破產聯盟

標題: 求教有煩惱 [打印本頁]

作者: 失敗者 時間: 7-5-2014 00:02
標題: 求教有煩惱
請問一下各位師兄，因為我下星期就去搞破產既過程，但尋日就有一間滙豐主動打比我同我聯絡，話如果我肯搞債務重組可以幫我，宜家心上下不安，唔知道破產定債務重組好=.=欠債三十五萬，求教謝謝

作者: katie 時間: 7-5-2014 00:11
請問你收入多少? 每月供幾多?不如可以聽左offer先再決定?
始終破產要三思><

作者: 失敗者 時間: 7-5-2014 01:05
1萬2千至1萬4千，每月供1萬左右

作者: 失敗者 時間: 7-5-2014 01:08
但係佢話係批核部門，唔知信唔信得過

作者: 失敗者 時間: 7-5-2014 01:27

katie 發表於 7-5-2014 00:11
請問你收入多少? 每月供幾多?不如可以聽左offer先再決定?
始終破產要三思>

月薪萬2至萬4左右，每月供1萬左右比銀行

作者: kumiko1030 時間: 7-5-2014 03:03
你唔好上當，好明顯唔似囉，又係D顧問嚮到借名叫你搞重組！唉宜家真係

作者: kumiko1030 時間: 7-5-2014 03:05

失敗者發表於 7-5-2014 01:27
月薪萬2至萬4左右，每月供1萬左右比銀行

不過你真係可以諗諗搞重組，記住係做3600，不過搵律師樓做DRP！

下次嗰個人再打嚟你同佢誁我想做3600，睇下佢有咩反應。3600係行內術語綜合債務舒緩IDRP

作者: 失敗者 時間: 7-5-2014 08:15

kumiko1030 發表於 7-5-2014 03:05
不過你真係可以諗諗搞重組，記住係做3600，不過搵律師樓做DRP！

下次嗰個人再打嚟你同佢誁我想做3600， ...

我今日去問問啊

作者: flypig 時間: 7-5-2014 09:43
月入萬2,欠35個,可以破了.
當你一個月還 8K, 都要43.75個月清哂.無奈世上有樣野叫利息.
除非你突然大加人工,中6合彩 ETC. 你好大可能一世都清唔到條數.
宜家利息係超低.預期呢兩三年會增加,到時你又供多幾年,又要還多D.

5個字贈你:
早破早甩身

作者: 笨笨狼 時間: 7-5-2014 10:56
本帖最後由笨笨狼於 7-5-2014 10:57 編輯

1) 感覺怪怪的, 像是顧問公司, 如果樓主想查證, 不要打他給你的電話,
而是直接打他自稱的銀行, 查證有沒有此部門和分機號碼.

2) 如果是真的, 另一個問題是, 你收入才1萬2, 要還1萬,
你這樣還, 每個月的生活開支都不夠, 只會再次借錢來用,
貸款不但不會減少, 反而會增加, 最終會大於你現在的數.

3) 現在已積了30多, 已經快是收入的25倍了,
除非你的重組是每月還7000左右, 大約4/5年就可以還清.
這就可以考慮一下. 不然選擇老破生活會比較輕鬆,
因為你月入1萬2左右, 相信也會落入殺手外判之中,
不過, 就算落入最狠的外判中, 相信也不會要求償還你月薪一半以上的.
當一個月要還5K, 連雙糧, 四年約還30萬以內.

作者: 失敗者 時間: 7-5-2014 20:50

笨笨狼發表於 7-5-2014 10:56
1) 感覺怪怪的, 像是顧問公司, 如果樓主想查證, 不要打他給你的電話,
而是直接打他自稱的銀行, 查證有沒有 ...

他說滙豐，姓林先生，但係最大問題係，佢話我債務重組要自己比錢，加上要選擇佢既顧問公司，先肯抱哂我d數，用最底已0.08左右利率比我，分8年還每月4800幾左右，點解可以捱到因為我有同朋友合支開舖，但生意唔好結業，之後用個d搵人頂舖既數，用來生活，到了宜一刻已經唔夠用

作者: 失敗者 時間: 7-5-2014 20:53
但睇好多論文話，可以寫到你月薪岩岩，重唔駛比外判扣到錢既

作者: 笨笨狼 時間: 7-5-2014 21:03

失敗者發表於 7-5-2014 20:50
他說滙豐，姓林先生，但係最大問題係，佢話我債務重組要自己比錢，加上要選擇佢既顧問公司，先肯抱哂我d ...

沒有可能是銀行, 應是二三線財仔, 所以才會要求指定的顧問公司.
而銀行本身的重組不會另交別人處理, 也不會叫你去申請債務重組, 對銀行沒有好處.

作者: 笨笨狼 時間: 7-5-2014 21:21
本帖最後由笨笨狼於 7-5-2014 21:30 編輯

失敗者發表於 7-5-2014 20:53
但睇好多論文話，可以寫到你月薪岩岩，重唔駛比外判扣到錢既

理論歸理論, 事實歸事實, 要月薪剛剛好, 除非你月入六/七仟, 另外他們說的是當遇上一般的外判,
即沒有被債權人盯上, 被召開債權人會議的破產人, 如果是殺手, 扣多你一蚊得一蚊,
放過債務人, 就是不放過他們自己........, 曾經有出名的外判, 一次告上過百人不讓他們解破說.
也有師兄分享, 在最後解破前要交數百至數仟的最後還款才能解破,
暫時最嚴重的一個例子是被迫簽MPF, 不見了全份MPF才可以解破說.

真實的故事:
1)單親媽媽, 月入一萬, 公積金充公, 月付一仟多.
2)技術員, 單身, 月入七仟, 要養父母, 月付兩百多.
3)指定行業專業人仕, 牌照被除掉, 老破期間失業, 由家人供養, 月付沒有說(有可能不用付).

生活費不是你要寫多少就多少, 有一個公定的數目, 像電話費, 好人的批你現在用的, 一般都是一百以內.
因為在法律上, 已破產人士在破產期內, 你任何的收入資產都是由受託人管理,
在批准的生活費才是你可以用的錢, 其他是要留給還債說.

另外生活費的多少, 也不是我們說多少就多少, 要看你收入, 支出, 家庭負擔來批核,
支出都要有單據來證明的.........., 而生活費只保障受破人基本的日常開支費用, 不能奢侈.

作者: 笨笨狼 時間: 7-5-2014 21:29
本帖最後由笨笨狼於 7-5-2014 21:44 編輯

至於你可以申請到多少生活費, 也要看你家庭有沒有其他成員有收入, 有的話, 基本費用如水電房租再折半計算,
另外也要看你是單身定有家室, 生活費也不一樣.

不過, 再說一句, 不要亂填生活費開支, 被抓包是刑事罪. 不要以身試法, 對你沒有好處.
申請老破要有一個心理, 不是不用還錢, 只是幫你可以擁有基本生活費保障同時還債而已.

我只能分享, 在老破期中依法而不用還款的人其實真的數量很少, 而且他們也要背負不同的代價,
可以安心還債的人, 其實是幸運兒........ 千萬不要誤信不用還是好處...........

作者: 失敗者 時間: 8-5-2014 00:23

笨笨狼發表於 7-5-2014 21:03
沒有可能是銀行, 應是二三線財仔, 所以才會要求指定的顧問公司.
而銀行本身的重組不會另交別人處理, 也 ...

明白唔該你

作者: 失敗者 時間: 8-5-2014 00:39

笨笨狼發表於 7-5-2014 21:29
至於你可以申請到多少生活費, 也要看你家庭有沒有其他成員有收入, 有的話, 基本費用如水電房租再折半計算,
...

我自己好早之前已經搬左出黎住月租5100，我有長期病要時時食藥控制病情同幾個月覆診一次，每月用1000左右醫療費，車資每月平均1200左右，但係我病情要每天食野時要食藥，病係糖尿病，工作性質係地盤如果反足有萬五蚊以上，如果我申請租金連水電5100，醫療費1000，膳養費3200左右，車錢1200，電話費251，什項600，石油氣350左右因為用來煮食同沖涼用既，如果咁寫可以嗎？因為宜d係我日常開資，請教教我

作者: 失敗者 時間: 8-5-2014 00:50

flypig 發表於 7-5-2014 09:43
月入萬2,欠35個,可以破了.
當你一個月還 8K, 都要43.75個月清哂.無奈世上有樣野叫利息.
除非你突然大加人 ...

聽到大家意見好開心去破，唔需要煩惱在債務重組或想其他解決辦法，因為我係第一期單出時去破產得嗎？因為我咁耐意黎，正下既錢黎生活開支，每次出糧就用黎還，到左4月出第一單時候我已經計交唔到啦，有走去問財務公司同銀行，到最後都無一間係接受我一筆清同結餘轉戶，之後我今個月諗我要債務重組定破產已經搞到7日失眠，好痛苦，到左宜家你比左一個好好答案我，唔該哂你

作者: 笨笨狼 時間: 8-5-2014 01:11

失敗者發表於 8-5-2014 00:39
我自己好早之前已經搬左出黎住月租5100，我有長期病要時時食藥控制病情同幾個月覆診一次，每月用1000左右 ...

醫療費用記得把所有支出收據保留, 另外就是要找醫生開出你有長期病患, 需要長期治療的證明信, 這些在申請額外的生活費時會有幫助的. 而租金就準備租單證明, 一般支出也準備好收據, 樓主大約說的數字, 單據準備足夠, 相信是有機會的, 有部份數字可能會被要求減少, 要有心理準備.

比方, 膳食是3000, 電話費是100, 什項有可能不批, 或許在你報的數會少500-1000左右. 不過在申請時可以先填這些數字, 等領到破領後, 再和外判交手, 到時不扣是幸運, 就算扣了, 最少心理也有準備了.

作者: 失敗者 時間: 8-5-2014 08:49

笨笨狼發表於 8-5-2014 01:11
醫療費用記得把所有支出收據保留, 另外就是要找醫生開出你有長期病患, 需要長期治療的證明信, 這些在申請 ...

但係我醫療費要等到我覆診先比到佢，點解什項唔得既？因為什項係日常用品平時買藥品有單據，租單純都有，請問一下如果破左產，電話公司寫既野要點做？因為如果消約要全數交

作者: 笨笨狼 時間: 8-5-2014 09:44
本帖最後由笨笨狼於 8-5-2014 09:47 編輯

失敗者發表於 8-5-2014 08:49
但係我醫療費要等到我覆診先比到佢，點解什項唔得既？因為什項係日常用品平時買藥品有單據，租單純都有， ...

那些單據, 當在見外判的時候最好全都準備好, 有單有據才是證據, 而且每項單據都要有一定時間數據, 才可以證明自己每個月都需要. 要記得, 老破不是去領福利, 他們不是善堂, 而是當你要爭取一定的支出時, 就要有合理可信性的證據去爭取, 千萬不要"我想到就去補充", 做好準備對自己最有利. (試想一想, 不是我們說可以還多少就多少, 而是我們要有足夠可信的證明, 來解釋我們沒有能力去還這些錢, 即生活費.)

至於有些事情, 不要一直問點解不可以, 我們也不是小學生了, 重點是當你遇上不同的受託人, 會得不同的答案, 不同的環境, 不同的條件, 不同的受託人(破官/外判/殺手), 都會批不同的數字, 在這討論的師兄只是給你他們過去的經驗和意見而已, 沒有什麼法律效力的, 而且我們見過的受託人, 也未必和你到時要見的是同一個人, 所以根本上你是找不到絕對的答案.

比方, 電話費問題, 爬爬前面的文章, 師兄們連電話合約也在申破時一起申報, 近日剛有師兄在討論中, 不要懶, 多看不同例子, 也不要只看成功的就認為一定可以成功說. 也要看看失敗的例子來對比. 電話費問題, 以前就有師兄說過, 有些外判不給就是不給, 指定是一百以來, 沒有價可以講. 所以才會出現在申報和談生活費時, 比方你填了三百元電話費, 就一定可以得到三百元的電話費. 這不是我們可以去控制的.

至於日常費用, 是最含糊不清的項目, 所以要看你遇到了什麼的外判, 緊的判你不可以, 你又如何? 我只是告訴你比較不能證明每個月都一定有單據的項目而已. 讓你有一個心理準備而已, 因為外判的工作是: 盡可能從你的收入中找出可以還債的錢, 他們不是社工. 你可能沒聽說, 有師兄分享, 遇上殺手, 連買衣服也不成, 內衣褲嗎? 請實報實銷.........

作者: 失敗者 時間: 8-5-2014 14:20

笨笨狼發表於 8-5-2014 09:44
那些單據, 當在見外判的時候最好全都準備好, 有單有據才是證據, 而且每項單據都要有一定時間數據, 才可以 ...

嗚，明白你的答案，好多謝你說給我知道，我知道什麼做了，我打的醫療費和租單都有補儲，但是車費，什麼可以有收據呢，不過什麼都好，好多謝你解答我問題

作者: 笨笨狼 時間: 8-5-2014 14:33
本帖最後由笨笨狼於 8-5-2014 14:35 編輯

失敗者發表於 8-5-2014 14:20
嗚，明白你的答案，好多謝你說給我知道，我知道什麼做了，我打的醫療費和租單都有補儲，但是車費，什麼可 ...

嗯, 對於沒有單據的, 會有一種不成文的大約數, 不超過就不會太留難說.
比方, 膳食3000, 交通1000....... 等等.

準備充足總會對自己有好處.......

作者: 失敗者 時間: 8-5-2014 16:55

笨笨狼發表於 8-5-2014 14:33
嗯, 對於沒有單據的, 會有一種不成文的大約數, 不超過就不會太留難說.
比方, 膳食3000, 交通1000....... ...

好多謝你，我想問問，係咪每個人外判都唔同嫁？同見破產官要點去？定佢會有信教我去？

作者: 失敗者 時間: 8-5-2014 16:56
想問問破產係咪愈快愈好？

作者: 笨笨狼 時間: 8-5-2014 17:28

失敗者發表於 8-5-2014 16:55
好多謝你，我想問問，係咪每個人外判都唔同嫁？同見破產官要點去？定佢會有信教我去？ ...

當法官判了破產令之後, 破署就會通知當事人在指定時間內親自到外判/收件外判處進行初步問訊, 信中會提你帶文件到指定的外判處填表和初步收支表. 請放心是會有信通知的, 有些用6C申破的還會主動再提醒申請人, 詳情可以再看前面師兄們的分享.

至於, 申破是否越快越好, 這一點個人認為是快不一定是好事, 要看每個人的條件, 比方, 如果你本身問題很小, 如欠債已經有一段長時間, 又沒有新債, 而老破前一年內也沒有提領大量金錢或出賣資產的動作, 又沒有儲蓄保險, 又沒有公司等等.......... (很多不同的因素), 當問題越少, 越乾淨, 就可以用最快速度申請破產, 反之, 如果當事人問題越多, 就要先解釋問題或有充分的理由去解釋問題的原因, 不然越快破反而越出事.

比方, 你在近數個月才借了大筆新債務, 就突然破產, 就會被懷疑有惡意破產的行為, 如被證實就會被告刑事罪了. 所以, 每個師兄的故事也不一樣的, 最合適申破時間也不一樣. 反而有些是延後了申破反而更有利, 有些就是越快越好.

作者: 失敗者 時間: 8-5-2014 21:40
最近沒有借貸，只有還款，到我真係還到無錢先破產，因為最近一期開始已經還唔起啦。所以申請破產，唔想再繼續捱落去，因為好像還究都還唔完咁

作者: 笨笨狼 時間: 8-5-2014 22:56
還不完那是當然的, 因為如果薪水一直保持, 借貸尤其是卡數, 年利率是25至35%, 即是3-4年就會翻一倍, 如果只是付最低還款, 有些銀行是2-3%, 那就代表連當月利息也沒還清, 那麼欠款只會不斷上升, 即是越還反而欠越多了.

如果半年至一年都沒有新借貸(尤其是三個月內), 那申破時會比較順利得多, 如果連資產, 儲蓄, 保險, 馬會戶口也沒有, 就更順利了......, 如果資產或有價物品(如古董)太多的人, 申破人家中還會被查封, 管理人會把值錢的拿去變賣還債說.

作者: 失敗者 時間: 8-5-2014 23:43

笨笨狼發表於 8-5-2014 22:56
還不完那是當然的, 因為如果薪水一直保持, 借貸尤其是卡數, 年利率是25至35%, 即是3-4年就會翻一倍, 如果只 ...

唔怪得年半無用卡，同加薪錢用得好快，同每期單都有出入，三個月內無借過錢，只有搵左兩間銀行同一間財務公司幫我做一筆清或結餘轉戶會唔會有影響？

作者: 笨笨狼 時間: 9-5-2014 00:17

失敗者發表於 8-5-2014 23:43
唔怪得年半無用卡，同加薪錢用得好快，同每期單都有出入，三個月內無借過錢，只有搵左兩間銀行同一間財務 ...

對不起, 這個問題我不敢回答你, 要其他師兄幫忙回應囉.
因為, 雖然你是在試重組債務, 但在合約來說, 這些一筆清和結餘轉戶就等同新的債務合約.
(這可以說是新債, 因為舊債他們已經幫你代還了.)

作者: flypig 時間: 9-5-2014 10:26

失敗者發表於 8-5-2014 23:43
唔怪得年半無用卡，同加薪錢用得好快，同每期單都有出入，三個月內無借過錢，只有搵左兩間銀行同一間財務 ...

個人經驗如下,最後4個月,個個月一還錢,立即係戶口DRAW 番錢.有入錢去銀行炒OPTION,期指.數約5-7萬.有過大海,數約2-3萬.有入錢去馬會... 根本無問題.

唔只我一個,大部份人老破都係山窮水盡,MIN 都還唔起先咁做.

老破俾人破通常因為: 1 收埋舊錢(小心D 其實好難證明)

2 詐騙: 例: 如果你簽份野話唔會破產算唔算? 9成告唔入.
如果你最後3個月,DRAW 30個. 又解釋唔到D錢去左邊.就有機會被告.
如果你申請LOAN 作虛假聲明,如入息老作.就有機會被告.

你呢D CASE,99.99% 無問題.

作者: 謝滿蘭 時間: 9-5-2014 16:31
直接破產仲輕鬆

作者: 失敗者 時間: 10-5-2014 15:05

flypig 發表於 9-5-2014 10:26
個人經驗如下,最後4個月,個個月一還錢,立即係戶口DRAW 番錢.有入錢去銀行炒OPTION,期指.數約5-7萬.有過大 ...

我係搵銀行幫手做一筆清或債務重組，係想張全部既街數走埋一齊，但無一間會接受我申請，咁我應該都唔算有人幫我找左一次先啊，我係問左幾間都無人幫我做，我先無辦法之下去申請破產好過，暫時黎講，我期期還清，但係每次都下一期重個數目大左無端端，個下我先無計算到，所以諗住先選擇破產，唔該各師兄解說，多謝你們

作者: 失敗者 時間: 10-5-2014 15:08

謝滿蘭發表於 9-5-2014 16:31
直接破產仲輕鬆

我已經去左申請，等糧出埋，律師就會幫我伸紙入法院同比債權人，起碼就算凍結左戶口，我都有錢上班

作者: flypig 時間: 10-5-2014 16:20

失敗者發表於 10-5-2014 15:05
我係搵銀行幫手做一筆清或債務重組，係想張全部既街數走埋一齊，但無一間會接受我申請，咁我應該都唔算有 ...

如果你都衰,我都去左法律版了.可能有超過9成老破者都唔掂了.

你搵,但搵唔到麻.唔COUNT.
你D CASES 根本好SAVE.

作者: 笨笨狼 時間: 10-5-2014 18:17

失敗者發表於 10-5-2014 15:05
我係搵銀行幫手做一筆清或債務重組，係想張全部既街數走埋一齊，但無一間會接受我申請，咁我應該都唔算有 ...

那麼樓主是否有沒有把債務重新再重整過? 還是想試卻不成功, 如果不成功, 就是半年來都沒有改變過情況吧.
如果債務沒有重新改變過, 又有盡力還, 基本上沒有什麼好擔心的.

(樓主的留言有前後矛盾, 當你如此去申請時, 是不成的啊......)

作者: 失敗者 時間: 11-5-2014 02:19

笨笨狼發表於 10-5-2014 18:17
那麼樓主是否有沒有把債務重新再重整過? 還是想試卻不成功, 如果不成功, 就是半年來都沒有改變過情況吧.
...

盡力試過任何方法，所以才選擇破產了，係我最後行既一步

作者: 笨笨狼 時間: 11-5-2014 09:47

失敗者發表於 11-5-2014 02:19
盡力試過任何方法，所以才選擇破產了，係我最後行既一步

盡了力, 有足夠證明, 有充分而合理的解釋,
有足夠的文件單據, 就放膽去處理好了.......

(又不是惡意老破, 要擔心的是這些人才是, 良好市民有什麼好擔心.)

作者: 失敗者 時間: 12-5-2014 00:52
擔心既申請過程中比債權人追數，個果幾月

作者: kumiko1030 時間: 12-5-2014 01:29

失敗者發表於 12-5-2014 00:52
擔心既申請過程中比債權人追數，個果幾月

我由四月都冇還過錢lu，因為一直都冇遲還，所以暫時仲未出事！我嗰D一線應該一入紙就可以冇事了，想避電話的可以使用Android手機加小雄來電，哈哈......我都是這樣逃過了個多月

作者: 笨笨狼 時間: 12-5-2014 04:56
本帖最後由笨笨狼於 12-5-2014 05:00 編輯

我當時也有擔心過, 從無錢還開始至入紙, 大約快兩個月時間,
當時只有強國行有動手追數, 不過我當時早就被家人趕走了, 而又被家人強迫保留公屋戶籍,
反而沒有和收數佬正面對抗過, 最終被打擾的是害我和放棄我的家人,
而電話..... 已經窮到沒錢交費斷線了. 當時是為了申破和社工可以找到我, 才開了新的電話號碼.
(其實是窮到只能去用最便宜的儲值卡, 每個月十個大洋那種

)...........

作者: 失敗者 時間: 12-5-2014 23:11

笨笨狼發表於 12-5-2014 04:56
我當時也有擔心過, 從無錢還開始至入紙, 大約快兩個月時間,
當時只有強國行有動手追數, 不過我當 ...

你未係捱邊走出黎，返返現實到

我係岩岩好夠搞破產之餘重可以出埋糧先去搞破產，起碼個幾月時間都有生活開資先，唔駛太過擔心個d日子點，我都係搞到家人同我有隔離，知道我要破產後重要罵我，叫我去食屎片，我個刻已經跌落谷底，好彩女朋友無離開我重支持，叫我重新開始，叫我捱過四年之後就唔好行返之前條路，就會同我結婚，個刻好感動，加上有你地班師兄開解我，同比意見我去面對日後

作者: 笨笨狼 時間: 13-5-2014 08:33

失敗者發表於 12-5-2014 23:11
你未係捱邊走出黎，返返現實到我係岩岩好夠搞破產之餘重可以出埋糧先去搞破產，起碼個幾月時間都有生 ...

看到師兄的分享, 其實還不錯啦, 你有一位很好的女朋友支持(如果是我, 會感動到

, 師兄好幸福啊), 那就好好加油, 四年其實不算太長的時間, 很快就可以過去的. 不過話說回來, 我留意到原來老破是一塊"照妖鏡", 當你環境好的時候, 大家都對你說得多好, 可是當"照妖鏡"一出, 是人是鬼就通通現形了, 簡直像得到老孫的法力般......

而另一個不錯的副作用就是, 學得一身"既來之, 則安之"的好武功, 回想起來, 只要想得通, 人真的會提昇了層次說. 仍是一句, 歡迎師兄加入"粱山泊", 彼此加油打氣吧.

作者: 失敗者 時間: 13-5-2014 08:46

kumiko1030 發表於 12-5-2014 01:29
我由四月都冇還過錢lu，因為一直都冇遲還，所以暫時仲未出事！我嗰D一線應該一入紙就可以冇事了，想避電 ...

可以阻左到嫁？

作者: 笨笨狼 時間: 13-5-2014 09:06

失敗者發表於 13-5-2014 08:46
可以阻左到嫁？

是如果到交表為止, 一直有min pay, 銀行根本不會安排到收數佬追數. 尤其是一線銀行, 連行動力最快的強國行, 都是在聯絡你後, 指定日期不還, 又或找不到你半個月至一個月左右才會轉數給收數公司.
那麼, 如果你是在這段真空期內交了表上法院, 對方根本連追數的行動也來不及, 當時我同學就是如此.

作者: flypig 時間: 13-5-2014 10:00

笨笨狼發表於 13-5-2014 09:06
是如果到交表為止, 一直有min pay, 銀行根本不會安排到收數佬追數. 尤其是一線銀行, 連行動力最快的強國 ...

It's me!!!

1號左右要俾MIN,15號左右已經老破.
連銀行職員追數電話都無.

作者: kumiko1030 時間: 13-5-2014 21:32

flypig 發表於 13-5-2014 10:00
It's me!!!
1號左右要俾MIN,15號左右已經老破.
連銀行職員追數電話都無. ...

我趕唔切呀，不過今日終於放咗股票lu

作者: 失敗者 時間: 13-5-2014 21:52
但第一期完左銀行打黎未話，工作上忙，到出糧前還夠兩期未可以過骨

作者: kumiko1030 時間: 13-5-2014 22:05

失敗者發表於 13-5-2014 21:52
但第一期完左銀行打黎未話，工作上忙，到出糧前還夠兩期未可以過骨

我用咗小熊，冇電話可以打到俾我lu。旗旗係咁俾SMS我，東東就打去我媽到搵我之後阿媽話我唔嚮到住佢就係咁俾信我，哈哈，我諗我捱埋今個禮拜就可以了。

痕生我同佢講話星期五入返2000俾佢=3="

作者: 笨笨狼 時間: 13-5-2014 22:43

kumiko1030 發表於 13-5-2014 21:32
我趕唔切呀，不過今日終於放咗股票lu

最少放下一件心頭石了, 不錯啊.......

作者: 失敗者 時間: 13-5-2014 22:46

kumiko1030 發表於 13-5-2014 22:05
我用咗小熊，冇電話可以打到俾我lu。旗旗係咁俾SMS我，東東就打去我媽到搵我之後阿媽話我唔嚮到住佢就係 ...

但小熊來電已經無左

作者: kumiko1030 時間: 13-5-2014 22:50

失敗者發表於 13-5-2014 22:46
但小熊來電已經無左

係咩

作者: kumiko1030 時間: 13-5-2014 22:52

笨笨狼發表於 13-5-2014 22:43
最少放下一件心頭石了, 不錯啊.......

嗯，我宜家俾人要脅

作者: 失敗者 時間: 13-5-2014 23:03

kumiko1030 發表於 13-5-2014 22:52
嗯，我宜家俾人要脅

下，但你唔係入左紙咩？

作者: kumiko1030 時間: 13-5-2014 23:29

失敗者發表於 13-5-2014 23:03
下，但你唔係入左紙咩？

我未入紙架，下個禮拜先，但唔知點解到宜家仲好平安無事！電話我用唉瘋的，不過仲有部士啤電話安咗小熊，所以宜家士啤用咗儲值卡，但士啤電話成日跳咗去咩航空模式，打唔通添=3="

宜家等拎埋嗰6000大元先入紙，下個星期啦，不過昨日搵晒成日間屋都搵唔到個中銀簿仔=-=" 宜家都唔知點算好，聽日要同律師樓嗰邊講聲！

我諗我應該一直都聲譽良好，所以暫時都係出信俾我，強國話搵收數追我唔知點解到今時今日我仲好平安，真係托賴。

不過宜家D錢真係好唔見洗，我今日出去再去一去個仆街超市，唔見咗5條魚>~<

作者: kumiko1030 時間: 13-5-2014 23:32

失敗者發表於 13-5-2014 23:03
下，但你唔係入左紙咩？

要脅我嗰個係我前度姐，冇佢我諗我唔會要老破！

作者: 失敗者 時間: 13-5-2014 23:50

kumiko1030 發表於 13-5-2014 23:29
我未入紙架，下個禮拜先，但唔知點解到宜家仲好平安無事！電話我用唉瘋的，不過仲有部士啤電話安咗小熊， ...

你有同銀行講你要申破嗎？如果無就問中x寄一封月單比你就可以，如果無單，你諗一諗12個月內每月出幾多都可以

作者: kumiko1030 時間: 14-5-2014 01:20

失敗者發表於 12-5-2014 23:11
你未係捱邊走出黎，返返現實到我係岩岩好夠搞破產之餘重可以出埋糧先去搞破產，起碼個幾月時間都有生 ...

我嗰個前度真係過份到離晒大譜啦！唔好提喇

作者: kumiko1030 時間: 14-5-2014 01:22

失敗者發表於 13-5-2014 23:50
你有同銀行講你要申破嗎？如果無就問中x寄一封月單比你就可以，如果無單，你諗一諗12個月內每月出幾多都 ...

有晒月結單喇，我冇講我會破產的=3=" 當然儘量唔好講住尤其我仲有錢嚮佢到未到手講咗就大件事了

作者: 失敗者 時間: 14-5-2014 01:26

kumiko1030 發表於 14-5-2014 01:22
有晒月結單喇，我冇講我會破產的=3=" 當然儘量唔好講住尤其我仲有錢嚮佢到未到手講咗就大件事了 ...

所以如果有野未搞齊就要做哂去之後去申破

作者: kumiko1030 時間: 14-5-2014 01:31

失敗者發表於 14-5-2014 01:26
所以如果有野未搞齊就要做哂去之後去申破

係呀！

作者: 失敗者 時間: 14-5-2014 01:35

kumiko1030 發表於 14-5-2014 01:22
有晒月結單喇，我冇講我會破產的=3=" 當然儘量唔好講住尤其我仲有錢嚮佢到未到手講咗就大件事了 ...

申破完都會繼續工作，因為唔想哂4年時間唔反工，因為我係地盤工作，唔會無工開，加上年資耐左，就算加人工忍下去不出四年內可以清，同比自己一個挑戰，新事物，只要有行心，世上無難事，只怕有心人，所以如果唔係間間比唔肯，我都唔會選擇行最後一步

作者: 笨笨狼 時間: 14-5-2014 11:14

kumiko1030 發表於 13-5-2014 22:52
嗯，我宜家俾人要脅

師妹, 你前度在玩什麼呢????????
事情辦法去拆..........

作者: 笨笨狼 時間: 14-5-2014 11:26

失敗者發表於 14-5-2014 01:35
申破完都會繼續工作，因為唔想哂4年時間唔反工，因為我係地盤工作，唔會無工開，加上年資耐左，就算加人 ...

對於老破來說, 可以正面去面對就是最好的, 有能力去還, 就還, 其實也不是壞事,
當正面去面對, 理解老破是幫大家無痛苦還債, 努力四年後, 人反而更樂觀, 更珍惜身邊的人和事.

如果, (時常去想: 我都老破了為何仍然要還.) 這種心態不但沒有幫助, 人會變得更負面說,
如這種心理一直發作下去, 就算四年安全完結, 人都會站不起來了, 會認為天是欠了他們的.

同一件事, 用不同的心去看待, 事情會變得很不一樣........

作者: 失敗者 時間: 15-5-2014 13:26

笨笨狼發表於 14-5-2014 11:26
對於老破來說, 可以正面去面對就是最好的, 有能力去還, 就還, 其實也不是壞事,
當正面去面對, 理解老破是 ...

多謝你既安慰，我會好好珍惜這四年時間

歡迎光臨破產聯盟 (http://hkiva.org/)