破產聯盟

標題: 我被騙了?跌入破產陷阱 [打印本頁]

作者: 有問題想問 時間: 27-3-2015 06:41
標題: 我被騙了?跌入破產陷阱
本人欠債20萬左右...因要俾家用+還債...每月剩下大約2500$

實在支持不到...有個自稱大眾銀行職員打黎問我要唔要試下破產!可以幫我介紹...我因為第一次咩都唔知...聽佢話申請破產可以唔洗還錢俾政府..就聽左佢講

上左去佢間公司...佢要收我10000$政府+30000$律師費....但我無辦法拎到錢出黎!佢就話可以幫我借錢番黎還俾先...我初頭諗我借左20萬依家都係還4萬我有賺...就無睇清楚就簽左名

後黎番到去就越諗越唔對路...因為佢俾我簽野又少..我已經交左8000$俾佢....我心知自己一定中左招....但係佢又一定會追我幾萬蚊數...佢個份野有寫到終止要俾晒全數 .好老實...我已經無錢了...可能會跳樓未定

有無方法可以令佢唔好追我幾萬蚊...個8000$我可以唔要番....

作者: Heihei 時間: 27-3-2015 07:46
其實揾個真正嘅律師搞只係16000(已包比政府嘅費用)，如果自己搞10000搞掂哂。放心你唔係第一個，呢到好多人都中過招。如果我係你立即揾朋友或家人借錢自己入紙搞破產，你一入咗紙佢地再追你還佢地就犯罪。不過如果呢間嘢唔係大眾財務而係掛羊頭賣狗肉就麻煩d, 二線財務公司係打開爛仔交，如果佢地有進一步逼還錢，你只好報警。你係呢到可以見多d舊文，睇下類似事件嘅c兄c打點拆。最後死唔係解決方法！！

作者: cc4321 時間: 27-3-2015 08:55
你呢類案例都唔小,所以做任何事都要先做好功課,唔好只聽一兩個人講問多幾個人

你而家最好搵律師搞,因為佢比到真正法律意見你,另外果間野有無比任何文件你係收左你錢

作者: flypig 時間: 27-3-2015 10:48
佢唔算狼,都係收你 40K.你都只係蝕 25K 左右.
借問一聲,你簽時又諗住點還錢俾呢間公司呢??????

你係分幾多期???? 一般做法3種:
1 拎一舊錢,say 10k, 講數.話唔駛佢搞.睇下講唔講得掂
講掂就自己搵律師.
2 照破!!! 破時寫埋佢個名做債權人.

頒令後再去講數.
你上律師樓,佢一定話千祈唔好寫佢寶號,但你要同律師講,呢份宣誓文件,係唔可能做虛假聲明,
否則你犯了刑事.再問下係唔係真係唔好填.全程暗地錄音. 然後死都堅持.
不過你唔好以為甩得身,一樣有滋擾. 不過就講數期間易講一d.
3 照科水!!! 當買一個教訓.

如果你無錢,我俾個最好選擇你.
就係第4選項. 唔科水.因為 The ONLY Choice is the BEST Choice.....
有咩淋油就報警....

作者: admin 時間: 27-3-2015 12:33

flypig 發表於 27-3-2015 10:48
佢唔算狼,都係收你 40K.你都只係蝕 25K 左右.
借問一聲,你簽時又諗住點還錢俾呢間公司呢??????

唔怪得溫顧問成日收唔到錢！原來係你！

作者: 301 時間: 27-3-2015 13:11
案例深表同情,
過來人可做甚麼幫忙呢 ?

現在除"訂金"打算放棄外,
如對方追數則需言明"爛尾"無錢獻上,
如搞大有違法行為定報警處理云.

其實搞大頭實在佢怕左你,
相信對方非百分百次次得逞,
祇有十分一"落叠"也執到了.

類似案例最近百有向議員求助,
公開後起碼警醒未簽者.

作者: zbridgehead 時間: 27-3-2015 13:33
有無份合約放上來看下！？

作者: 有問題想問 時間: 27-3-2015 13:43
我如果唔俾錢....我諗佢地一定搵收數...到時真係無底...又會搞我工作地方同屋企....

作者: 301 時間: 27-3-2015 14:25
追數者有持無恐,
就是持債仔怕事,
及怕同事及親人知道"破事".

敵不動 ; 你不動
敵一動 , 你先動

紙包唔住火,
要來始終會來,
一有風吹草動,
向親人及同事表白滋擾事備案,
301當年被追數電話滋擾公司而已,
換來竟是同事關心及支持添 !

作者: 有問題想問 時間: 27-3-2015 15:15
其實我應唔應該科水俾佢???

作者: nelson_cml 時間: 27-3-2015 20:32
小心決定，睇你會唔會影響家人同同事，朋友

作者: Heihei 時間: 27-3-2015 21:09

有問題想問發表於 27-3-2015 13:43
我如果唔俾錢....我諗佢地一定搵收數...到時真係無底...又會搞我工作地方同屋企.... ...

咁就要睇下有無錢同想唔想科？佢地要你分幾多期？係咪完數比哂先會幫你搞？咁你而家係咪都要還比銀行？但最最最重要係有好多案例比哂錢佢佢都唔幫你搞，到時候話破署唔接受你申請乜乜乜.....其實上面有好多C兄都比咗好多意見你，你細心考慮下。

作者: flypig 時間: 27-3-2015 22:57
本帖最後由 flypig 於 27-3-2015 23:07 編輯

如果你有份正職，欠廿個駛唔駛破產呀？我估你唔過年紀35。
今次衰3樣野，一係貪，以為俾4個就可以廿個省番，仲有賺。二係平時無留意犯罪手法，三係無防備之心。你每月扣除必要生活費，仲夠唔夠錢還min?
你要考慮包括：
1 是否必要破產？
2 收數上門搵你屋企打電話俾你親友你公司你又撐唔撐得住？
3 如果撐得住，又值唔值？
仲有，你話簽好多份野，你send上黎睇下！！

歡迎光臨破產聯盟 (http://hkiva.org/)