破產聯盟

標題: 就 2009/4/24 銀行公會的兩項改善建議進行會員咨詢 [打印本頁]

作者: admin 時間: 25-4-2009 14:01
標題: 就 2009/4/24 銀行公會的兩項改善建議進行會員咨詢
就 2009/4/24 銀行公會主席王冬勝表示針對破產個案急增，將會提出兩項改善建議進行會員咨詢。

根據明報 http://hk.news.yahoo.com/article/090424/4/buka.html

銀行公會主席王冬勝表示，針對破產個案急增，他們提出兩項改善建議。

王冬勝表示，破產個案升至1872宗，是自2003年10月以來的新高，銀行公會提出兩項建議，幫助破產人士。

他表示，首項建議為債務重整試驗計劃，銀行將考慮在破產管理處，放置人手，協助申請破產人士，考慮其他債務重組方法，以免破產，但這涉及地方及人手問題。

王冬勝亦指出，考慮加快銀行與銀行之間的債務重組計劃，幫助涉及人士。

本聯盟歡近銀行公會主動提出建議。覽於來聯盟有超過 30% 新破產或短期想破產人士瀏覽及本聯盟為本港最大規模的破產人士之網上社區，本聯盟現希望各會員對銀行公會將會所提出的意見進行咨詢。本聯盟不排除以正式途徑，去信銀行公會表示我們的切身意見或與其他圖体就此作出回應。

請會員留下您的意見。

作者: gpo4074 時間: 25-4-2009 14:34
1. 如果銀行協助有需要人士申請債務重助,有關申請費用會否比申請破產所需的費用便宜?

2. 如果信用卡的利息仍然持續高水平,是否會增加申請破產的人數?

3. 銀行濫發信用咭正是促進破產人數不斷上升的主要原因.

作者: ely07 時間: 25-4-2009 15:48
最直接Cut數,盡加長年期...盡減還款利息,失業期間又如可........

作者: reborn 時間: 25-4-2009 16:10
標題: 回復 #3 ely07 的帖子
認同,　不過...幾間最大嘅啱啱年頭先襟住嚟搶,　出埋信同你玩ｓｈｏｗ　ｈａｎｄ,　話ｃａｒｄｈｏｌｄｅｒ可以唔跟佢哋加嘅息率...咁咪清晒啲數佢囉．．．．．

----------------

個人嚟講-已成事實,努力"渡"過呢四年!　共勉之!!!

作者: nokia 時間: 25-4-2009 16:16
標題: 回復 #2 gpo4074 的帖子
同意John兄說法：

1. 申請費用應比現行'破產"及"債務重組"費用為低
2. 利息是一個源頭，不斷"加信用額"亦是一個"凶器"
3. 為我們的下一代著想，懇請銀行"不要再濫發信用卡"....阿門

作者: admin 時間: 25-4-2009 16:45
致所有會員

因 admin 不熟悉論壇通知運作，可能令閣下電郵地址被爆光，本人為此道歉。

作者: admin 時間: 25-4-2009 17:18
我個人覺得：
1. 銀行會唔會對記錄良好而剛失業的客戶有不小於半年免息期或免還期
2. 破產管理署減低低入息人士，或剛失業人士減低收費，或以法援幫助
3. 銀行需效法馬會設立基金，去教育人去使用信用卡或理財
4. 立即停止向所有學生發信用卡
5. 政府需對學生進行審查，所有接受政府借貸的學生不得參予任何形式的投資活動

作者: admin 時間: 25-4-2009 17:28
我想幫助要針對：
1. 剛失業人士
2. 投資失利 (唔係投機)
3. 過度使用信用卡
4. 學生
5. 賭或投機

同埋，點幫助破產人士去面對生活問題
1. 點去申請，主要是錢問題，我覺得對象是一般人，點重有個萬幾去破產
2. 點樣重新建立理財方式
3. 點樣去重新生活，例如住屋，食，交通費
4. 銀行會否對完成破產的人士提供低額的信用卡
5. 好似馬會，銀行及投資公司需每年根據某比例提供一筆錢去教育人點樣為之投機，點為之娛樂

作者: roy 時間: 25-4-2009 18:12
1) 對失業人仕及短暫出現經濟有問題,而以往一直維持良好還款能力的人,銀行應推行空窗期,係依段期間,應給予他們有限期的優惠,例如停息及暫時停止償還min pay.以免他們雪上加霜,加快步入經濟困景.

2)重新審核銀行客戶信用咭的信貸限額,唔好再不斷提升信用咭限額.發現有問題客戶,應減低信貸限額,以免出現經濟危機.

作者: nokia 時間: 25-4-2009 18:18
標題: 回復 #7 admin 的帖子
Admin 大人

個人認為
政府可以做嘅係：
首先要"教導"市民如何"改善"先洗未來錢這個習慣，可先從教育(納入通識課題)著手，然後是媒體(包括電視、綱上、報章...等)，破產最大的"凶手"是自我管理習慣，銀行(信用卡)只是"凶器"，要正視問題，公民教育會是首要課題。

銀行可以配合嘅係：
推出不同型式的"預付卡"代替信用卡(當然，信用卡仍可保留但只供信用良好的客戶使用），
一方面可以"滿足"市民"look"卡嘅習慣及避免攜帶大量現金，另方面銀行仍可從商戶中獲取"利潤"。

以上純粹個人意見，如有得罪，敬請見諒！

作者: roy 時間: 25-4-2009 18:36
仲有一件事,係令到破產人仕全部人都非常不安的問題.

就係可唔可以向政府部門反應,當破產署發信通知比破産人仕時,可唔可以唔用印有破署管理署的信封,用普通政府信封.

話晒破產都係一件私人事,唔應該咁樣做.雖則沒有公開向其他人公開你是破產人仕,但係用印有破署管理署的信封,就等同公開咁濟,例如郵局人仕,郵差,屋企人收信先,亦會知道晒.

可唔可以向平等機會委員會反映下呢?

作者: gpo4074 時間: 25-4-2009 22:44
應該係去私隱專員公署反映.

作者: bb_q_888 時間: 25-4-2009 22:53
比面Admin(特登PM通知我)先發表意見,

講真早幾日見/知個新聞出...我第一時間覺得冇咩用,

因為D人去到申請破產,係破產署門日先話幫佢...有咩用?阻止D人破產---等追數上門?搵笨:)

想幫人不如早D...發信同D債仔傾下計.減下息.長D分期付款,

成日搵收數上門嚇人...

結果:

聰明D...破產

笨D...走佬

最傻...自殺

銀行真心想幫破產人士?不過為左盤生意

如果真係有心...就解除破產之後,取消黑名單...比我地從新做人.

作者: catcatchoi2005 時間: 25-4-2009 22:54
宜家先黎講 ? 遲唔遲d 呀?

我舊年10月, 就是比貴行迫爆廠, 我跪係度都唔用我傾

你d職員仲串過碼頭古里.... 宜家破左啦 , 工都冇埋, 牌又釘左

你話點幫 ???

作者: gpo4074 時間: 25-4-2009 23:04
標題: 回復 #13 bb_q_888 的帖子
取消左黑名單,即刻多左十萬八萬人申請信用咭.

作者: bb_q_888 時間: 25-4-2009 23:14
標題: 回復 #15 gpo4074 的帖子
你冇錢..冇工作...咪一樣唔批.

你都唔會想第二次破產,我亦相信銀行唔會咁笨批十萬八萬比你,

最多一萬二萬.

你唔想..都可以唔申請信用咭,

我只係想開戶口容易D,唔洗比人左查右查

[ 本帖最後由 bb_q_888 於 2009-4-25 23:17 編輯 ]

作者: ranger 時間: 26-4-2009 09:57
其實有好多人唔係想破產,只不過係銀行信用卡超高利息,本人有一些愚笨建議例如銀行應主動向那些面臨破產客戶(又其係超高利息的信用卡戶)提供4年免息或超低年息e.g. under10%的年息的還款方案同埋係這4年內暫時停止那些人的信用卡直至4年後所有債項還清,因我覺得其實有好多人想還,只不過係超高利息令人還不起莫講話4年,就算40年都未必還到,同埋唔好下下用收數,因為有好多人都係比收數逼到破產,重有要檢討發卡制度,因絕大多數銀行寄張預先批核卡只需簽回及確認可用,實在太濫了,如果銀行有商有量我想那會有這麼多人會破產ar??

作者: 小林林 時間: 26-4-2009 10:59
銀行公會咁講即係有意思想幫助未破產的人,而唔係幫助破產中及完左破產破產期的人!
我有無會錯意呢?

作者: 温sir 時間: 26-4-2009 11:38
同意小林林講，銀行公會目的都只係未破產人士！
且重點都只在於債務重組方法，根本主要都係為減輕銀行嘅業務損失吧！
早前講過，以每月1500人破產計，每單撇帳50萬，每年達到90億！在商言商，我諗要商家佬諗計就嘥氣。
我個人意見...強烈建議由政府成立"債務重組審計處"，由政府審核個別個案提供"低息債務一筆清"貸款，審批運作像破產處，還款計劃像強績金，申請費用列入還款額內，定額每月扣除，相信咁樣幫助最大，好過掉6000入強績金去益基金啦！

作者: bb_q_888 時間: 26-4-2009 13:48
講都尾銀行都係為左自己,幫助破產人士....去到破產署先幫?

到時可能你比左錢...有張表格先肯同債仔傾<都比左一萬破產表格>,

根本就係攪唔掂,最後一步...先會諗破產 <三分之一結局/結果>

你一失業...一毫子都無得還?冇咩好傾...即刻找收數同你傾計

銀行得把口講係無用,即減信用額或cut咭d人死(破產)得更快.

發現個客有問題咪專人打電話同佢傾傾<減下息/分期>

銀行之間合作,比債人有機會債務重組---減輕債務重組費用<免費更好>

香港人都唔想破產同走數,

不過而家經濟咁差...有咩辦法

作者: ely07 時間: 26-4-2009 14:11
知死呢.,包裝成糖衣毒藥(送上門的批核信貸額),而家貓哭老鼠假慈悲,我們受夠啦.

作者: gpo4074 時間: 26-4-2009 14:14
依家市道差成咁,信用咭呢隻鑊遲早爆煲,到時肯定吾只每年2萬人去破產.

作者: 華女 時間: 27-4-2009 12:26
而家係銀行自己心慌,吾知仲有幾多人要申請破產,根本吾係想幫破左嘅人,而係想幫銀行,分分鍾佢地

宜家已經有左對付想申請破產人事.(有陰謀論)

作者: gpo4074 時間: 27-4-2009 12:47

原帖由華女於 2009-4-27 12:26 發表
而家係銀行自己心慌,吾知仲有幾多人要申請破產,根本吾係想幫破左嘅人,而係想幫銀行,分分鍾佢地

宜家已經有左對付想申請破產人事.(有陰謀論)

一d都吾出奇.

話吾定第日會有黑手去打擊破產聯盟,或有駭客入侵破產聯盟的伺服器.

又或破產聯盟被標籤為非法組織,或者到時破產聯盟會改為地下運作模式.

作者: 小人物 時間: 27-4-2009 13:08
如果要傾,首先一定要各大銀行,財仔自己有個共識先,
邊d條件既客可以幫
仲一定要有一個援衝期(例如三個月至半年先開始還第一期)
仲要低息長還款期,
因為依家都唔會係單一銀行問題,
通常都有幾間銀行同財仔一齊,
如果各自去傾,
根本就解決唔到問題,
其實講到尾,d銀行邊係幫人減少破產吖
佢地只係想減輕自己既損失啫

作者: gpo4074 時間: 27-4-2009 13:12
等到銀行公會成立一個組織來協調債仔與各大財務機構,到時都吾知有幾多人已經申請左破產.

作者: 小人物 時間: 27-4-2009 13:34

原帖由 gpo4074 於 2009-4-27 13:12 發表
等到銀行公會成立一個組織來協調債仔與各大財務機構,到時都吾知有幾多人已經申請左破產.

依家係驚佢地把口就話幫忙，
而事實係收風睇吓邊個唔掂，
即時加強追數既行動咋！

作者: ely07 時間: 27-4-2009 14:56
追數行動升級才真,冇人肯做雷曼苦主.某大銀的私人銀行部再冇金可掘,唯有博命翻舊賬,抓得幾多就幾多,好過渣都冇埋

作者: 小人物 時間: 27-4-2009 15:44

原帖由 ely07 於 2009-4-27 14:56 發表
追數行動升級才真,冇人肯做雷曼苦主.某大銀的私人銀行部再冇金可掘,唯有博命翻舊賬,抓得幾多就幾多,好過渣都冇埋

好認同你既講法

作者: calendar 時間: 27-4-2009 22:25
銀行為咗盤生意，不斷叫人借錢，又預先批核，信用額重越加越大，隨時都十萬八萬。一時唔小心就落叠高息陥阱，根本就係銀行推出嘅屎橋。而家見多咗人破產收唔翻本就叫人唔好攪破產。倒不如降低債務重組嘅費用，凍結利息半年至一年，拉長還款期及減小收數佬滋擾，等債仔有時間回氣，好過一拍兩散。

作者: calendar 時間: 27-4-2009 22:26
標題: 回復 #7 admin 的帖子
銀行為咗盤生意，不斷叫人借錢，又預先批核，信用額重越加越大，隨時都十萬八萬。一時唔小心就落叠高息陥阱，根本就係銀行推出嘅屎橋。而家見多咗人破產收唔翻本就叫人唔好攪破產。倒不如降低債務重組嘅費用，凍結利息半年至一年，拉長還款期及減小收數佬滋擾，等債仔有時間回氣，好過一拍兩散。

作者: calendar 時間: 27-4-2009 22:42
標題: 回復 #7 admin 的帖子2
補充小小，如果聨盟出頭梗係好啦，話曬都有集体談判權，人多講嘢都大声D，而且破產人仕最清楚需要D乜。但係人地財雄勢大未必同你傾，重可能駛橫手。一定要有政府人同議員代表先至可以傾，小心D好。

作者: bb_q_888 時間: 27-4-2009 23:44
標題: 回復 #32 calendar 的帖子
我覺得有咩好傾?有人問我地咩?

銀行要"做蘇",咪由佢....表演下.

睇下點?

作者: 一怒殺龍手 時間: 28-4-2009 00:03
銀行公會主席王冬勝表示，針對破產個案急增，他們提出兩項改善建議。

王冬勝表示，破產個案升至1872宗，是自2003年10月以來的新高，銀行公會提出兩項建議，幫助破產人士。

他表示，首項建議為債務重整試驗計劃，銀行將考慮在破產管理處，放置人手，協助申請破產人士，考慮其他債務重組方法，以免破產，但這涉及地方及人手問題。

王冬勝亦指出，考慮加快銀行與銀行之間的債務重組計劃，幫助涉及人士。

睇完後真係悲憤莫名  只有四個字假仁假義

旗號夠大鑼鼓夠響  協助申請債務重組以免破產何其偉大

我呸!! 銀行賤狗少跟我們來這套  弄致今天是誰做成的?

1. 是誰在逆境下把信用卡息率推至年息48厘 ?

2. 是誰在市道低迷下要欠債人馬上清還所有欠款  而幾呼沒有商量餘地?

3. 是誰找來收數賤狗無所不用其技日以繼夜滋擾欠債人?
[為何不採取正當而合法的法律行動]

4. 是誰不依法章濫將收數費用同時駕於欠債人?
[別以為你們的合約寫下轉駕就將該費用轉給消費者你們以為你們的合約可凌駕法例嗎?]

5. 所謂的債務重組你們的代表說穿了連半點誠意都沒有  基本的生活費都想扣減還得以收低息還多於60期以上  去你的重組

我說啊  銀行賤狗你們就不要來這套  什麼銀行之間的債務重組就不怕笑掉別人的牙嗎你都當我們是白痴啊?

老實點講呆壞帳大幅颷升發業績報告時要大幅撇帳令股價下滑評級被降  別說成自己這良心企業草泥馬聽到也想吐

我就拜托你別不要臉地說想幫助欠債人  把你們的收數狗拖回去吧認真而有誠意地協商吧

我就告訴你們  收數賤狗一出我一塊都不會還不要說什麼休麼費用誰要跟你玩重組寧為玉碎不作瓦存

現在大家想法都一致了我們寧可破產都不會跟企圖以不合法收段收數的賤銀行與其賤狗收數有一分一毫的進帳

弄致今天還不是你們一手造成今天卻來假惺惺作態一副臭奸商慈悲咀臉

作者: ely07 時間: 28-4-2009 10:07
沒有昨日的因,那有今曰的果,惡性遁還,基麽盾還再借,,一百幾拾都不放過,再勿再愚弄.再玩報警

作者: zbridgehead 時間: 29-4-2009 22:35
同阿bb_q_888一樣，比面Admin(特登PM通知我)先發表意見,

王X勝有個親戚走數，佢都俾收數佬攪左好耐!

條友係到狗up，做show，要幫都唔應該等個客去到破產處門口先致幫啦？個腦裝屎架！係幫就早o的，只要將個信用卡利息減到變成P+1%咪幫到所有人羅！

作者: gpo4074 時間: 30-4-2009 00:05
P-5%會好D

作者: zbridgehead 時間: 30-4-2009 09:21

原帖由 gpo4074 於 2009-4-30 00:05 發表
P-5%會好D

P-5%又唔得，你都要俾銀行有錢賺先得架！發一張卡俾個客，由收到你張申請表開始計，到您第一次用太約要成本 $3,000元，外國利息都係收十幾厘喳！香港銀行賺咁多都裁員，正仆街！

作者: civetkc 時間: 30-4-2009 17:41
『銀行公會主席王冬勝表示，針對破產個案急增，他們提出兩項改善建議。
王冬勝表示，破產個案升至1872宗，是自2003年10月以來的新高，銀行公會提出兩項建議，幫助破產人士。
他表示，首項建議為債務重整試驗計劃，銀行將考慮在破產管理處，放置人手，協助申請破產人士，考慮其他債務重組方法，以免破產，但這涉及地方及人手問題。
王冬勝亦指出，考慮加快銀行與銀行之間的債務重組計劃，幫助涉及人士。』

我都唔知究竟王冬勝先生想做D咩野？請問佢以上既兩點建議如何幫助破產人士呢？既然已經破咗產，又何需要接受佢既所謂銀行既怎麼重組計畫呢？佢既建議，極其量係幫助果D準備去攪破產既人士。但係攪債務重組唔係話咁易，一定要有番咁上吓既穩定收入同還款能力，可以支付每月既還款，但係當你有咁既還款能力既時候，你必然唔會走最後一步棋(破產)啦！人就係咁衰，臭屎一定密冚，一定係行得一步得一步既心態，爭銀行卡數唔想比屋企人知，借上借、卡冚卡係必然既，到後來10個煲2個蓋，點冚？卒之咪爆煲囉！到時已經泥足深陷了......因此奉勸一些還未走投無路的人士及早回頭，如果個人唔能夠解決的話，千祈唔好去賭去搏去借，借上借、卡冚卡.....死硬，應該坦白告訴家人，盡早同家人商量，一定可以解決問題的，否則後果會嚴重千百倍！切記！

所以我覺得王先生既建議對我地D破產人士都係無咩幫助！

作者: ~長空~ 時間: 12-5-2009 23:51
王生只係想減少銀行既壞賬,
但就美其言幫助準備破產既人士,
點解佢又唔提下信用卡息口實在太高直接減息,
佢呢招真係高吖,
想要幾漂亮有幾漂亮~

神又係佢鬼又係佢

作者: reborn 時間: 13-5-2009 21:37
標題: 回復 #40 ~長空~ 的帖子
er.........未必神又係佢鬼又係佢嘅....至於其它嘢都讚同!

作者: admin 時間: 13-5-2009 22:45
有意見就快講啦。

作者: zbridgehead 時間: 19-5-2009 16:24
經常性以min pay 金額找數嘅客户係銀行的priority customer，只係還min pay 先至可以盡賺利息，找全數咪無錢賺，信用卡係一種包裝左既合法大耳窿！

歡迎光臨破產聯盟 (http://hkiva.org/)