破產聯盟

標題: 其實我唔多想申破，寧願債務重組… [打印本頁]

作者: gillian2367 時間: 7-7-2015 01:40
標題: 其實我唔多想申破，寧願債務重組…
我欠債等於月薪成38倍，但月薪得9千5，其實唔多申破，我呢個可以做債務重組之類嘅野嗎？如果失業時，又可否先申請破產呀？

作者: admin 時間: 7-7-2015 01:44
樓主，不如實際D去想下辦法啦。

作者: gillian2367 時間: 7-7-2015 02:45
我都唔知我可以點做？要拖全部數定還住2筆私貸先，其他卡數拖2個月？9月先申破？定月尾8月初就申破，23/8-2/9旅行照去。其實真係唔知應該點做好呀…

作者: b4bankruptcy 時間: 7-7-2015 07:30

gillian2367 發表於 7-7-2015 02:45
我都唔知我可以點做？要拖全部數定還住2筆私貸先，其他卡數拖2個月？9月先申破？定月尾8月初就申破，23/8- ...

欠38倍，但人工不到20k, 我選擇破產。
做iva, 完全唔容易㗎！

作者: flypig 時間: 7-7-2015 07:44
你一個月要食飯坐車手機，起碼消費係幾多？？淨番幾多？

作者: flypig 時間: 7-7-2015 07:58
以市面最平的無資產擔保personal loan計，你都要俾8k 一個月。但一來以你人工，人地唔會借呢個銀碼俾你，二來利息亦唔可能咁低，三來美國會加息。到時會作為最後一根稻草去徹底壓垮你。而一陷入加息周期，你除非加人工，唔係遲早頂唔順。贈你5隻字：早破早解破。

作者: flypig 時間: 7-7-2015 08:06
以你時間表，8月初申破。填表唔好填錯，小心d.準備好老強資料，可以就事先cut定馬會戶口同保險（如果有的話）,申報後可以旅行的。但人地會質疑點解你有錢去玩，無錢還債。只有答辯有人照！！！！！咁你唔好用信用卡買野。。。。。都唔知點講。。。。在捱騾仔4年之前，祝你有個愉快旅程

作者: flypig 時間: 7-7-2015 08:09

b4bankruptcy 發表於 7-7-2015 07:30
欠38倍，但人工不到20k, 我選擇破產。
做iva, 完全唔容易㗎！

Iva 利息唔會比出面pl平。樓主根本俾唔起。只會陷入個個月碌卡填數，然後愈借愈多，最後老破的路。

作者: .時光倒流 時間: 7-7-2015 11:04
我欠債等於月薪成38倍，但月薪得9千5，其實唔多申破，我呢個可以做債務重組之類嘅野嗎？
現實來講好難囉，因為你會係還錢呢幾年好難頂，況且9千5人工真係幫唔到你 d 乜

如果失業時，又可否先申請破產呀？
去到呢個時候先選擇破產，咁你之前還果 d 咪浪費晒

作者: admin 時間: 7-7-2015 11:18
不如咁講啦，你做到 IVA 先講。

作者: hohochi 時間: 7-7-2015 17:20
過左月薪21倍除左破產都無咩野做到除非有人一筆過幫你

作者: gillian2367 時間: 7-7-2015 17:52
多謝各位意見，咁我都係破啦，8月初破啦…不過我電話費需要信用卡自動轉帳，smartone,問過啦，竟然話冇得取消自動轉帳，一係就一次過交半年電話費。

作者: gillian2367 時間: 7-7-2015 18:07
仲有，我d數6月借嘅，8月頭申破得唔得，律師又係話最好還3個月先，咁係咪真係要還3個月呢？只還住私貸，其他卡數唔還得唔得架？

作者: flypig 時間: 7-7-2015 18:39
本帖最後由 flypig 於 7-7-2015 18:41 編輯

就咁的，數碼，小弟幫趁緊。開頭老破，個個月信用卡reject.就親身交數。佢後來頂唔順，就停我。我就去講數。電話度傾，我話宜家唔會再有信用卡，係唔係逼我幫襯第二間。後來佢話prepay半年，我話太多了，要轉。結果三個月成交.你有無join plan??有一唔like cut佢，佢血本無歸添。

作者: flypig 時間: 7-7-2015 18:43

gillian2367 發表於 7-7-2015 18:07
仲有，我d數6月借嘅，8月頭申破得唔得，律師又係話最好還3個月先，咁係咪真係要還3個月呢？只還住私貸，其 ...

Alex 兄已經解釋得十分之清楚。唔夠三個月，無問題。Alex 兄正係人板。佢經歷緊的。。。

作者: smallcat 時間: 7-7-2015 20:41
基本欠債超過20倍或還款期超過6年大多數都會建議你去破唔係想唔想相信大部份人也不想破但最後還唔到只好接受現實

老實講我還息仲多過借既本金多多聲

我都頂左N年但銀融蟹嘯一次就可以令人加倍頭痕如你份工超級穩定又可以蛇去老兼仲可以存少少幻想否則唔容易清走晒D數

作者: gillian2367 時間: 7-7-2015 20:45

flypig 發表於 7-7-2015 18:43
Alex 兄已經解釋得十分之清楚。唔夠三個月，無問題。Alex 兄正係人板。佢經歷緊的。。。 ...

律師費我就俾晒啦，依家就諗緊幾時去宣誓，入紙。不過我係想8月嘅。我俾晒律師費，但個律師都唔理我嘅，咁咪打俾佢助手問，佢助手就話最好供3個月。之後我問另一個律師，佢就話冇咩問題。我d數全部由呢個月開始還。我諗住還左呢個月嘅2筆私貸先，費事打黎追數。而其他卡數或者拖住先，不過咁就會多一筆逾期還款嘅數。其實就算還唔到3個月，d律師可以點同個官講呀？

作者: flypig 時間: 7-7-2015 21:03
本帖最後由 flypig 於 7-7-2015 21:06 編輯

基本上，唔夠三個月，無人得閒理你。
無疑，我當時提醒過alex 兄小心d,佢係賭博。一講賭，如果大海輸，無根無據，債主懷疑你資產轉移。法庭有機會盤到你慌。
你唔同，你look 卡間如果係cf,就夠大。法官最多問兩句，應該全身而退機會好大。因為老破，最小心兩樣係資產轉移同填不實資料，你兩樣都無犯就甩身多。最後，你去美國之前一兩星期唔好係銀行拎一萬幾千，俾人質疑你去外地無人照就唔好喇。凡事謹慎.

作者: gillian2367 時間: 8-7-2015 10:35

flypig 發表於 7-7-2015 21:03
基本上，唔夠三個月，無人得閒理你。
無疑，我當時提醒過alex 兄小心d,佢係賭博。一講賭，如果大海輸，無根 ...

多謝提醒，但我全部戶口已經攞晒錢出黎啦。依家已經冇再用信用卡啦，除左smartone要自動轉帳外。我諗一係轉帳到入紙個個月，一係就交晒半年算，合約11月到期。我電話費好平…

作者: don870731 時間: 11-7-2015 11:24
月薪38倍 Iva你根本冇可能還到

歡迎光臨破產聯盟 (http://hkiva.org/)