔知你得唔得.

歡迎光臨破產聯盟 (http://hkiva.org/)