破產聯盟

標題: 撤銷受託人 [打印本頁]

作者: wai317317 時間: 9-7-2015 18:45
標題: 撤銷受託人
各位朋友

您們有冇用過呢個條例，去撤銷受託人？
根據《破產條例》第 83 條，破產人、任何債權人或任何其他人如因受託人的任何作為或決定而受屈，可向法院提出申請，而法院可確認、推翻或修改被申訴的作為或決定，並就此而作出其認為公正的命令。

作者: smallcat 時間: 9-7-2015 21:06

我覺得難咯, 受託人咁好經驗, 無乜幾可會做錯野

作者: flypig 時間: 9-7-2015 21:57
有錢要打就唔好撤。只有爛命一條，就有優勢。撤唔到都害到對方。
過程對方可能讓步。

作者: wai317317 時間: 10-7-2015 00:14
本帖最後由 wai317317 於 10-7-2015 00:17 編輯

2009年破產，2013搞解除破產令，我有層樓，2013年中外判律師行開始搵我傾賣番50%業權，我本來欠銀行業20萬，外判律師行得閑叫你上去傾業權，初期叫你俾30萬賣業權，佢知道你湊到錢，打去律師樓搵佢就要留言俾接待處，永遠都唔會覆電話，過左一排佢就再搵我，又要35萬，一時叫我去銀行做按揭一時叫我去房署申請唔使補地價去做按揭，上年某一日佢叫我同我媽媽簽左一份法庭協議書，佢話係層樓的價錢，上個月頭打黎明搵我話銀行要10萬利息叫我上去傾，我覺得唔對路，上左破產聯盟睇左D討論，先知可以做廢止破產令，我有打俾破產官問，破產官話可以，要自己搵律師攪，跟住我就上外判律師行傾，佢一開口要57萬，除左債務和其他開支，佢叫我媽媽做埋債權人加多20萬落條數到，我有同佢講搵過破產官律師可以做廢止破產令，傾唔掂。我再搵破產官同佢講呢個情況，破產官叫我盡快搵律師攪和唔使理佢，
前日我就搵左律師攪啦，即日外判律師行就搵人係我屋企門口貼收樓紙要我們7月尾搬走，我打俾破產官，叫我用呢個條例去做，跟住我搵律師俾佢睇收樓紙，佢叫我去法律援助處申請寬限期42日，點知去到法律援助處佢呢張紙只係外判律師行俾你做唔到野，要攞番有法庭蓋印買樓同意書，同意書應該係外判律師行到，我今日打俾外判律師行，佢冇覆，請問有咩方法攞番同意書，真係好緊急，請幫幫忙！

作者: admin 時間: 10-7-2015 02:25
點解樓主做親都係用口？

你應該全部用白紙黑字。

上去律師樓；見唔到，就即刻用手機拍低照片同傳比佢。

佢講過乜，就寫一封電郵去確認。

外判點可以唔理你？

你上去，找個讓員。坐定定係度，重要羅定個 view cam，拍晒成個過程。證明你去過而外判律師係故意拖延。並且將成個過程，句括時間，地點。當找唔到外判律師，唔好走，打比破產主任，話佢地拖延，並要求指示。要白紙黑字。用 whatsapp同電郵。唔好再用口！

預坐到收工。最好你寫定大字貼係心口，話你要找佢。同埋貼係佢門口。call 定傳媒去影相。搞大佢！記得要有證據！

老實講，我覺得你可以去 ICAC，因為如果外判無收錢，點會咁樣玩？因為我記得外判收的 commission 其實有封頂的。

作者: wai317317 時間: 10-7-2015 02:34
我同媽媽一講到要賣樓就好驚，因為唔可以俾我爸爸知道，因為我哋對法律冇認識！

作者: kumiko1030 時間: 10-7-2015 02:56
點可以咁？收樓佢大晒？搞大佢啦，既然破產官知道咗有件咁嘅事你就整大佢

作者: kumiko1030 時間: 10-7-2015 02:56
等破署有藉口介入

作者: kumiko1030 時間: 10-7-2015 02:57
外判始終係破署管

作者: wai317317 時間: 10-7-2015 03:01
多謝各位意見！我明天會揾破產主任傾下，不過admin講得啱我哋冇證據！

作者: wai317317 時間: 10-7-2015 03:06
多謝Admin同kumiko1030提供意見，有進一步消息，我會再留言！

作者: flypig 時間: 10-7-2015 06:19
唔係太明。2009 破產，只係欠區區20萬。但有層樓。點解唔加按？？

作者: flypig 時間: 10-7-2015 06:45
本帖最後由 flypig 於 10-7-2015 07:10 編輯

仲有：
，佢一開口要57萬，除左債務和其他開支，佢叫我媽媽做埋債權人加多20萬落條數到
甚麼意思？？呢個好大問題。因為係專業操守與刑事。首先，可以隨意加債權人？？？加債務？？
拿！！你先唔好打草驚蛇。上去話上次佢提議叫你媽媽做埋債權人可以傾。你問番佢問題，途中套佢說話全程錄音。然後，拎去i記？警察局？同埋律師公會。生果方向。。。。

作者: wai317317 時間: 10-7-2015 07:46
冇得傾，已經反左面！層樓係租者置其屋，要補地價！

作者: admin 時間: 10-7-2015 11:12
有D野，樓主要記得。

1. 律師最重要係個牌
2. 銀行，同財仔都係個牌
3. 政府人怕咩鑊
唔好成日話自已唔識法律。唔識就去查。而家有 google，乜都易查。同埋要找人。傳媒同議員係好幫手。

做所有野，記得要寫得一個詳細的日記，加埋相，video ，錄音。有乜就要一份比破署，外判。寫得邊日。

如果你有足夠證據，你可以入信律師公會，話佢專業失德。又話破署監管外判不力。

作者: flypig 時間: 10-7-2015 13:16
將你媽媽當債權人加廿萬，原因係外判抽佣。
不過難以想像外判律師會講呢d.加上你債務已上哂表檔案，兼且4年已完。我相信呢d提議完全不可行。。。。我諗你都係如admin所講全程保留證據。

作者: wai317317 時間: 15-7-2015 10:16
我已經叫律師出信俾外判律師行，暫停收樓，同時都有打俾破產主任講明是還錢不買樓，破產主任都有回覆，已經同外判說明還錢。外判5日後回覆還幾多錢總數，我想問下外判律師 commission 是否有封頂？因為破產主任話大約2萬幾，律師說有個CASE外判收10萬。

作者: flypig 時間: 15-7-2015 12:56
本帖最後由 flypig 於 15-7-2015 12:57 編輯

wai317317 發表於 15-7-2015 10:16
我已經叫律師出信俾外判律師行，暫停收樓，同時都有打俾破產主任講明是還錢不買樓，破產主任都有回覆，已經 ...

B 一般老破還錢,聞說破署與外判會收佣15%..至於賣樓係唔係特別處理,真係唔知.
有無上限,應以主任為準.

作者: wai317317 時間: 15-7-2015 21:08
我都問過主住，主任話外判如果收得貴，會叫外判講番點解咁貴！不過我都好擔心！多謝解答！

作者: kumiko1030 時間: 15-7-2015 22:57

wai317317 發表於 15-7-2015 21:08
我都問過主住，主任話外判如果收得貴，會叫外判講番點解咁貴！不過我都好擔心！多謝解答！ ...

既然主任同你講二萬，咁即係封咗頂啦

作者: wai317317 時間: 16-7-2015 23:17
因為外判計緊數，外判上過原訟庭申請賣樓，同埋破產主任講大約數，所以未封頂。

作者: ktsg 時間: 19-7-2015 11:06
好有興趣知有無人試過手續係點駛唔駛錢

作者: wai317317 時間: 22-7-2015 20:52
去左法律援助處申請，反對賣樓令！

歡迎光臨破產聯盟 (http://hkiva.org/)