破產聯盟

標題: 新人考慮中, 求指點 [打印本頁]

作者: 山崎 時間: 12-5-2014 15:23
標題: 新人考慮中, 求指點
小弟行年31, 已有妻, b仔黎緊7月出世, 月入萬5, 老婆月入萬2....
自身4張卡欠十幾萬卡數(其中有十萬係現金套現) + 仍有35期渣打貸款(每期hkd3773, 若13萬未還), 家用無左4千5, 近幾個月開始真係剛剛好夠俾家用同還錢, 完全無剩, 我無俾老婆知, 唔想佢擔心而影響到bb, 請求教謝謝....

我應該點做好, 哩幾個月為左B仔0既野已經感到疲勞, 個個月都剛剛好, 而家都係靠賣我之前儲落GE心頭好過....而家已經應使則使, 咩都計過度過先, 連老婆都話我計較左好多....
係唔係破左會好D? 定係經什麼債務重組? 仲有無其他路徑尋求解決方法?

作者: 笨笨狼 時間: 12-5-2014 15:52
樓主的總欠款大約是二十至三十萬了, 其實對樓主最大壓力是來是信用卡的現金借款,
因為如果一天不還光, 只交最低付款, 就會出現利上加利的情況,
以香港信用卡現金借款的利率, 只要三至四年欠款就會倍增.

從樓主的角度去想:
1) 試申請低息分期來還清現金卡數, 千萬不要再用信用卡的現金卡數了.
2) 和銀行討論重組卡數, 把卡數轉為分期數.
3) 申請債務重組.
4) 最後一步棋就是破產.

首先樓主的工作是什麼行業, 有些工作是會因為破產就會不能做的.
另外, 就是要先預估不同情況, 你需要承擔的還款額,
比方, 就以破產為例, 因為你是一家三口, 兩口子有工作, 所以申請破產未必是最有利的.
因為在生活費方面, 會預算你太太的一份, 即是基本的開支都是對分,
所以, 如果你選擇老破, 可以申請到的生活費會比一般申請人少,
那麼要上繳的每月還款金額, 也有可能會超過每月六/七仟以上了,
而年終也會上繳........., 因為破了產, 你的資產及收入都要交受託人處理.
(因為資料不足只能大約預估....., 比方每月的生活支出.....)

大肚婆皮氣會差一點的, 未來又要照顧小寶寶, 自然會有壓力,
至於樓主未來壓力肯定會不少, 不過如果不小心步處, 壓力反而不減而增加.

作者: 山崎 時間: 12-5-2014 16:07

笨笨狼發表於 12-5-2014 15:52
樓主的總欠款大約是二十至三十萬了, 其實對樓主最大壓力是來是信用卡的現金借款,
因為如果一天不還光, 只交 ...

我做SHIPPING的,

銀行討論重組卡數, 把卡數轉為分期數 <= 直接打去銀行傾? 間間銀行都可以?
其實我自己有留意過低息分期 (未申請, 想問下大家意見先), 借廿萬, 分72個月....每個月都係還3千, 加埋3773, 每個月都係還7千左右, 總比我而家5千幾MIN PAY + 3773好....

作者: 301 時間: 12-5-2014 16:15
建議樓主坦誠與內子商量一下，
現況未致於申破地步。

如你自辦好申破或重組，
稍後妻子才知悉定興問罪之師！
關係肯定負面流向。
祇供參考，
請全面衡量為盼！

作者: 笨笨狼 時間: 12-5-2014 16:19
本帖最後由笨笨狼於 12-5-2014 16:24 編輯

山崎發表於 12-5-2014 16:07
我做SHIPPING的,

銀行討論重組卡數, 把卡數轉為分期數

嗯, shipping工作對老破沒影響, 可以安心, 多一條路選擇.

銀行討論重組卡數, 把卡數轉為分期數 <= 直接打去銀行傾? 間間銀行都可以?
是, 直接聯絡銀行討論, 也可以商討一次過貸款把所有卡數先還清.

其實我自己有留意過低息分期 (未申請, 想問下大家意見先), 借廿萬, 分72個月....每個月都係還3千, 加埋3773, 每個月都係還7千左右, 總比我而家5千幾MIN PAY + 3773好....
個人認為, 這個方法最行得通, 因為只要分六年, 而且渣記的3仟7, 你大約四年內就可以清掉,
剛好阿B開始讀書, 又可以多點錢交學費. 不過, 有一點你可以考慮的, 就是申請了, 就先還光卡數,
而且要把最大額的兩張卡取消掉, 不然, 人會有依賴, 當不夠錢又會打卡的主意.
這四年是比較辛苦的日子, 不過這樣還, 又不用信用破產, 另外還款額可能比破署的重組和老破更少.

而且, 最大的好處是不用和太太有爭執, 正如301版大所言,
選了破署的重組和老破就要和太太商量, 因為家是你們兩人的.

作者: flypig 時間: 12-5-2014 16:23
樓主兩個問題,一係CARD的利息太高.如CHING 所言,申請搞結餘轉戶.至於債務重組,失敗率不低,成本太高.個人認為搞唔過.因為佢又收
手續費,6C費ETC. 萬一俾人炒魷,仲衰過早破得多.
第2個係你入不X出,你都係頂唔順.宜家D野愈黎愈貴.照睇樓主度橋轉工(同一行),搵PART TIME 如9會等.....

作者: keith 時間: 16-5-2014 11:26
你好，我都係在破產期間b女要出生喇，現時我已過解破了，個人意見我就是因為破產左，
所以到現在同老婆都仲未去註冊結婚，希望樓主你諗清楚，破產條路真的不易行上邊ching
都有提到你如搞左破產都要還錢，係因為你的支出係計你同老婆對分的，所以好大機會要還錢
所以我都好希望你可以唔選擇破產這條路，我破產時係28歲，之後仲會有好多問題出現係我當初
無諗到的，例如我不能買保險比家人一個保障，我不能再借銀行買樓比家人一個安心，等等.....
好多問題就係因為你破左產所以無資格，樓主你條數又唔你好大，應該要從其他途徑解決比較好

祝你早日解決

歡迎光臨破產聯盟 (http://hkiva.org/)