破產聯盟

標題: 考慮緊破產唔知點算好 [打印本頁]

作者: 好假的肥仔 時間: 10-7-2015 16:10
標題: 考慮緊破產唔知點算好

背景
大約兩年前個時重係銀行做
月入大約十萬蚊
個時已經有借開平息買股票
個時最多都係大約40萬到外債但資產都有30萬

之後因病辭職住左4日醫院
再去唔同既專科照照照
兜兜轉轉睇左大半年先知係一隻好小見既病

之後轉左返份普通既交職

呢個時候銀行打黎比我續去到110萬
加埋D 卡 Load 約有 120萬數

近年半不斷股票輸錢，其實買中隻　金莎1928　唔見左大約一半錢
另外有隻股票　停牌

對上個月又借多左條卡Loan 20萬

撞上近期　股災　輸剩２０萬現金

而嫁　收入　12000左右　出現金
但係每個月要供30000左右

如果我走去破產　會唔會犯左因賭博導致破產而被定罪

同埋

我有１５萬信用卡信用額同２０萬現金　如果我過澳門　禁錢　過三個月先去破產又過唔過到骨？

想留番Ｄ錢去醫病同留比屋企人

另外有份保險　但上年一次過比左一年錢，都準備唔供　但十月先完

作者: 四_少 時間: 10-7-2015 16:26
破産前四個月，不要有新借款，先地所有资产變現，然後最少还四期minpay，先去破，

作者: 301 時間: 10-7-2015 16:50
既然問得出破否，
唔破都難 !

前post 上半截申破唔係問題，
下半部當然不被認同。

一有申破動作即勿再撳credit錢，
任何保險盡快斷。

作者: 好假的肥仔 時間: 10-7-2015 17:11
咁個廿萬現金可以點？

作者: flypig 時間: 10-7-2015 17:14
因賭而破的專業意見

另外可問同版 ALEX 兄,佢係過來人.
轉帖:

因賭博而申請破產是否犯罪？
http://www.raymond.hk/2.html

作者: 301 時間: 10-7-2015 17:18
20萬屬於自己的現金提來自用無問題，
但所有使用留單據備查為佳。

但有呢20萬可自由用仍真要申破嗎?
好多人欠10萬以下都申破，可惜。

作者: flypig 時間: 10-7-2015 17:20
至於留底一筆錢做咩春都好,就係資產轉移.一經定罪,MIN 6個月好似係 .

呢D野係唔係咁易捉到,就睇下那一位有幾小心,幾好彩/唔好彩.....博唔博,就自己諗了.

作者: 好假的肥仔 時間: 10-7-2015 17:28

301 發表於 10-7-2015 17:18
20萬屬於自己的現金提來自用無問題，
但所有使用留單據備查為佳。

如果我重可以有健康既身體我會Keep會還到錢，但係呢半年　每個月都要諗點供

唉，一個浪就真係完左

作者: 301 時間: 10-7-2015 17:38
既然仲要用錢醫病，
呢方面使用當然優先，
未知其他負擔如何，
不竟申破至頒令約有個多月時間，
20萬好好計劃安排使用。。。

作者: 好假的肥仔 時間: 10-7-2015 17:46

301 發表於 10-7-2015 17:38
既然仲要用錢醫病，
呢方面使用當然優先，
未知其他負擔如何，

如果真係咁　我咪炒多轉　博翻身　或者　Keep住　還到爆煲為止

我一日都無遲過還錢嫁...

作者: smallcat 時間: 10-7-2015 21:43

好假的肥仔發表於 10-7-2015 17:46
如果真係咁　我咪炒多轉　博翻身　或者　Keep住　還到爆煲為止

我一日都無遲過還錢嫁... ...

師兄, 炒多轉搏番身唔使破呢樣野真係要小心考慮

財不入急門好邪既小心

作者: hohochi 時間: 11-7-2015 23:34
炒股好似唔當係賭博

作者: flypig 時間: 12-7-2015 00:42
炒股有分買warrant,牛熊定藍籌。但唔係做老細，因賭/炒股申破合法的

作者: Alex2233 時間: 12-7-2015 03:01
本帖最後由 Alex2233 於 12-7-2015 04:17 編輯

你冇生意背景，炒輸賭輸一樣冇問題
佢肯借比你，幾大銀碼都好，係銀行商業決定
你點用係你自由，話明私人貸款，又唔係中小企生意周轉借貸

不過首要條件，最緊要獲取信貸時
1.冇用假糧假假證明之類
2.冇打算破產

否則兩種都叫做欺詐

第1種欺詐好易證明，白紙黑字
第2種就空泛少少,難以定義

不過你呢個問題擺明挑緊第2種呢個point

大佬，問到咁出面，已經想破產

仲咁大聲向到問可唔可以借多筆去賭，標準答案，梗係唔得啦

網上言論都受法例影響，教唆你話得隨時犯法

只可以同你講，法例就係咁死，你想破產，就要停止借貸，同埋準備申報晒現有財產
有意圖破產，仲去借，（明知借完唔會還）即係行騙，盜用他人財產
咁呢想法已經犯法架

唔關廿萬定係二千蚊都好

反而，好多賭仔成身數，趁仲有limit向手，

完全無破產動機下，一條心，諗住用貨尾去搏，咁又冇問題
因為佢冇打算破產，只係賺錢還比債權人。萬一不幸輸清光，

債項又增加左，''才'' 發覺還唔起，要去破產，無犯法
先後次序可以相差好遠

另外真係炒輸，賭輸都好，最好有輸既證明

如果係提款，現金提走20萬，
什至20轉帳落其他私人戶口，又話輸晒，擺明私藏，搵鬼信

起碼都要有買賭票/最少都有大海賭場過數記錄

講黎講去有冇犯法都係'次序'同'動機'

作者: Alex2233 時間: 12-7-2015 03:25
本帖最後由 Alex2233 於 12-7-2015 03:38 編輯

正當意見就比左你

你消化成點，睇你自己

作者: flypig 時間: 12-7-2015 09:16

Alex2233 發表於 12-7-2015 03:01
你冇生意背景，炒輸賭輸一樣冇問題
佢肯借比你，幾大銀碼都好，係銀行商業決定
你點用係你自由，話明私人貸 ...

如果係提款，現金提走20萬，
什至20轉帳落其他私人戶口，又話輸晒，擺明私藏，搵鬼信

起碼都要有買賭票/最少都有大海賭場過數記錄

去大海輸哂,極少數例子,法官有權唔信.
唔信的話,就開多兩堂,係法庭盤到你慌.

以今時今日過海的賭仔,有邊個無張XX會的紅卡係手呀??
如果你輸7個位就有張黑卡,衰衰地輸幾十個,斷估無理由無紅卡掛!!!
咁你一SHOW 積分,STATEMENT 出黎,原來你曾經有 3000分,咁唔到法官質疑你喇.
實俾你破.
相反,你原來口講某日輸左廿個,咩都無,得把口,
如果法官唔信,有D法官條氣唔順,叫 insulting my intelligence.
就唔知佢點玩了.

美國有個靚妹,好似 take 左野,係法庭玩手髮,語氣挑逗,
法官先罰佢5千美元,靚妹輕挑講再見,改罰1萬,
靚妹舉中指,再罰 X視法庭 30日坐監. 靚妹喊哂口!!!
法庭唔係個個玩得起的!!!

https://www.youtube.com/watch?v=WrU5QMLwVIk

作者: 好假的肥仔 時間: 12-7-2015 12:11
多謝大家既意見

作者: 好假的肥仔 時間: 12-7-2015 12:19
不過呢兩日有個新既問題而嫁我重有錢係手，應該可以拖多幾個月先破產不過亦都有另一個問題我個病似乎全面復發(壓力問題) 我應該之後都會失業再養多排病先可能可以考慮再工作另外之前好景個時都有叫我哥借左十零萬貸款幫比我拿黎投資，如果呢個月幫佢找番條貸得唔得同埋我黎緊可能要做個手術，會做信用卡分期，但我係未破之前都會找數或MiniPay 我預計如果我個病真係覆發同無咁快醫好三四個月後都要考慮破中間可能會透支部分金錢用作醫療及生活費

作者: dickywonghk 時間: 12-7-2015 12:54
我看了這個forum一段時間，覺得大部份人是計劃破產，明知不久將來，可能數月後要破產，就把握未破之前用盡或者收埋手上quota,這是人之常情,只不過想做到合法無手尾,所以我們提出的問題，可能已踩界，所以懂得破產魔鬼細節的朋友,提—提我們而已.

作者: Alex2233 時間: 12-7-2015 13:29
本帖最後由 Alex2233 於 12-7-2015 13:50 編輯

dickywonghk 發表於 12-7-2015 12:54
我看了這個forum一段時間，覺得大部份人是計劃破產，明知不久將來，可能數月後要破產，就把握未破之前用盡 ...

只可以講

合情，但依然唔合法，
因為詢問點樣''用盡佢'' 條問題已經犯法
就算你包裝得幾好，動機就犯左法，理論上

至於會有手尾既，的確比較少聽見，實際上

一年成萬單破產，十單有八單既人都會有呢d想法

好簡單一個例子，申破前透支，用黎比律師費同生活，大有人在

個次序同動機都係犯法，債權人同個官都有權懷疑你

基於實際情況，案件繁多，同搜集證據既難度，人地唔想搞大佢，你過到骨，但唔代表你冇犯法，正如衝紅燈，聚賭一樣犯法

但如果你d罪證太明顯，連債權人都捉到你痛腳，個官都冇辦法唔做野

作者: flypig 時間: 12-7-2015 15:12
簡單D講,以案例黎講,控告的多係有足夠證據的填寫不實資料,
少數的資產轉移...更少數的做老細因賭博而破....
至於據我所知,大家無證據,法官最殘忍就係唔俾破...但都因為唔信當事人.....
但真係好少好少見........

作者: flypig 時間: 12-7-2015 15:19

好假的肥仔發表於 12-7-2015 12:19
不過呢兩日有個新既問題而嫁我重有錢係手，應該可以拖多幾個月先破產不過亦都有另一個問題我個病似乎 ...

破前6個月找數隨時比追.....咩不公平還錢之類....
得閒會俾多D資料你...

作者: hohochi 時間: 13-7-2015 13:25

破產債權人不能有不公平優惠
http://www.epochtimes.com.hk/b5/8/2/29/78151.htm
///問題往往出在破產令之前，破產者還是有全權處理財產，在明知自己因為資不抵債的情況下終要破產，而會出於自私的理由先償還自己親朋的債務，從而令到有所謂不公平的優惠（unfair preference）情況出現，破產官就有責任將這些優先了的還款從個別債權人討回，重新加以分配，以下是一件典型的案例，說明這類不公平優惠的情況。

Trustees of Property of Hau Po Man [2005] 2 HKLRD 262

破產管理者依據〈破產條例〉第50條，指稱破產者向有聯繫人士（associate）轉授（transfer）財產，這轉授被指稱屬不公平優惠，要求追還。
破產者是一名牙醫，被指稱享有優惠者是他的妹妹及妹夫，他們均為牙醫的債權人。

在2000年3月，妹妹借給破產者150萬元，應在9月償還，由於牙醫無法償還，妹夫曾經到牙醫的醫務所多次，並發生激烈爭吵，甚而嚇怕了一些病人，不再看病提早離去。12月，妹妹寫信給牙醫，表示不希望事情發展到大家無法再做親戚，結果發生了3次財產轉移事件：

（一） 12月尾，醫生轉移了一些公司股份給妹妹，價值50萬元。

（二） 01年4月，轉移了一架車給妹夫，價值20萬元。
01年6月，醫生的主要債權人書面要求他償還債項共1,700萬元。

（三）01年7月，醫生在贖回的保險金額（redeemed insurance）之中，撥還了65萬元給予妹妹。

上訴庭的結論，只有第三項的有關保險金65萬的轉移，是一項不公平的優惠，要交換給破產管理官再分配。第一及第二項不算不公平的轉移。分別在於這是在主要債權人要求之前，醫生的動機不是不公平轉移，是不想親戚關係受損所以還款。

由於親戚在法律上屬有聯繫人士，在上述第三種情況下，由於破產的可能已經出現，財產轉移被假設會對有聯繫人士有不公平優惠，答辯人（妹妹）無法反駁（rebut）這一假設，款項因而被裁定要交還。◇///

作者: hohochi 時間: 13-7-2015 13:28
破產前兩年內優先還款予有聯繫人士的做法是違反法例！？
http://www.hkiva.org/forum.php?mod=viewthread&tid=10131

歡迎光臨破產聯盟 (http://hkiva.org/)