破產聯盟

標題: 交表後（不吐不快） [打印本頁]

作者: wingyi1107 時間: 6-2-2015 15:52
標題: 交表後（不吐不快）
本帖最後由 wingyi1107 於 6-2-2015 15:54 編輯

一早都知曹xx衰架啦，估唔到真係衰到貼地！！
今日約左3點上去交文件。我好守時地2點50分去到。
一開門，坐低左，條友行出黎講，明明約你3點，你就早2個字上黎，還錢唔見你早。。。哇。。我心中已經xyz 。。。但我忍！！！
之後佢癈up 一大輪野，係咁捉錯處都算。。。我係支出表填左養狗費。佢之後就發火講，小姐，你養自己都唔掂啦，仲點養狗。我完全唔明你個腦想咩囉。
你覺得政府會批你養狗咩。你仲要住公屋。已經犯法啦！就係你依d 人,搞到香港多流浪狗，烏煙瘴氣！！
我嬲到呢！但我都忍！！！
之後佢就話，如果你唔養狗，咪有錢比返政府囉！！
我都只係講：係既，明白！心中已經想xyzxyz 佢！
之後，仲衰，問我有咩問題要問，咁我真係唔知出糧花紅係點。咁我咪直接問佢：我聽講花紅要申報，應該點申報呢？？
哇！！！！條友串到同我講：你聽咩人講，你唔識，唔係要聽人講，d 人唔係主任，唔係律師，佢地識咩野？一d 知識都冇！你有咩唔明，唔知就要打比主任問。唔係聽人講，聽人講
而家好多破產人，都上網搵資料。根本就害死自己！！！
你唔明就問律師，唔好問旁門左道！！！！
之後我只係講，唔該晒，就走左！

作者: cc4321 時間: 6-2-2015 16:45
算喇,呢D人天生無家教,可能又撞啱M到咪咁囉,對弱勢就兇神惡殺,對有頭有面就成隻狗咁,要原諒

作者: wingyi1107 時間: 6-2-2015 16:46

cc4321 發表於 6-2-2015 16:45
算喇,呢D人天生無家教,可能又撞啱M到咪咁囉,對弱勢就兇神惡殺,對有頭有面就成隻狗咁,要原諒 ...

我原諒左佢啦！！！！

作者: ac0213 時間: 6-2-2015 17:38
呢條友就擺明想辣慶你啦.我個債權人都想屈我無通知[加人工]一事啦,比我大聲番佢.根本佢地好多甩甩漏漏.總之自己要定.

作者: wing777 時間: 7-2-2015 02:42
曹xx係好pk！雖已事隔多年睇返你嘅遭遇都有D火。
不過你又吾駛太擔心，如果有錯漏，主任會打俾你叫你補返，一般主任態度會好D，我嗰個已係算吾太好但問乜答乜有交帶。
交文件後2星期左右打來問我幾句，因我有間無限公司所以麻煩D，書面補返D資料就ok，佢仲教埋你點寫。之後半年只打過兩次來問我工作情況同埋問我收吾收到張破產令，最後一次係第一年交年報又填錯打來教我點填，之後三年都無打過來了。
所以呢⋯曹xx只係收文件，之後你再吾會見到呢D pk，以後4年都由主任跟進。

作者: flypig 時間: 7-2-2015 10:33
因為佢覺得你係社會底層,儘量鬧地底泥無問題,顯出自己係高你一等.

實際上,只顯示佢專業有問題.呢D CASE,全程錄音,拎去一仔,佢間外判都唔掂.

作者: flypig 時間: 7-2-2015 10:38
如果係我,我等佢廢UP 一輪,會問佢,
其實你地係唔係淨係負責收文件??
E... 外判唔係你BOR..除此之外仲負責D 咩野???

呢D 友一聽,就會收皮....

作者: smallcat 時間: 7-2-2015 19:16
本帖最後由 smallcat 於 7-2-2015 19:18 編輯

權力既恐怖權力慾如果大家去旅行同一團見到佢 你又解左破 你估你會唔會忍佢?

佢夾魚時你快過佢佢裝飯時你裝晒佢佢夠唔夠薑吋你? 我睇佢驚過你

只不過現在破期中, 有乜心情同佢地玩? 咪就係咁咯

作者: mmmmm 時間: 8-2-2015 00:21
曹xx 真係好pk
我都受個佢氣

作者: MITKAN 時間: 8-2-2015 01:24
不要太乎他的說話態度啦～
因為他而弄到自己不開心就不值得啦～
雖然他說話態度有欠尊重，但當中某些點亦有道理，
公屋的確不可以養狗的，小心事件揚了出去會被扣公屋分及影響狗狗不能再留在家裡生活，
正因為公屋不可以養狗，如果申報養狗費的確很大可能不批，養狗的支出要另想辦法了～

作者: wingyi1107 時間: 9-2-2015 12:24

MITKAN 發表於 8-2-2015 01:24
不要太乎他的說話態度啦～
因為他而弄到自己不開心就不值得啦～
雖然他說話態度有欠尊重，但當中某些點亦有 ...

所以我咪忍。。。。。唔出聲！！

作者: 301 時間: 9-2-2015 12:32

呢d就係師樓之"人渣",
係等天收佢,
而家出事之"比卡超"幣,
又係引公公婆婆落叠之"人渣".

作者: keing81 時間: 9-2-2015 17:59
如果係我, 真係吾知認吾認到

作者: luluchow 時間: 9-2-2015 20:46
我交件嘅律師樓非常有禮貌，ching真係唔好彩了

歡迎光臨破產聯盟 (http://hkiva.org/)