破產聯盟

標題: 的士司機 [打印本頁]
作者: kleungk    時間: 15-8-2015 16:26
標題: 的士司機
各位好，有問題想請教一下。
如果我既工作係的士司機，應該點報好呢？現在係長工，人工肯定超晒生活費好多，咁我轉做part time 過份嗎？我係太太外國人，太太叫我去嗰邊住，搵咩藉口話要去外國住易D呢？現時用緊太太比我既附屬咭消費，會吾會又話我自費呢？外國HSBC會吾會與香港HSBC連系呢？如有，會吾會話比破管聽？其實外國户口既錢攞晒出嚟，但係又驚佢話我不誠實。（雖然真係不成實，人不為己天誅地滅）因為我爭香港匯豐最多錢。（當然係合常理啦，吾想搞到咁薑）
作者: Alex2233    時間: 15-8-2015 22:43
本帖最後由 Alex2233 於 15-8-2015 23:07 編輯

1.搵幾多都照報才是正途，無論有冇正式或非正式既記錄
2.沒有過唔過份，只有犯唔犯法

你可以自己控制收入多少，再上報，只要實收實報

例如你識得翻譯六國語言，你可以一個星期只翻一日，番兩三個鐘就袋1000蚊收檔，唔同佢搵多

講到出面都冇問題，不過想禮貌d婉拒，都大把藉口（陪屋企人/身體容易攰之類）

3.去外國住冇問題，唔需要諗咩複雜藉口，只需話太太係外國定左居，自己都需要去果處生活

屆時當地有冇收入都上報，因為你破產後

就算你既財產收埋係火星都好，都要上報比破署再由佢安排

唔報就係犯法，實際情況，捉唔捉到你就另一會事
4.正常上都唔允許你有外國戶口，因為佢只能監管你香港果一個基本儲蓄戶口

冇權力check到外國，令到唔可以監控你資金流向，所以禁止你開外國戶口。
（當然你定居到外國轉個頭又開都得，當地唔會拒絕你開戶，但咁樣就犯左香港破產法）

外國信用卡都唔應該有，你繼續持有而被發現，一樣係檢控

至於香港匯兇同外國匯兇通唔通就唔知啦

不話一d九唔搭八既配搭，想通都有d難度。例如印度二線銀行同香港恆生

不過，有風險就係環聯信貸報告，某d國家可能透過呢到知道你在香港已破產



作者: kleungk    時間: 15-8-2015 23:44
Alex2233 發表於 15-8-2015 22:43
1.搵幾多都照報才是正途，無論有冇正式或非正式既記錄
2.沒有過唔過份，只有犯唔犯法


多謝Alex長盡回覆，真係唔該晒。因為我係債主申請我破產，我會吾會同其他師兄有吾同架？我又無上庭、又無話要傾生活費、佢連基本銀行户口都吾比我，我話：如果有錢淨點呀？佢叫我搵親戚開户口借比我用。我真係比個官吹賬！！其實我有無權要佢比個銀行户口我用呢？（因為我潛左水兩年幾，返香港開銀行户口先知比人破左）
作者: Alex2233    時間: 16-8-2015 13:55
本帖最後由 Alex2233 於 16-8-2015 14:02 編輯

你比銀行申破你，即係你點都有d油水

銀行戶口你唔可以有係正常，因為你在香港無業


反而更迫切既話題，係要小心處理，點樣保障番你而家尚有既資產（本地以及海外亦是）
同埋無必要都迫免在香港住

只要你有外國永久居留權，就意味住有一個好好既靠山（你明的）

作者: kleungk    時間: 16-8-2015 17:28
Alex2233 發表於 16-8-2015 13:55
你比銀行申破你，即係你點都有d油水

銀行戶口你唔可以有係正常，因為你在香港無業

吾該晒alex兄，原來揸的士歸納無業游民？我真係估吾到。另外我一直都好苦惱離港或留守，因為驚佢話我離開左香港，就延長我既破產時間。宜家alex兄比左咁多意見，咁我識得去處理和選擇。靠山？你吾好取笑我啦，只不過係搵兩餐。再次謝謝你的意見。
作者: Alex2233    時間: 16-8-2015 19:15
經唔到銀行出糧既工種就不允許開戶，唔關有冇業事，你做馬會電話投注仔一個月一千蚊一樣有開戶權
作者: Alex2233    時間: 16-8-2015 19:17
你有外國永住權根本可以同佢反面都得，只不過包裝得好d，四年黎解到破，一樣可以大搖大擺入香港發展
作者: kleungk    時間: 17-8-2015 04:01
Alex2233 發表於 16-8-2015 19:17
你有外國永住權根本可以同佢反面都得，只不過包裝得好d，四年黎解到破，一樣可以大搖大擺入香港發展 ...

明白晒，無需反面，今日留一線，他朝好相見。真係要講多聲謝謝。
我係呢道同大家講一聲，未破既，有能力還得晒咪還Lo，無能力還真係吾好死頂，吾好經常諗，破過產就一世無機會，幾大件事都好，解決辦法永遠多過問題，以後做每件事都諗諗家人先啦。我睇返大家情況，我應該係好過其他師兄好多，因為吾洗諗破吾破，吾洗比錢申破、無上庭、無傾生活費，只係叫我每年準時交年報表，仲話可以自由出入境添。等我當初驚到想死咁濟，唉⋯⋯⋯真係多9餘。



歡迎光臨 破產聯盟 (http://hkiva.org/) Powered by Discuz! X3