破產聯盟

標題: 我的故事 [打印本頁]

作者: hohochi 時間: 20-6-2014 21:55
標題: 我的故事
我的故事
本人於上年12月在一個交友網上認識了一些人，認識了不久交換了LINE，傾了段短時間，就同我說她需要周轉，話很快會還給我，一直透過該網站的類似點數金幣的功能刷卡借錢給他，初時幾千幾千地借，在短時間內越滾大，因為是透過信用卡付款，於是我就借私人貨款，搞到卡數同私人貨款加埋成30幾萬，他們又一直沒還我錢，我每次追還錢都說事情未搞好沒錢還，一係放我飛機，我亦知道”財到光棍手”都追不回，於是我做埋兼職，這份兼職我在2月開始上班，天天都上班，兩份工加埋一個月上差不多300幾工時，好久沒正式放假，但都還不起MINPAY，所以今個月十號我就做了破產呈請。現有2個問題想問 : 1)我會不會給銀行或財務公司告我詐騙?

作者: manbomfy 時間: 21-6-2014 22:23
你網上識人,就借左比人30幾萬????

作者: hohochi 時間: 21-6-2014 23:43

manbomfy 發表於 21-6-2014 22:23
你網上識人,就借左比人30幾萬????

借下借下唔多覺，初時一千幾百咁借，再加上利息就咁了....

作者: hohochi 時間: 21-6-2014 23:53
我都知自己ON9

作者: alan1872333 時間: 22-6-2014 00:40
是不是女?

作者: masaki 時間: 22-6-2014 00:46
有無報警？？

作者: hohochi 時間: 22-6-2014 00:56

alan1872333 發表於 22-6-2014 00:40
是不是女?

估中

作者: hohochi 時間: 22-6-2014 00:57

masaki 發表於 22-6-2014 00:46
有無報警？？

一直未報警,知道作用不大

作者: manbomfy 時間: 22-6-2014 01:20

hohochi 發表於 21-6-2014 23:53
我都知自己ON9

好誇張下.....

作者: hohochi 時間: 22-6-2014 01:30
本帖最後由 hohochi 於 22-6-2014 01:35 編輯

manbomfy 發表於 22-6-2014 01:20
好誇張下.....

我當時真心相信她係一時周轉唔尼，依家睇番只是個局，當時是她打電話來留言哭哭啼啼又話去跳樓，我就心軟了。

作者: flypig 時間: 22-6-2014 09:25
報警未必唔得番﹐不過都叫呢班人下次唔好害人。
警察用月ip 去跟。好多時跟到﹐如果係本地人。如果
係外地﹐就不易。
但報警對你有好處﹐因為用半日時間﹐求個心安。

法官庭上問你﹐點解唔報警?? 你咪口啞啞!!!!!

作者: 笨笨狼 時間: 22-6-2014 14:57
本帖最後由笨笨狼於 22-6-2014 15:03 編輯

報警會是一個重點, 因為所有支出流向, 破產原因都在報警裡面了,
而且, 你還可以解釋, 在申破前她們仍在騙你, 你在沒有辦法之下才申請破產.
還有, 因為她們不是仍在拖延你嗎? 所以現在去報警, 仍然有合理的時效性.

如果警察追回部份金錢, 你就不用還那麼多了. 如果全數追回, 你根本不用破產了.
她們是騙子, 你又可必為她們仁慈, 而自己背上責任????????
給了別人機會, 自己就沒有機會了.
(以前我就是仁慈, 一直為家人, 最後落得老破結局, 有事後是沒有人可憐你的.)

如果不報警, 因為你一直借款, 就沒有破產的理由,
法官可能不會給你破, 甚至於會告你刑事, 騙銀行錢破產......

作者: 301 時間: 22-6-2014 15:55
唉！簡直不可思議！

但仍主張報警，
除有機追揖壞分子外，
保障自己更重要。

財務機構當然有機會告你詐騙。
申破後亦會被追問貸款去向。
請今後慎重考慮。。。。

作者: flypig 時間: 22-6-2014 16:21
案例...由於法官唔信申破者古仔,結果申破失敗.
其他案例得知,只要你唔係詐騙,即人地無證無據你行騙.大不了緩刑.
但唔俾老破就非常之大鑊同麻煩.所以,建議樓主請假去報警.
如果警方食案,即要你.你起碼要備案.上到庭再同法官講.咁申破多數成功.

(1) 個案一: 欠債人因借錢給一位有問題賭博的同事而申請破產。

當事人欠五間銀行及財務公司共約20多萬元而申請破產，原因是去年他的一位共事五年的同事之兒子(也是他的同事，不足一年) 因在澳門賭博欠大耳窿錢被押品香港，急需金錢解決，而向當事人求助，當事人沒有多少儲蓄，後來向不同的銀行及財務公司代同事舉債，同事答應每月直接代案主供款。事後，同事父子雙繼離職，亦沒有再作每月供款(案主多次追回欠債不果) ，案主負擔不起債務及生活費而申請破產。

法官表示對此事無法理解，為何案主會為此同事舉債，亦無法相信此同事兒子可以在澳門輸掉20多萬而欠大耳窿錢。

法官判決此宗破產申請失敗，除非案主能有足夠証據証明他已多番及用盡方法向同事追債而確實無望追回，才可再次申請(我們暫且不懷疑此案主陳述的真實性)。

作為一個問題賭博導員，我真想告訴法官這是我們每天都可能踫到的事情，須然在人世間可說是匪疑所思，但在問題賭博個案中卻是十分普遍。比如，一天之內在澳門輸掉幾十萬是常有發生的事，我甚至有求助者一次去澳門(二日一夜) 輸掉近200萬，一次輸掉幾十萬也大有人在。

對於親人或朋友中間的賭債救急借款也是司空見慣的事，最誇張的一個個案，家人前後把兩個物業賣掉(約共700萬) 為賭徒還債。

我衷心明白法官會覺得以上都是匪疑所思的事情，但這是受問題賭博困擾者的真實。

作者: 冰山雪蓮 時間: 22-6-2014 23:40
肯定系女啦！吾系点会心軟？

作者: hohochi 時間: 23-6-2014 02:33

笨笨狼發表於 22-6-2014 14:57
報警會是一個重點, 因為所有支出流向, 破產原因都在報警裡面了,
而且, 你還可以解釋, 在申破前她們仍在騙你 ...

借款同信用卡基本上係今年1月已經停了，過去幾個月都只得供款同還MINPAY

作者: flypig 時間: 23-6-2014 10:02

301 發表於 22-6-2014 15:55
唉！簡直不可思議！

但仍主張報警，

好多年前睇過倪匡定蔡瀾的一篇文章. 佢話香港第一個出呢條橋去呃仔係50年代.
有一個中年男子,周圍同人做筆友. 專寄D 架妹相當係自己. 寄埋D 性感相.後來搵到個大戶,係美國人.
佢寄左一幅相係露兩點,話作為亞洲人係非常保守,俾得你見,就當你係老公.美國佬呢時谷精上腦.佢就話
想去美國結婚,
美國人寄筆錢俾佢.

當然收了錢,大家失聯.
美國佬都仲未識嬲,反而好驚,驚條女有事.於是專登飛黎香港搵條女.
報完警,查完案,發覺佢係一個男人.

就此以後,呢D 手法一直存在.台灣更多人領野.男的女的都一大堆.

作者: 笨笨狼 時間: 23-6-2014 11:35

flypig 發表於 23-6-2014 10:02
好多年前睇過倪匡定蔡瀾的一篇文章. 佢話香港第一個出呢條橋去呃仔係50年代.
有一個中年男子,周圍同 ...

師兄, 愛情是盲目的, 希望愛情是盲目加聾啞的..........

據聞, 這些的兇手緣頭是大陸, 當台灣人到大陸投資失敗後, 沒有面目回台, 就和大陸騙他們的人合作, 再去騙更多的台灣人, 現在跨國集團已經是企業化, 擁有完善的流程和銷售公式, 還有嚴重的業績壓力.........

到底多少人會相信這些故事呢? 真相是有很多很多, 兇手遍佈全球不分國籍. 暫時我聽過有兩國比較出名的, 一個是一位IT工程師, 相信在網上認識的女生, 只約過一次見面, 女生還把自己包裹像中東女生, 理由是怕陽光, 之後男生就把女生當女友, 那女生就以投資為名, 要求男生去買產品, 男生就帶女生去銀行, 一次借了約二十萬港幣現金交給女生, 至此, 女生拿了錢就不再出現了.

而另一名是一位女博士, 也是在網上認識了一位美國人, 自稱是FBI頭頭, 要和她結婚, 最終被騙了好像有近百萬港幣, 而全世界都看到她被騙了, 不過當事人仍然相信那位美國人, 還出書為他說話........

至於最嚴重的騙案金額大約是過千萬, 而最多騙子的網站是一個叫"愛情公寓"的地方. 至於被騙者學歷和職業反而是有中上收入的專業人士和高學歷的人居多.

作者: 笨笨狼 時間: 23-6-2014 11:58
本帖最後由笨笨狼於 23-6-2014 12:00 編輯

hohochi 發表於 23-6-2014 02:33
借款同信用卡基本上係今年1月已經停了，過去幾個月都只得供款同還MINPAY

樓主不是說過仍有和對方聯絡嗎? 不過我有點好奇.

1) 為何她要的是點數, 只有網上集團才會要求大量點數, 因為轉手比較易, 證據比較難抓.

2) 為何她仍會有和樓主聯絡, 一般騙子除非你是有不斷的錢可騙, 不然還不會越早消失越好嗎?

3) 除非你們認識很久? 還是她們也是被害人, 最終變成騙上騙的局了?

感覺樓主是不想而對問題, 也不想找尋真相, 也不想報警, 只想用破產來解決問題而已.
如果真的沒有看錯, 你仍可以去申請, 成功的機會是五五波, 因為最少你不是借了即破,
最少你有供款, 可是只有MINPAY的話, 在欠款來說等於沒有還過. 真正要快點解決問題.
不過欠數卻不夠一年, 九成都會被追究原因, 而你的原因, 在法律上是站不住腳的.
(所以各位師兄姐才提議你報案, 當然路是你自己選的, 大家只是給你一個意見而已.)

最後, 也希望你可以順利解決這次的難題..........記得, 單是說說問題解決不了, 要有行動才可以.
成不成功, 就要看你自己選擇的方式是否用對了. 還有, 要當好人也要學會先保護自己.

作者: hohochi 時間: 23-6-2014 14:21

笨笨狼發表於 23-6-2014 11:58
樓主不是說過仍有和對方聯絡嗎? 不過我有點好奇.

1) 為何她要的是點數, 只有網上集團才會要求大量點數, ...

我估要金幣係因為可以轉手快。我也不知點解一時時還可以搵到她們。唉,我只係覺得好煩，不想面對，只選擇正職一收工，就直接返兼職。我也一直想做兩份工還錢，可惜一張卡取消要還全數，先至破產，我填28C時都填左一個月還6-7000。

我應該明日收工去警局備案先。

作者: flypig 時間: 23-6-2014 14:50

hohochi 發表於 23-6-2014 14:21
我估要金幣係因為可以轉手快。我也不知點解一時時還可以搵到她們。唉,我只係覺得好煩，不想面對，只選擇 ...

其實好多受害人都因為驚俾人笑而唔報案.

上年有一單更離奇,事主係老者,接到電話,指出其兒子借了一筆數,要轉帳.當時仲聽到有人慘叫.
過完數坐定定,事主想起,原來自己沒有兒子

其實呢D 騙案周圍都有,根本大把.台灣多係有條女打電話,MAKE FD 後就話俾人控制迫佢賣淫.
另一招係呃D 兵哥投資骨灰UM.

今次當俾你一個教訓....我一直見到咁多人領野,分析係通常睇多D 報紙,新聞D人比較理解社會運作.
巴打不妨養成睇報紙新聞習慣.下次騙徒有新招都識妨.

作者: hohochi 時間: 23-6-2014 15:02

flypig 發表於 23-6-2014 14:50
其實好多受害人都因為驚俾人笑而唔報案.

上年有一單更離奇,事主係老者,接到電話,指出其兒子借了一筆數, ...

我係怕煩、怕無人信兼知道作用不大，十年前都試過俾朋友借完消失，當時亦問過即使報警都無用，要自行高院民事訴訟或者小額錢債，就後都不了了之。今次還要是網上誇境應該都作用更不大。或者係我太易信人，又不復輸心態累事。

作者: flypig 時間: 23-6-2014 19:31

hohochi 發表於 23-6-2014 15:02
我係怕煩、怕無人信兼知道作用不大，十年前都試過俾朋友借完消失，當時亦問過即使報警都無用，要自行高院 ...

借錢俾朋友,係預左收唔番架.呢單野分別在於,你唔報警,法官一個唔俾你老破,
你就企左係度...

報左警,法官只有假設你俾人呃..... 你可以順利申破而無手尾,呢點先係最重要.

萬一差佬想食案,你千祈千祈堅持,起碼要備案.到時法官問到,你都有張備案紙

作者: hohochi 時間: 23-6-2014 19:41

flypig 發表於 23-6-2014 19:31
借錢俾朋友,係預左收唔番架.呢單野分別在於,你唔報警,法官一個唔俾你老破,
你就企左係度...:dizzy ...

明白,我都但求一張備案紙，當真係立到案都好破到案架機會都好微。

作者: flypig 時間: 23-6-2014 20:05

hohochi 發表於 23-6-2014 19:41
明白,我都但求一張備案紙，當真係立到案都好破到案架機會都好微。

備案紙當然無落案紙咁好...
因為法官會問你點解唔報警,你一答唔到就衰左....
如果係你想落案但警方不受理,就HK POLICE 領到應.
相反,如果你一去到就話要備案,咁責任係你度....

作者: hohochi 時間: 23-6-2014 20:24

flypig 發表於 23-6-2014 20:05
備案紙當然無落案紙咁好...
因為法官會問你點解唔報警,你一答唔到就衰左....
如果係你想落案但警方不受理 ...

入到去報案室應該同報兄講，我想報案

作者: Heihei 時間: 23-6-2014 20:59
你由幾時開始覺得比人呃? 你入紙前有無報警? 如果無你個CASE好難令人信服。

作者: Heihei 時間: 23-6-2014 21:04

hohochi 發表於 22-6-2014 00:57
一直未報警,知道作用不大

報警既作用唔係追返D錢，而家你有無機會申請到破產呢.....你申請人地唔係一定批。

作者: hohochi 時間: 23-6-2014 21:05

Heihei 發表於 23-6-2014 21:04
報警既作用唔係追返D錢，而家你有無機會申請到破產呢.....你申請人地唔係一定批。 ...

申請左等上庭中

作者: Heihei 時間: 23-6-2014 21:05

hohochi 發表於 22-6-2014 01:30
我當時真心相信她係一時周轉唔尼，依家睇番只是個局，當時是她打電話來留言哭哭啼啼又話去跳樓，我就心軟 ...

有無出黎見過面? 如果見都無見就無左30萬，又真係幾.....ON......

作者: hohochi 時間: 23-6-2014 21:10

Heihei 發表於 23-6-2014 21:05
有無出黎見過面? 如果見都無見就無左30萬，又真係幾.....ON......

我知我ON

作者: Heihei 時間: 23-6-2014 21:11

hohochi 發表於 23-6-2014 21:05
申請左等上庭中

上庭個時先知個官批唔批你。

作者: Heihei 時間: 23-6-2014 21:14

hohochi 發表於 23-6-2014 21:10
我知我ON

快D去報警啦，如果唔係被破署反告你，你仲大鑊。

作者: hohochi 時間: 23-6-2014 21:30

Heihei 發表於 23-6-2014 21:14
快D去報警啦，如果唔係被破署反告你，你仲大鑊。

我有想過到時一死算，很煩

作者: Heihei 時間: 23-6-2014 21:35

hohochi 發表於 23-6-2014 21:30
我有想過到時一死算，很煩

當30萬買個教誨啦，只要去報警再過四年咪又一條好漢。真係唔係好明你有勇氣去死點解無勇氣去報警呢？

作者: Heihei 時間: 23-6-2014 21:37

hohochi 發表於 23-6-2014 21:30
我有想過到時一死算，很煩

呢到有人條數幾百個都無話要去死，畢業之後一身輕鬆。

作者: hohochi 時間: 23-6-2014 21:39

Heihei 發表於 23-6-2014 21:35
當30萬買個教誨啦，只要去報警再過四年咪又一條好漢。真係唔係好明你有勇氣去死點解無勇氣去報警呢？ ...

日日返工，諗住明晚去報

作者: Heihei 時間: 23-6-2014 21:42

hohochi 發表於 23-6-2014 20:24
入到去報案室應該同報兄講，我想報案

你要準備好你幫佢買點數嘅證據，追唔到個人都起碼知你無講大話。

作者: Heihei 時間: 23-6-2014 21:47

hohochi 發表於 23-6-2014 21:39
日日返工，諗住明晚去報

攞d勇氣岀黎，keep起line嘅記錄。唔好再拖，越拖得耐個官好難信你呢。

作者: hohochi 時間: 23-6-2014 21:56

Heihei 發表於 23-6-2014 21:47
攞d勇氣岀黎，keep起line嘅記錄。唔好再拖，越拖得耐個官好難信你呢。

LINE紀錄好多都無晒,我轉個電話，PAYPAL紀錄就岩岩PRINT番出尼

作者: Heihei 時間: 23-6-2014 22:01

hohochi 發表於 23-6-2014 21:56
LINE紀錄好多都無晒,我轉個電話，PAYPAL紀錄就岩岩PRINT番出尼

有幾多比幾多啦，盡地一鋪，good luck at Ching

作者: flypig 時間: 24-6-2014 08:08

Heihei 發表於 23-6-2014 22:01
有幾多比幾多啦，盡地一鋪，good luck at Ching

呢D 報左案,個官通常都會俾番個 benefit of the doubt 事主.
係呀!!! 如果以前XX金,通常俾得幾十個,點都有得執番一兩劑架.

但宜家騙子連見個樣都省番,科技方便左佢地呃人

作者: hohochi 時間: 2-7-2014 15:32
報案唔成功，話係個人錢債問題不受理，不肯落案及備案，還叫搵律師

作者: 笨笨狼 時間: 2-7-2014 16:42

hohochi 發表於 2-7-2014 15:32
報案唔成功，話係個人錢債問題不受理，不肯落案及備案，還叫搵律師

在食案...........

作者: flypig 時間: 2-7-2014 17:43

hohochi 發表於 2-7-2014 15:32
報案唔成功，話係個人錢債問題不受理，不肯落案及備案，還叫搵律師

無問題,你上到庭,如果法官有任何質疑,你就講番幾月幾日上過邊間差館. 記住LINE D RECORD 都要
COPY 埋以備隨時有用.
當然,如果你有埋當時阿SIR 個NO. 就更加好.

佢食案原因係唔想做.其實好多去大海俾大耳LOAN 追/呃 D 案都好易俾人食左.佢地講法係除非有
人淋火水,7油 ETC 先去落案.
呢單野好明顯係差佬唔想煩.因為對方以虛假理由叫你過數(MOST LIKELY),已經犯法.

如果法官要追究,呢班差佬可能有手尾.

作者: hohochi 時間: 4-7-2014 16:15
我都希望順順利利,然後過埋呢4年

歡迎光臨破產聯盟 (http://hkiva.org/)