破產聯盟

標題: 雙糧,花紅 [打印本頁]

作者: momo8wowo 時間: 21-12-2014 11:27
標題: 雙糧,花紅
今年8月已經判左比王+石,但到衣家仲未傾生活費,而公司年尾有雙糧同埋過年前會出佣金,我想申請返d黎用下,有無人可以教下我封信應該點寫？謝謝

作者: 破產王 時間: 21-12-2014 18:13
我剛剛都加入左黃，石，
請問你係咪一樣每個月都寄糧單，銀行月結比佢?

作者: wahtung 時間: 21-12-2014 18:16

破產王發表於 21-12-2014 18:13
我剛剛都加入左黃，石，
請問你係咪一樣每個月都寄糧單，銀行月結比佢?

聽講是每月fax份銀行月結及糧單比沙石

作者: 破產王 時間: 21-12-2014 18:21
雙糧唔係一定要全部上繳嗎?
可以商糧的嗎:-I?

作者: wahtung 時間: 21-12-2014 18:49

破產王發表於 21-12-2014 18:21
雙糧唔係一定要全部上繳嗎?
可以商糧的嗎:-I?

可書信去填寫理由到外判申請

作者: 破產王 時間: 21-12-2014 19:02
真係唔知可以寫咩理由，，，
佢又未傾生活費，又唔知需要還與否
天哼

作者: momo8wowo 時間: 21-12-2014 21:51
我5月頒令,8月開債權人會議後就判左比王+石,到衣家我仲未上過去見佢地,又無打黎叫我交任何文件,直至上個星期收到佢封信叫我填回條fax返去,回條係關於雙糧花紅,如有要全數入返比佢,但係我都無佢地户囗資料,跟本入唔到,而我雙糧係月尾先出,所以我無理到佢,淨係fax返張回條比佢就算.至於雙糧係要全部上繳,但可以申請拎返少少黎用下,不過視乎佢批唔批比您
請問破產王佢同您傾左生活费未呢?
有無ching試過係王+石度申請拎返d d 雙糧用下呢?
可以教下我封信應該點寫嗎？
謝謝

作者: 破產王 時間: 21-12-2014 22:05
我1219先開完會，
雙糧花紅要3日內全數比反佢，點解咁奇怪gei..5月頒令
8月開會，你未知駛唔駛還錢?
第時你要又5月開始比反至12未還d錢係咪?

作者: momo8wowo 時間: 21-12-2014 22:29
佢封信係咁講話要將d雙糧花紅收到後3日內入返比佢,但係我都無佢地既户口號碼,打比佢地每次電話響兩聲就自動cut缐,所以我唸住唔理佢,等佢地揾我.
8冃係破産局開會時個果黄+石律師樓既人同我口頭講我大概每個月要還$1000, 佢話如果要還就要由5月開始,叫我有準備儲下呢筆錢,我都唔知點準備,生活費都未傾,仲要每個月出糧d錢都要拎黎交租食飯搭車,如果真係要還我唸我會去主任到申請覆核
破産王,佢地比左個户囗您入錢?

作者: momo8wowo 時間: 21-12-2014 22:32
仲有...佢只係口頭講,跟本仲未 confirm 我既生活費

作者: 破產王 時間: 21-12-2014 23:08
開會佢冇話要還幾多，整係比左文件我，到時佢d人叫我上去先再傾生活費同到時比文件佢地，户口又冇，佢話會開個咩還錢户口遲d..
3日內全交唔係去銀行買張現金支票拎上寫字樓咩?

作者: momo8wowo 時間: 21-12-2014 23:23
我未聽過要開還款户口woo... 同埋我唸可以入數去佢地既律師樓account
買果d現金票又要排隊又要再過去交,浪費時間,去銀行入數比佢好過.
破產王如果您有咩消息就話我知 :)

作者: 破產王 時間: 21-12-2014 23:39
唔係丫，係佢地d人話有呢個户口比我，方便到時入數
我都好煩惱，
如果keep住都係破局過呢4年咪好嚕
之前去灣仔比完文件攪埋駛唔駛還錢個d野
本身都唔駛，而家又判左比呢個，又要再攪過，真係好煩
有冇ching有經驗丫(>﹏<)?

作者: momo8wowo 時間: 22-12-2014 00:03
您判完又判.... 咁慘..
但係交文件還交文件,收文件既地方唔熟於判左,佢地只係幫手收文件

作者: 破產王 時間: 22-12-2014 00:21
係丫,9月幾判左領,12月開會知道要外判
頂...都唔知可以點..個日都20幾人係呢間

作者: joetang 時間: 22-12-2014 20:16
申請期間要幾耐時間？同埋Ｄ雙糧是否等佢批唔批先入比主任？

作者: momo8wowo 時間: 22-12-2014 23:41
joetang@ 睇下您判左比邊個,仲之一出雙糧就要通知主任/外判,我都唔知要等幾耐仲未有人聯絡我

作者: sf17 時間: 23-12-2014 18:36
我完全未見過主任，全部都係書信通知至於雙糧花紅果啲一定要上報。。同埋係可以申請保留一啲洗費，但批唔批就要睇下啦，要寫封信。。打去問過，佢比左個例子，比如你要買部洗衣機就最好比埋報價單佢，當然你要寫原因，點解要買洗衣機啦。。收到封bouns信，一啲開心嘅感覺都無，人地收到就開心，自己收到就唔開心。。要上報，想用又無得用，會覺得啲錢明明係自己架嘛。。。但要申請可唔可以用，仲要未必申請到，做野咁辛苦一年嘅努力。。唉，等都係等年尾咋。。。。各位ching, 我都係有感而發，講得唔岩聽，唔好見怪。

作者: sf17 時間: 23-12-2014 18:38
仲有呢出左比你嘅雙糧，花紅好似係要開check或者係親身去交cash

作者: 破產王 時間: 23-12-2014 20:05
係咪要係銀行買張現金票上去送錢?
到時連埋每月個D 糧單.户口紀錄一次過比OK??

作者: sf17 時間: 23-12-2014 23:28
如果用左支票就唔駛親身拎去，入落支票箱都ok, 一係就親身拎cash去。

作者: littlemomo 時間: 30-12-2014 22:20
唉，。。。我都覺得辛辛苦苦揾既錢錢又唔係自己，都好冇耐。。。。

有d 人真係索性囉綜緩架。或揾夠生活費就算。。。。

作者: mickey7100 時間: 31-12-2014 10:25
我地每個都有一個獨立戶口係HK BANK,寫名係破產戶口, 年頭我有花紅,申請完要交番一半,就俾咗個戶口叫我入,呢個戶口仲衰到唔可以用機入,一定要排隊

作者: rose 時間: 1-1-2015 15:38

mickey7100 發表於 31-12-2014 10:25
我地每個都有一個獨立戶口係HK BANK,寫名係破產戶口, 年頭我有花紅,申請完要交番一半,就俾咗個戶口叫我入, ...

你好,想問申請信點寫,想用每月收入晤狗生活費呢個理由留返雙糧,晤知批晤批

作者: mickey7100 時間: 2-1-2015 10:36
其實冇咩特別,好簡單咁寫有咩需要用呢筆錢,例如我就寫阿仔部電腦壞咗,整咗都捱唔得耐,想申請買部新既,又或者可以話洗衣機呀/雪柜等等需要更換,但當然睇番個外判批唔批,但試吓無防.

作者: queenielamok 時間: 2-1-2015 15:58
或者我講下我個case啦... 我2010年2月宣破... 4月主任通知我會判俾王+石... 8月外判先正式約見我... 傾左2次先傾得成生活費... 以下係我過去4年跟王+石的經驗：

1. 每月出糧要入錢去外判指定戶口... 之後fax出糧戶口紀錄 / 入數紙 / 每月供款表

2. 如有額外收入 (例如雙糧 / 花紅)... 可以先 fax "調整供款申請表" 去申請拎部份來用... 但我過去4年... 無論雙糧 / 花紅出幾多... 無論寫咩理由... 佢每次都只係批 $1000...

3. 但當年政府批錢 $6000... 佢批左一半... 即係 $3000 俾我用... 唔理你點用...

4. 我曾經試過屋企有維修... 情急之下拎左出糧的3-4千蚊... 之後申請分期還返俾佢... 佢ok...

5. 但亦曾試過... 想申請$2000換冷氣機... 填form去申請可否分期.... 佢都唔批...

6. 因為我由宣破... 直至去傾生活費... 中間有接近半年... 之前主任話我唔需要還錢... 咁我當然無留定錢... 但之後俾左外判跟... 佢就批我要還錢... 仲要追返過去呢半年的還款... 我曾經同佢拗... 亦曾要求分12期還返俾佢... 但佢最終只答應俾我分6期還...

7. 原則上最難捱係第一年... 因為好多都唔慣... 外判第一年亦會睇得比較緊.. 但之後3年... 就已經適應左佢做法... 時間亦好快過... 我上年2月已順利解破...

8. 只要記得每月準時交月報... 每年準時交年報... 出雙糧/花紅記得申請d來用... 4年好快過...

9. 原則上佢地會俾差唔多半個月時間你去入數... 我曾經試過月頭入左醫院... 過左月中都未入數... 佢會打電話來問... 我照直講... 佢都通情達理... 叫我出院先入返... 所以如果你一次半次遲左入錢... 唔好太緊張... 佢唔會秋後算帳... 但當然唔好次次都遲啦...

佢雖然出名叫"殺手"... 我亦曾經同佢拗到面紅耳熱... 嘈過幾次... 但正如以上所講... 都僅限於第一年... 只要俾同佢商討到一個合理生活費... 之後日子唔會好難過的...

祝各位好運！

作者: momo8wowo 時間: 2-1-2015 20:01
$1000....

好sad.....
農暦年前我會有佣金出,我既佣金係每年計,唔係每月出,我想問佣金係咪薪金既—部份?唔需要上繳?

作者: rose 時間: 2-1-2015 20:44
好開心,主任批左申請,雙糧全數保留自用

作者: momo8wowo 時間: 3-1-2015 07:44
rose, 恭喜哂,跟主任真開心

作者: queenielamok 時間: 5-1-2015 12:40

momo8wowo 發表於 2-1-2015 20:01
$1000.... 好sad.....
農暦年前我會有佣金出,我既佣金係每年計,唔係每月出,我想問佣金係咪薪金既—部份 ...

原則上所有收入都要申報，總之扣除生活費後，多出的金額都要上繳。如需用呢d錢就要先申請。有合理理由會批。
可能佢覺得我寫申請理由唔急切，所以只象徵性批$1000，或者你試下寫d急切理由去用呢筆錢，佢可能會批呢。始終王+石入面都有唔同人跟，或者你跟著個好人呢...

作者: sf17 時間: 5-1-2015 18:34
我寫左話就到農曆年需要封利是，買賀年野，佢覆返封信話唔係生活必須所以應該多數都唔批。。仲有寫要換電腦，買衣櫃。。但仲未知批唔批。。。樓上有朋友咁好嘅。。。全數批哂。。。好開心喎。。。不過我就覺得咁辛苦都係等年尾。。。出花紅明明啲錢係自己嘅，都要同人申請。。仲要未必批。咁實係好慘。唉!

作者: momo8wowo 時間: 6-1-2015 18:14
我到衣家仲未收到任何電話或者信件關於批唔批到, 大概要等幾耐?佢地用咩方式通知?

作者: mickey7100 時間: 7-1-2015 12:20

sf17 發表於 5-1-2015 18:34
我寫左話就到農曆年需要封利是，買賀年野，佢覆返封信話唔係生活必須所以應該多數都唔批。。仲有寫要換電腦 ...

其實相對以前出糧/出花紅既錢大部份都可能還哂俾銀行,可能有得用既錢仲小,所以依家已經唔算慘

作者: keing81 時間: 7-1-2015 13:03

rose 發表於 2-1-2015 20:44
好開心,主任批左申請,雙糧全數保留自用

請問你用咩理由申請啊, 我黎緊要要申請啊, 請指教

作者: dove00dove 時間: 7-1-2015 13:04

rose 發表於 2-1-2015 20:44
好開心,主任批左申請,雙糧全數保留自用

恭喜你！請問你將申請表點寫？

歡迎光臨破產聯盟 (http://hkiva.org/)