破產聯盟

標題: 解凍戶口 - "maintain the existing bank account"但唔比用提存款 [打印本頁]

作者: dove00dove 時間: 20-12-2014 02:34
標題: 解凍戶口 - "maintain the existing bank account"但唔比用提存款
本來上個禮拜頒令，點知自已check完幾次既form，英文地址門牌號碼寫少左個數字，即680寫了80，我真的XYZ自已。。。終於再宣過誓，等今個星期先頒令。

之前收左破署既信，話將會未安排到而將會安排兩個外判跟我，於是頒令後我即刻走去破處打內線搵主任，佢應承我收工前覆我。估唔到佢講到做到，五點半打黎話我知外判是誰，我當然立即打電話去約時間，之後交左解凍戶口文件，第二朝已經有信攞，做野好快！讚讚！

可惜好運唔係成日同我係一齊，我拿住信去大申銀行諗住解凍，個counter小姐都唔係好識，要fax封信上辦工室，點知辦工室條友有病，話封信只係比我"open / maintain the existing bank account"，冇話比我存款同提款，我即刻打比外判，佢話封信standard左，間間銀行都冇問題，叫我問下銀行想封信點寫，等佢地照版去出過封比銀行，點知銀行話要再商討，話下午覆我，點知到17:30都未收到電話。於是我打上customer service問，話仲未商討好，最快只可以星期一覆我。。。

咁大間銀行，唔好話我知未試過做解凍掛？我在呢度只聽過痕生處理解凍最耐，要去總行搞半個鐘，估唔到低處未算低，仲有D銀行搞standard野都要咁耐。試問如果"maintain"既意思只係解凍戶口，而唔比用提存款服務，咁"maintain"個戶口黎做乜野呢？完全冇common sense！

如果星期一都冇消息，我真係叫外判出過第二間銀行比我去強國銀行解凍算。。。

如果有師兄想去大申解凍，我覺得你真係要三思啦！

作者: flypig 時間: 20-12-2014 04:40
本帖最後由 flypig 於 20-12-2014 04:43 編輯

Maintain 一字，代表保持，但同樣代表保持戶口運作的意思。
銀行職員唔係唔識，抱住多一事不如少一事心態，唔做你生意姐。
呢d野好閒，一封fax去金管局，當日牙斬斬那一位職員就會收皮。去問是否maintain唔得，要提存字眼？何以其他銀行又可以？？？有無guideline???

作者: kungfu 時間: 20-12-2014 09:12
用resume好啲：open a new account / resume the existing account
maintain有只係唔好取消之意

作者: dove00dove 時間: 20-12-2014 12:12
Flypig，send去金管局是投訴還是問問題？

作者: lulumason 時間: 20-12-2014 14:06
我唸你是否去分行攪？我唸呢Ｄ野最好去總行攪因那裡精英云集經驗豐富Ｄ

作者: flypig 時間: 20-12-2014 21:43
Send 去問金管局表面問問題，叫佢 clarify.
.實際佢一答，只係搵下邊個party出錯。

作者: dove00dove 時間: 21-12-2014 21:19

lulumason 發表於 20-12-2014 14:06
我唸你是否去分行攪？我唸呢Ｄ野最好去總行攪因那裡精英云集經驗豐富Ｄ ...

唔關去分行事啦，雖然我唔知總行喺邊間(網頁冇寫)，但我去中環分行，都算大行，另外佢話佢fax左份文件上寫字樓(既行總行)處理，係上面寫字樓話要hold，所以先令我失望

作者: kumiko1030 時間: 22-12-2014 03:22
我嗰日去痕生解凍戶口，都唔使半個鐘，我嚮統一搞，五日後戶口運作正常了！

作者: dove00dove 時間: 22-12-2014 18:06
我今日再去問，佢話要過多幾日先得。。。。
我想知係咪間間銀行都要等成個星期先可以用？我以為是交完信就即刻用得？

歡迎光臨破產聯盟 (http://hkiva.org/)