破產聯盟

標題: 杞人憂天的題外話, 破產期間如果收到遺產... [打印本頁]

---

作者: Alex2233    時間: 13-6-2015 02:13
標題: 杞人憂天的題外話, 破產期間如果收到遺產...


純粹係假設性問題......
都冇人想屋企人出事....

只係拎出黎比大家討論一下及留番少少經驗

萬一老破者仍在四年破產期內，家人患病,將不久後過身....
咁得到既遺產理當交出黎,還完有多先至收入袋....


但假設遺產唔係好多,假設遺產共200萬左右,主要係存款/股票,冇物業在手
如果欠債100萬,就要先還左100萬,扣埋手續費,可能得番70,80入袋,按道理係咁冇錯

但如果死者之前將所有存款/股票變埋晒,成為鈔票/金條/勞力士 ETC.... 然後"不知所縱"

老破者依然身無分文,期滿4年後,解除破產令,
在香港任何銀行/財務機構資產上沒有明顯資產增長 , (如果有就死硬,實會比人CHECK 資產既來源 )

然而, 最後解破者於海外開設戶口,及得到一筆"不明來歷"財產, (香港政府無權力CHECK到)

現實上有冇人聽聞過呢D案例???

但筆錢"遺失"既時候,法例上係唔屬於老破者,唔算得上轉移資產??
就算你問佢, 知唔知死者筆錢去左邊,佢都係企硬"無可奉告"

如果算有罪,控方都要搵證據入罪?? 變賣資產既人已經死無對證

---

作者: flypig    時間: 13-6-2015 09:13
6個字，雖犯法，難被捉。

---

作者: flypig    時間: 13-6-2015 09:17


如果遺產唔見左，一般唔會被問。。。除非係，生前放現金在銀行，死後被提走。但據我所知，被追有。。。但更多無人理。即死者親人用atm提錢，除非有人報案，唔係算數。
當一個人死亡，銀行唔會知道。直到家人通知銀行，先會涷結户口及安排幾錢過俾繼承人。但未涷結之前，保險箱又好，户口又好，無人理。至於有無案例？有。金xx老細死左，老婆漏夜搵伙記搬黃金走。被債權人報警，最後坐監收場。金xx當時搵kelly 拍廣告的。

---

作者: samuel8892000    時間: 13-6-2015 09:22
其實很多老破都犯法.但找不到証據告你.

---

作者: flypig    時間: 13-6-2015 09:27
正路d,寫平安紙喇

---

作者: Alex2233    時間: 13-6-2015 10:56


咁趁人死左再自己拎走實比人入罪

但時間次序唔同，結果可以天淵之別

死後偷步轉移，實有罪，因為死左果刻已經冇能力改遺產，破產者一定成為遺產接收人，換句話說即係一死左，財產等於歸破署

而家假設死者生前，親自將自己財產變賣，再令筆財產失蹤

到死者死後，亦都死無對證，冇得證明同人夾過共識

---

作者: hohochi    時間: 13-6-2015 11:06
死者生前架財產調動無需要向任何人交代係佢架個人自由，至於破產者收到財產點處理先至係問題，如樓主所講收架係鈔票/金條/勞力士呢d實質財物真係難以追查。

---

作者: Alex2233    時間: 16-6-2015 06:51


但實際上都好少人會將所有財產變賣成現貨，冇得去投資，保存又唔方便
又或者係突發情況下過身，更加冇時間作出調動。


如果無立遺囑既情況下，死者死後會先由子女受益定係配偶受益？如果係子女先受益既

咁破產人士應該建議父母，暫時修改遺憾，改由配偶受益，什至親友

萬一四年內有冬瓜豆腐，都唔洗損失

---

作者: flypig    時間: 16-6-2015 10:20

Alex2233 發表於 16-6-2015 06:51
但實際上都好少人會將所有財產變賣成現貨，冇得去投資，保存又唔方便
又或者係突發情況下過身，更加冇時間 ...

如果無立遺囑既情況下，死者死後會先由子女受益定係配偶受益？

由配偶繼承

---

作者: busdriver.430    時間: 16-6-2015 14:06
我有個經驗可以分享下, 主要在於 "你等唔等得"
不幸地本人老破期間屋企親人走左
佢有一筆遺產我可以分到, 主要係銀行存款

呢筆錢唔係親人走左就自動轉去你戶口的
有一堆手續要做先可以去申領遺產
除非有特別既私人理由一定要馬上轉去你名下
否則法津上你可以拖返三幾年先搞呢堆手續
就算有官問, 你大可以話唔知佢有錢, 或者太傷心無理到呢d 野


等到你既破產期過左先搞手續, 之後.............大家明啦

---

作者: Alex2233    時間: 16-6-2015 14:12


多謝上面位師兄分享，但係破署追唔番？
我假設兩年到親人死，拖多兩年解破，再申領遺產

同埋有冇話遺產有分類？股票/Mpf/存款都可以拖三年？

但拎完之後破署會唔會話個timing係死果刻計，
假設死果刻，錢已經屬於你的財產，只係你唔拎？
再要你嘔番出黎？

如果係可能要著草



Anyway多謝分享

不單只我自己，都想多d老破人士了解清楚d

萬一有突發事件，都有路可行，唔洗損失

---

作者: flypig    時間: 16-6-2015 15:19

busdriver.430 發表於 16-6-2015 14:06
我有個經驗可以分享下, 主要在於 "你等唔等得"
不幸地本人老破期間屋企親人走左
佢有一筆遺產我可以分到,  ...

錢一拎法已犯.....只要有金手指出現,就要坐監.
仲係刑事.起碼半年.....

好多人會博,但我唔會,更唔主張....

---

作者: Alex2233    時間: 16-6-2015 15:22

flypig 發表於 16-6-2015 15:19
錢一拎法已犯.....只要有金手指出現,就要坐監.
仲係刑事.起碼半年.....

所以唔拎，等多兩三年解破後再拎，咁就一定唔犯法
但破署都可能急不及待催你拎出黎還，除非唔比佢知道死訊


又或者怕解破完再拎，佢都有權要你嘔番出黎，因為死果陣真係處於破產期內

---

作者: flypig    時間: 16-6-2015 20:56

Alex2233 發表於 16-6-2015 15:22
所以唔拎，等多兩三年解破後再拎，咁就一定唔犯法
但破署都可能急不及待催你拎出黎還，除非唔比佢知道死訊 ...

唔係架。破產中有遺產，應直接申報。
解破後先拎都無用。官會判早有預謀，坐監難免。

---

作者: flypig    時間: 16-6-2015 21:00
所謂收入，唔單只係已在袋中，連未在袋中都計。
舉例，你公司出花紅，開了票，你等解破後先拎，都要申報，否則違法。
當然，到時各出其謀，有好多人未必申報，亦未必被捉。但一捉到多數要受靶。

---

作者: Alex2233    時間: 16-6-2015 21:05


所以唔想蝕底一定要好好鋪排

最好寫定晒遺囑

破產人一日未解破都唔做任何繼承人，此招可以防止意外身亡

如果唔係突發死亡，死者生前亦有絕對權力調配自己資金

---

作者: Alex2233    時間: 25-6-2015 14:22
岩岩上網睇到，出自社區法網

可以參考下



3. 如果死者沒有立遺囑，有關遺產將如何被分發？

在無遺囑之遺產繼承法律下，遺產受益人之優先次序，與合資格申請授予遺產管理書的人士之優先次序相若（請參閱相關問答）。

但於現實中，經常會有兩人或更多人同時有權取得遺產。以下是部分常見的情況。 有關詳情可參閱香港法例第73章《無遺囑者遺產條例》。

（A）死者只遺下一名配偶

如果死者只遺下一名配偶，但沒有後裔、父母、有血緣關係（同父母）的兄弟姊妹、或上述兄弟姊妹的後裔，那麼在生的丈夫或妻子，便有權取得死者的剩餘遺產（即在扣除死者的債務、稅項、葬禮費用、法律及遺產管理費用後，所剩餘的全部產業）。

（B）死者遺下配偶及後裔

如果死者遺下配偶及後裔，無論死者是否有父母或兄弟姊妹在生，死者的配偶可先取得以下遺產：

死者所有的非土地實產；
剩餘遺產中的500,000元。
在上述的 500,000 元分發後，如果尚有剩餘之數，便會再分成兩半，一半分發給配偶，另一半則平均分發給死者的所有子女。

（C）死者遺下配偶、父母及兄弟姊妹，但沒有後裔

如果死者遺有後裔，即使配偶亦已離世，死者的父母及兄弟姊妹均不可得到任何遺產。

如死者沒有遺下後裔，即使配偶仍然在生，死者的父母及兄弟姊妹亦可以分得遺產。在生的配偶可先取得以下遺產：

死者所有的非土地實產；
由剩餘遺產中得到1,000,000元。
在上述的 1,000,000 元分發後，如果尚有剩餘遺產，便會分成兩半，一半分發給配偶，另一半則分發給死者的父母。

此外，如死者的其中一個或兩個父母都在生，死者的兄弟姊妹便不能分得遺產。他們只有在死者沒有遺下後裔及父母的情況下，才有權分得部分遺產（扣除配偶所得部分之後）。

（D）「非婚生子女」所分得的遺產

非婚生子女（亦稱為「私生子女」），指他們的親生父母並非根據香港法律認可的方式結婚。就合法婚姻的詳情，可參閱婚姻及家庭事宜。

在1993 年 6 月 19 日前，非婚生子女的父親如在無立遺囑下去世，該子女便無權繼承父親的遺產。非婚生子女可繼承無立遺囑的母親之遺產，但只可在母親沒有婚生子女的情況下，才能享有遺產繼承權。如果死者有立遺囑，並指明會給予「他的子女」遺贈或一筆金錢，非婚生子女便無權分得遺產。

不過，根據《父母與子女條例》，有關局面已經有所改變。如果父母在1993 年 6 月 19 日後去世，非婚生子女與婚生子女 均享有同等的遺產繼承權。

關於領養子女之問題，任何人如是根據合法的領養程序而被他人領養，他們與領養人的親生子女擁有同等法律地位。換句話說，他們須被視為領養人的子女，而非任何其他人的子女。

關於分發遺產的更多資料，可參閱舉例說明。

---

作者: Alex2233    時間: 25-6-2015 14:26


最常見既情況都係B

換言之有100萬分既話

配偶先分50萬，剩餘50萬再分半

即係最後配偶有75萬，子女再按人頭瓜分25萬

即係假設有雙親，邊位親人財產遠高於50萬，就要立定遺囑啦，全數先由配偶繼承 ，（避免突發事件）
又或者怕雙親一齊突發去世，第二繼承人亦都可以指定比晒其餘兄弟或指定人選，

自己一蚊都唔要


當然其它情況都可以立遺囑，假設你係A ,可以立比一位信得過既人手上
四年後安全解破，再叫配偶改番遺囑做自己

---

歡迎光臨 破產聯盟 (http://hkiva.org/)

Powered by Discuz! X3