破產聯盟

標題: 新人掙扎中,,,好難面對 [打印本頁]

---

作者: katie    時間: 1-5-2014 20:49
標題: 新人掙扎中,,,好難面對
今日見了顧問,,,家人介紹的,,
掙扎中是否破產,,,
始終自己果關好難過..,唉
我三十歲以下,數目十幾萬, 覺得自己甘後生同呢個數目都破產好失敗...唉
希望加入呢個家庭有多d同路人傾下,好迷茫,

---

作者: 北鬼首    時間: 1-5-2014 21:14
樓主欠十幾萬唔係太大數目,有無考慮同家人及朋友相量還款?因破產始終係跟一世

---

作者: Heihei    時間: 1-5-2014 21:14
首先，你欠十幾個係唔係真係要去到破產呢? 雖然唔知你收入幾多，如果可以咬緊牙關還到就還啦。
破產又唔係唔洗還，唔好唸可以一了百了，之後既路會有好多不便，如果唔係走到無路可走都唔好選擇呢條路。

既然你家人都知道你既狀況，佢地可唔可以幫你一把呢?
PS﹕我上庭個陣連個法官都提醒我地要小心所謂既顧問，佢地唔係律師無專業操手約束，好多時都話可以幫你做到唔洗還錢又會幫你填報表，但之後就影都無。
如果你決定搞一係找律師一係自己填，起碼到時個官都真係知你無哂 $ 去破產，顧問費都萬幾兩萬，比得其實都可以幫你還到6分1既債啦。

我個人建意係試下辛苦D還左先，唔得既就上黎睇下舊文，參考下自己申請其實唔係好難，如果真係唔得搵律C搞吧。

---

作者: katie    時間: 1-5-2014 21:23
好多謝樓上各位回覆><
月入一萬,每月三千銀行分期 仲有半年至三年完
屋企人幫忙過好幾萬,之前同意會幫埋
所以無再做分期之類.所以今月就有六萬返數了
但今個月忽然表示不肯再幫
當然呢個係我自作自受
唉,債務重組顧問計過同依家還的不會差太遠

---

作者: 笨笨狼    時間: 2-5-2014 00:00


月入一萬, 如無意外, 老破後的生活費會判大約7-8K左右, 即一個月要還2-3K, 加花紅獎金會被扣光.
四年破期, 大約要還12萬以上吧.
(不要相信不用還款這種說法, 因為債權人一定想盡量取回債務的, 欠人錢當然有責任要還.
一般會教你不用還的, 都是用一些非法的方式, 如果被抓就是刑事罪名了, 值不值得你自己去想.)

因為樓主已經月入過萬, 而欠款只有十多萬, 相信債權人會要求召開債權人會議,
如果是, 就一定落入殺手之中, 這機率很高, 因為老破不是不用還款, 而是破產法讓你不用數蓋數,
而盡可能還款給債權人. (而債權人也會選擇最有機會收回款項的人召開債權人會議吧.)

所以, 千萬別相信"破了產就不用還債"這種說法, 就算是拿綜援的人, 只要收入數大於支出數,
一樣需要還債務說. 我就看過, 一個單親媽媽, 孩子仍在學, 月入一萬左右, 每月需要償還一仟多.

---

作者: 笨笨狼    時間: 2-5-2014 00:15


如數上其他師兄所言, 如果是債務重組, 估計債權人會議會要求你一個月還3-4K左右,
直至還清, 不過你仍年青, 如果選老破大約可以少還一點點, 不過在人生上的財務就此蓋章定論.
因為就算乖乖順利完成四年, 你在銀行的檔案已經是黑名單了, 簡單而言就是信用破產了.
之後想供車供樓的機會都會減少了. 即是以後你要置業都要一次過付款了.
除非你突然發達(我也祝福你有這一天喲), 當然另當別論............

另外, 如樓上的師兄所言, 不要盡信那些顧問, 因為他們是收費卻沒有法律效力的,
有些就只能教你填表, 要學, 去找明X的6C都一樣, 不用錢, 功能就像顧問.
如果真的要老破, 又不會, 去找6C, 多問數家吧, 因為老破要承擔法律責任的,
如果你的個案很複雜, 自己填錯東西就很煩了, 那就考慮直接用6C.
當然如果個案簡單, 數仟元的6C費也可以省回, 直接自己申請就可以了.

---

作者: flypig    時間: 2-5-2014 10:09

katie 發表於 1-5-2014 21:23
好多謝樓上各位回覆><
月入一萬,每月三千銀行分期 仲有半年至三年完
屋企人幫忙過好幾萬,之前同意會幫埋

所以無再做分期之類.所以今月就有六萬返數了
1 呢句唔明. 你破產目的係咩? 僓務重組個成本好高.多鬼魚. 要3C.
可以就做結餘轉帳.
你利息係唔係已經好低.CREDIT CARD 條數大唔大? 如果大,
你可以搵僓主傾.假如你欠 獅子 50K,你試下轉個低D 的還款方案.如 CREDIT CARD 轉 PERSONAL LOAN ETC.
2 你人工,你欠款,不值得搞老破.其實你一個月還3K+,根本還得起.
而且人工會加,你都係考慮清楚先喇.

---

作者: katie    時間: 2-5-2014 16:43

flypig 發表於 2-5-2014 10:09
所以無再做分期之類.所以今月就有六萬返數了
1 呢句唔明. 你破產目的係咩? 僓務重組個成本好高.多鬼魚.  ...

感謝兩位回覆
即是我今月要一次過還六萬 因為這六萬冇分期
但citi, dbs,大新也不批 没說原因，我check過我 tu h,冇試過遲，
惟一可能是上月剛借了獅子三萬還卡數，而家我又不敢再找其他借，
或者其中有三萬恆生可分期，但未試，
哎 其實是屋企人信顧問 迫我破
家下好辛苦

---

作者: katie    時間: 2-5-2014 16:49

笨笨狼 發表於 2-5-2014 00:15
如數上其他師兄所言, 如果是債務重組, 估計債權人會議會要求你一個月還3-4K左右,
直至還清, 不過你仍年青,  ...

係lo  我爬過文都知不一定破了不用還，但是屋企人信晒顧問，覺得我一世信用已毀也冇所謂
我估因為tu check得太密同上月新借一筆
今月冇bank肯做
唉 我係比屋企人迫死

---

作者: 笨笨狼    時間: 2-5-2014 17:17

katie 發表於 2-5-2014 16:49
係lo  我爬過文都知不一定破了不用還，但是屋企人信晒顧問，覺得我一世信用已毀也冇所謂
我估因為tu chec ...

......... 有點無言的感覺 ............ 看來又多了一位同路人 (被迫上梁山).

如果樓主真的試過樓上師兄的建言和銀行交涉過而不成功,
我只能說直接找6C查詢, 因為有點擔心那顧問的建言, 為何一直叫你老破,
那就像之前我的家人, 一直迫我進精神病院, 說可以政府代為處理,
不用任何費用云云, 最終把時間拖延了個多月......
最後經社工介紹的6C, 才知道這些方法是犯法的, 所以即時決定寧靜的自行進行破產,
依照6C的建議, 誠實的填報所有財務資料, 最終以最快速度完成而家人也無法影響了.

當然, 樓主仍年青, 坦白說這麼快就選這條路是很可惜的.
而且, 樓主如果有爬文, 尤其是一定去看看師兄們分享殺手外判的文章吧,
對還款數量和生活費要有一定心理準備.

---

作者: 笨笨狼    時間: 2-5-2014 17:29

katie 發表於 2-5-2014 16:49
係lo  我爬過文都知不一定破了不用還，但是屋企人信晒顧問，覺得我一世信用已毀也冇所謂
我估因為tu chec ...

補充, 如果是老破而不用還款的師兄, 的確有這些例子,
不過是要指定的條件, 比方你是沒有任何資產,
而老破的四年裡黑仔到一份工作也找不到(連半分錢MPF也得不到), 連綜援也領不到,
而幸運的有家人/親戚願意承擔你的一切生活開支, 即承擔人也要負上法律責任.
不過, 可以有這些條件的人其實不多, 一是他的家境很富裕, 二就是當事人是超級黑仔.......

還有, 多口要提一提樓主, 剛你說過, 上個月才剛借了三萬, 現在申破,
要有心理準備, 可能要解釋這筆錢的流向, 因為申破的時間太短, 剛批了錢就申破..........

---

作者: katie    時間: 2-5-2014 23:32

笨笨狼 發表於 2-5-2014 17:29
補充, 如果是老破而不用還款的師兄, 的確有這些例子,
不過是要指定的條件, 比方你是沒有任何資產,
而老 ...

多謝師兄意見，我全部都有看，消化中
唉 依家屋企人執住曾經同我還錢
所以話要我破產就要破
一返到屋企就家嘈屋閉
有社工幫口都冇用
呢舖仲要我唔破就搬
頂唔順了...

---

作者: katie    時間: 2-5-2014 23:41
我會盡最大能力去反抗
雖然依家眾叛親離....

---

作者: dopod123    時間: 2-5-2014 23:44
十幾萬去破，，樓主破過唔係冇手尾。。。。十幾破咩呀

---

作者: katie    時間: 2-5-2014 23:51

dopod123 發表於 2-5-2014 23:44
十幾萬去破，，樓主破過唔係冇手尾。。。。十幾破咩呀

我依排日日喊，返屋企就秒秒比人嘈，
唔係怕痛一早一了百了報纸見，，，
咁急又上月先有新數，
真係唔知邊度可以倾，入二線又死路一一條....
社工只係同我講自己決定...
屋企人不断話我破產係抵死

---

作者: depressman    時間: 3-5-2014 00:04
1x 萬有無諗過內部DRP

---

作者: 笨笨狼    時間: 3-5-2014 10:56

katie 發表於 2-5-2014 23:32
多謝師兄意見，我全部都有看，消化中
唉 依家屋企人執住曾經同我還錢
所以話要我破產就要破

你已經很盡力了, 會用社工幫忙,
不過, 看來你家人真的被洗腦了, 就像我昔日的親友一樣.........唉.
其實, 不是沒有方法的, 希望在人間,
如果, 你家人如此愚昧, 亂信顧問, 有一個以退為進的方式,
就是, 直接帶你一兩位家人去其他的6C樓/明X6C/有政治背景的6C, 處查詢法律意見.

玩更大的方式, 就是直接帶他們上破產署, 直接查詢破產條例........
重點是要問的是, 這些顧問教的方法是否犯了法,
而且你甚至於他們是否會因此而犯上刑事罪的可能,
看看他們是否有覺悟, 可能會因此要被告刑事罪的可能囉(除非他們不怕死)........

如果你不想玩太大, 就自己去申破或去辦重組, 但是一定要依法行事...........
不過之後就想辦法去扮死狗/可憐了, 因為總會有點家庭壓力............

---

作者: flypig    時間: 3-5-2014 21:05
60K 一次過還?? 咩數黎架??????

標會都有分期??????????????????

---

作者: katie    時間: 3-5-2014 21:17

flypig 發表於 3-5-2014 21:05
60K 一次過還?? 咩數黎架??????

標會都有分期??????????????????

之前屋企人說替我還埋這筆,所以叫銀行cut卡,
但忽然屋企話不還了,要我破產,不過依家銀行就一次過要我還番晒
時間太忽然 銀行不肯再借

---

作者: katie    時間: 3-5-2014 21:25

笨笨狼 發表於 3-5-2014 10:56
你已經很盡力了, 會用社工幫忙,
不過, 看來你家人真的被洗腦了, 就像我昔日的親友一樣.........唉.
其實, ...

多謝你回覆左甘多>< 我真係孤立無援 唉
今朝上了三姓律師行 因為係免費諮詢 所以得個顧問見我 我同其中一個無主見又無影響力的屋企人一齊去
主要只係答話破產的影響,其他同我上網看的差不多,結尾仍是叫我做就約時間甘,,,
唉 頭先同另一個逼我的屋企人傾過
話不破產除非我每月一萬人工 比4千蚊他們,
講真我本身都三千多分期,,,仲要撲六萬
分分鐘每月就算分到也有五六千卡數
唉我唔食都唔夠

---

作者: admin    時間: 3-5-2014 21:31
我都好小睇 post羅。

樓主。我睇完真係唔係好明，人大左，理解力低左，樓主真係要可憐下我呢個老人家。

1. 你而陸爭人 10 幾萬。
2. 你屋企人唔係再幫你去頂呢期還錢，因為覺得已經幫唔到。
3. 你上月去借左 3 萬 去還卡數。

係借3萬去還卡數。
一個月 3 萬 min pay ?????而你只係爭人 10 幾個？

4. 你月入 1 萬。

小弟有以下見解或者唔理解。
1. 你爭乜卡數。一個月要還 3 萬 min pay？
2. 你其實爭人幾多？
3. 你點駛你份人工？
4. 你呢一年，你駛左錢去邊？家人點幫你？點解你會不停去 check TU?
5. 如果你真係爭人 10 幾個，你月入1 萬，我諗唔到原因要去破，同埋銀行點解會做你
6. 我諗唔明點解上個月你去借銀行 3 萬，其實你借左幾多，有幾多羅去還錢，有幾多羅去用？

唔好意思，我個人覺得你重有野未講。

---

作者: katie    時間: 3-5-2014 22:08

admin 發表於 3-5-2014 21:31
我都好小睇 post羅。

樓主。我睇完真係唔係好明，人大左，理解力低左，樓主真係要可憐下我呢個老人家。

1. 你爭乜卡數。一個月要還 3 萬 min pay？    一個月本身要還銀行三千幾 ,三萬是上月借來cut一張卡

2. 你其實爭人幾多？
     現在十三萬(已包所有數) 之前二十萬..

3. 你點駛你份人工？
    三千幾還卡數,三千家用,二千還屋企

4. 你呢一年，你駛左錢去邊？家人點幫你？點解你會不停去 check TU?
      家人這一年還了五萬,check tu是今月6萬沒辦法所以去試借 ><

5. 如果你真係爭人 10 幾個，你月入1 萬，我諗唔到原因要去破，同埋銀行點解會做你
     之前叫銀行cut卡,六萬多,時間太忽然 依家改口說分期,銀行不肯再借

6. 我諗唔明點解上個月你去借銀行 3 萬，其實你借左幾多，有幾多羅去還錢，有幾多羅去用？



     三萬上月借來cut左一張卡

唔好意思,我好急好亂所以講唔清楚><

---

作者: 笨笨狼    時間: 3-5-2014 23:12

katie 發表於 3-5-2014 21:25
多謝你回覆左甘多>< 我真係孤立無援 唉
今朝上了三姓律師行 因為係免費諮詢 所以得個顧問見我 我同其中一 ...

不要客氣, 在網路世界都可以相遇, 只是互相幫忙而已.
(以前我租房子的房東很好, 我離開時對他們說, 真不知道如何感恩才是,
房東告訴我, 不要記掛在心上, 今天他們幫我, 明日只要我也去幫助別人就是最好的報恩了.)

聊回你的事件, 最少是有一個家人肯去6C那邊看看,
雖然可能是最沒有影響力的一個成員, 不過在策略上就會有化學的變化,
1)見過6C, 他們會了解一些真相, 比方原來很有可能要還上數仟元,
那麼他們原來的計劃就會有改變, 比方他們可能會想不用還,
那你每個月還五六仟給他們也可以了, 但原來會被盡量扣錢的,
那麼破了他們也沒有什麼好處了.
2)原來有可能被關的, 誰會去亂試呢?
3)原來6C收費不是很貴, 那為什麼還要選顧問加6C呢?

也許就是有了化學變化, 剛才你的家人才會給你另一個選擇,
現在你可以試的方法是, 和他們講好數, 如何去幫你, 如何在最有利相方的情況下,
不用老破, 而你又可以還到錢給他們.

不妨告訴他們, 要強迫被銀行去扣你的人工好, 而他們又無法收到還款.
還是把這些錢都用來還給他們好呢? 更狠的方式是:
銀行收你的利息, 倒不如由他們幫你全清, 之後連利息加本金還給他們,
每月直接給他們五/六仟元...........
(類似這樣的, 就是談判技巧了, 用最好的資源互相有利, 而不是互相損失.)

---

作者: flypig    時間: 4-5-2014 08:37


成單野好似係家人改變心意﹐你又爭唔落﹐亦無咩好喊。家人起碼俾左60K
1你有幾個戶口﹖搵一兩間最熟的試下做結餘轉帳
2 如果借唔到﹐就再問銀行借﹐唔好問1間借60K﹐問3-4間借20K。就算無戶口﹐都可以上去
3 你問題在於時間。其實拖佢半個月唔難﹐話
有筆錢番緊。到時搞唔掂先破
4 債務重組最on9
5 你顧問收幾錢﹖小心斬你

---

作者: flypig    時間: 4-5-2014 14:15

katie 發表於 3-5-2014 21:17
之前屋企人說替我還埋這筆,所以叫銀行cut卡,
但忽然屋企話不還了,要我破產,不過依家銀行就一次過要我還番 ...

1你幾時要還﹖
2 好多Loan兩星期過到數
3 一間借20K﹐3間60k

---

作者: katie    時間: 4-5-2014 14:36

flypig 發表於 4-5-2014 14:15
1你幾時要還﹖
2 好多Loan兩星期過到數
3 一間借20K﹐3間60k

唉，我都知自作自受架啦，依家冇人冇物
citi, dbs,大新 reject左我，恆生35000可能得，但0.08%
條數今月19号要还

---

作者: katie    時間: 4-5-2014 14:40

笨笨狼 發表於 3-5-2014 23:12
不要客氣, 在網路世界都可以相遇, 只是互相幫忙而已.
(以前我租房子的房東很好, 我離開時對他們說, 真不 ...

嗯嗯 初步可能唔迫我破
不過今月筆數要自己死掂
以後成份糧除分期外要全部俾佢地
唉 其實都係迫緊我自破
我會好好考慮運用師兄建議，希望至少過到今個月，
真係好辛苦

---

作者: 笨笨狼    時間: 4-5-2014 16:08

katie 發表於 4-5-2014 14:40
嗯嗯 初步可能唔迫我破
不過今月筆數要自己死掂
以後成份糧除分期外要全部俾佢地

基本上, 人的思考方式是很直線, 解決問題的方法也是見一招解一招, 也主要是解決眼前的問題優先為主.
不過在行政決策為主導的思考方式, 以遠見為主題, 就是不單要解決眼前, 也同時解決未來一段時間的問題.
當然, 問題在人數越多的時候, 變數就會越多, 困難程度就會增加了.

不過, 在分析行動前, 有一些很簡單的條件, 可以提示你可以選擇什麼的方式:
對自身的條件:
1) 以最少的資源, 完成最大的效益.
2) 以力打力, 把被動變成自身的主動, 把別人的強迫變成別人的自願.
3) 以自身未來的得失來分析眼前什麼對自身最有利, 同時要減少自身眼前及未來可能出現的危險.
對於對方第三者, 人有三大類:
1) 損人不利已.
2) 損人利已.
3) 互利互惠.
基本上, 第一類的人最少, 遇上了只能避開攻擊, 自己想辦法, 千萬不要給對方有機會落井下石.
而第二類最多, 第三類最聰明, 不過在方法上, 第二類和第三類是一樣的,
差別是你要花多少口水和時間來遊說對手.

以下是你的個人財務分析:
假如你一個月是一萬收入, 如果條件是家用照給, 每月還四仟, 那麼一個月就給7仟家人,
如果可以分4-5年時間, 4K*60=24萬, 家人幫你出了6萬, 如加上再幫忙現在的13萬, 加起來才19萬.
那麼對他們來說是百利而無一害, 而且家用仍然有承擔, 多給她們的算是感恩和報答.
對你而言就解決了銀行的壓力, 又沒有破產的副作用, 這就是真正的互利互惠了,
而你的承諾就是不能再借貸, 也要把所有卡取消, 好好的省活5年.
如是者, 總好過4年或以上的老破/重組, 也沒有了副作用.

---

作者: flypig    時間: 4-5-2014 17:52

笨笨狼 發表於 4-5-2014 16:08
基本上, 人的思考方式是很直線, 解決問題的方法也是見一招解一招, 也主要是解決眼前的問題優先為主.
不過 ...

樓主家人我估係控制喜好者﹐好可能是女的﹐你講D唔岩呢種情況

---

作者: 笨笨狼    時間: 4-5-2014 22:16

flypig 發表於 4-5-2014 17:52
樓主家人我估係控制喜好者﹐好可能是女的﹐你講D唔岩呢種情況

如果師兄有細心分析樓主的留言, 你就會了解我的意見了,
如果真的是只控制, 是不會不理智的行動.
其實, 在當中可以看到的是他們/她們害怕損失, 所以才要樓主老破,
而更正確的是, 就算老不老破, 他們都希望樓主可以先還給他們,
所以, 那不是控制, 而是樓主的地位是家人中最小的, 所以沒有太多發言權.
而擔心借了的錢沒有得拿回, 所以才要求樓主同步還款而已, 這是人的正常心態.

不過, 最終都是一家人, 只要互利互惠, 是有方法來談判的.

---

作者: 笨笨狼    時間: 4-5-2014 22:27

flypig 發表於 4-5-2014 17:52
樓主家人我估係控制喜好者﹐好可能是女的﹐你講D唔岩呢種情況

如果, 真的和師兄所言, 相信樓主的故事不會有所變化,
因為一開始是家人相信顧問, 就立即停下支援, 一定要老破.
之後, 我和樓主有提小意見, 請他們家人和樓主一起去見6C而不是顧問.
而樓主也剛好有做此行動, 而見了6C之後, 樓主家人原本一說不異的決定卻突然轉變,
反而提議樓主可以不老破, 不過也要答應他們的私人還款要求,
另外是現有的問題是不會幫忙. 其實, 這已經在說明是錢財的問題/要求了.

所以我更相信, 如果只為了金錢, 害怕有更大的損失, 那麼事情就一定有轉機,
好好的聊, 就一定會有解決的方法, 而我之大膽給樓主假設建議,
就是可以看看可以到達甚麼的底線, 一家人可以如何有最大的效益,
而不會把金錢流給家外的人...........

---

作者: admin    時間: 4-5-2014 23:57
樓主及各位，我只有小小意見。
1. 分開借其實唔可行。而家 TU 咁的樣，借到第一間已經好難，第2間就唔駛諗啦。老實講，第一間去到銀行借，我諗都無機會。大家過來人，心照銀行點計分。我只可以講：點都好，千奇唔好問財仔同中介，除非你想死，真係會死。
2. 如果可以，你可以叫你家人上來睇下個討論區，比佢知道多點破產資料。我諗好過你講。都好過聽律C，同顧問講。佢地要明白，顧問同律C係以生意行先。
3. 以你個情形，如果老破，自已做好過。你情形又唔係複雜。
4. 19 日到期我建議你
a. 找份 part time 先，先有多點收入，才有野講，理應一個月多1千唔難。你怕辛苦，我無野講。
b. 駛費：我唔知你實際情況，但係我試過幾 100 一個月。用唔超過 500 一個月。(唔計車費)。早，午餐都係食包！夜晚食屋企。幾年。做得到的。唔好話唔得。而且你個情況只需一兩年就得。
c. 咁你一個月應該有接近 10000 還錢。
5. 老實講，我唔清楚。但係我想，你可以一方面同銀行講數，另一方面同家人講數。

---

作者: flypig    時間: 5-5-2014 09:59

笨笨狼 發表於 4-5-2014 22:16
如果師兄有細心分析樓主的留言, 你就會了解我的意見了,
如果真的是只控制, 是不會不理智的行動.
其實, 在 ...

呢種CONTROL 心態,香港女性常有.男性就視乎運氣.
如果真係PURELY 為錢,就唔會借5萬出黎.要佢一個月還兩K,就係一方面照,另方面要教訓樓主.
借借下唔借,就係 心意轉變.以前叫 5時花,6時變.

如果真係以上情況,樓主只要扮死9,到時2K 欠住先.最多俾人疲勞轟炸,單單打打,真係潑X 怕死9.

最後,我非常同意CHING 所講,要揾6C, 唔好信顧問.唔係家人以為顧問所講為最好.樓主就慘了.

---

作者: kumiko1030    時間: 5-5-2014 17:12
其實我有望過下，不過我又唔係好太明白點解會信顧問呢？我一心之前想清數，去過一間顧問，當時咩都唔知，我只知講的一回事做的一回事，到最後因為感覺不太良好，用了excuse甩身了，名冇簽到，因為都唔知收幾錢！

反而真係真心去搵律師俾一批律師費睇下可唔可以做到綜合債務舒緩，我覺得咁樣落去唔係辦法，自己去傾成功機會應該冇。之前我阿媽都係咁話俾又唔俾講咗話幫之後又話自己冇話幫過，你真係要諗一諗我覺得破產唔係一條出路，我捱40個卡數都可以以13K收入捱到兩年幾，其實只要用綜合卡數方法真係可以諗諗，為十萬破太嘥了！

人工高的part-time誠意推介馬會，最近投注站請人請得好鬆因為我地真係唔夠人用，你可以試下去問下！時薪都成45架！

---

作者: katie    時間: 5-5-2014 22:30

kumiko1030 發表於 5-5-2014 17:12
其實我有望過下，不過我又唔係好太明白點解會信顧問呢？我一心之前想清數，去過一間顧問，當時咩都唔知，我 ...

多謝甘多位意見><綜合更新情況

我依家到屋企都受緊疲勞轟炸
耳仔無停過 咩難聽說話都受晒 只有沈默應對
就頂唔順 唉 看你地意見係我僅有的安慰....

屋企人一定一定不會再幫了,只有鬧同鬧 鬧完又鬧
講到明除左分期外要收四千 反正我不抱任何希望了
我今日再問左一間銀行試分期 看下過兩日有沒結果啦,
二線真心唔敢碰 唉結餘果D今個月應該都不成 利息超高 貴過分期
part time我會找呀 同埋積極找轉工 希望快D跳糟有多少收入加啦....

成份人工都無了...
依家頂得一日得一日啦. 屋企人就等住我自破,

多謝你地T.T 我會日日上黎希望有正面消息

---

作者: 笨笨狼    時間: 5-5-2014 22:51

katie 發表於 5-5-2014 22:30
多謝甘多位意見>

加油啊, 另外您有決心就好, 記得, 千萬不要找二線, 就算破了, 他們也不會放過人的.

---

作者: katie    時間: 5-5-2014 23:04

笨笨狼 發表於 5-5-2014 22:51
加油啊, 另外您有決心就好, 記得, 千萬不要找二線, 就算破了, 他們也不會放過人的.
...

明白>< 所以今日再試恆生 明知無望我都不敢再找其他....
如果屋企人都仲有商量或者好行D啦
現在反晒面爭在未迫我搬 只有靠自己信念 但願過左今月好少少...

---

作者: kumiko1030    時間: 5-5-2014 23:04

笨笨狼 發表於 5-5-2014 22:51
加油啊, 另外您有決心就好, 記得, 千萬不要找二線, 就算破了, 他們也不會放過人的.
...

對呀，二線千祈唔好試

---

作者: katie    時間: 5-5-2014 23:08

flypig 發表於 5-5-2014 09:59
呢種CONTROL 心態,香港女性常有.男性就視乎運氣.
如果真係PURELY 為錢,就唔會借5萬出黎.要佢一個月還兩K, ...

男果兩個屋企人最迫我囉 哎
所以現在淨還家人也4K了
我要支持住 他們話我一還不到就會告我=.= 我費時又嘈交 只好無言...

---

作者: kumiko1030    時間: 5-5-2014 23:11

katie 發表於 5-5-2014 22:30
多謝甘多位意見>

其實你不如試下有冇社工幫到你，用家庭問題試下申請一人單位公屋，你有冇諗過搬去向晴軒暫住，之後再諗辦法？因為你宜家D屋企人擺明就係想迫死你，佢單打你你大可以單打返佢地！

如果我係你我係會試下探口風一句就車埋去問佢係咪咁想我破產？得我破，不過你地借俾我D錢我會照寫埋落去呢四年我唔會返工唔會做野，你地唔使旨意我呢世會還返一分一毫俾你地！

---

作者: 笨笨狼    時間: 5-5-2014 23:40

katie 發表於 5-5-2014 23:08
男果兩個屋企人最迫我囉 哎
所以現在淨還家人也4K了
我要支持住 他們話我一還不到就會告我=.= 我費時又 ...

是大哥定姐夫? 他們不知道, 這是小額錢債, 要自己出錢才可以告人的嗎?
就算勝利, 敗的一方出不起錢要坐牢, 牢獄費用都是告人者出資的............
看來, 他們是沒有受過太多教育的一代.

不要想太負面, 如果真的要玩, 現在你是石頭, 他們是寶石, 硬對硬是他們吃虧,
而且, 除非是事先有立約, 不然要告也不一定會勝利, 反而要付堂費說.

---

作者: 笨笨狼    時間: 5-5-2014 23:54

kumiko1030 發表於 5-5-2014 23:11
其實你不如試下有冇社工幫到你，用家庭問題試下申請一人單位公屋，你有冇諗過搬去向晴軒暫住，之後再諗辦 ...

真的很狠啊, 不過還可以更狠的........... 不過不想教壞你們年青人.
用正面去看事情就可以了, 而師妹教去申請一人單位是可行的,
不過除了要社工出面, 還要有警察局備案, 如果樓主本身住的是公屋那就更有利,
因為可以用分戶為理由, 派到一人單位, 房署和社工還會為當事人保密地址.
(我朋友試過成功, 而我當時就是沒有和家人吵過, 也沒有吵到報警,
房署就認為我沒有理由分戶了, 就算多個社工出面也沒有用.)

不過把事情弄大了, 大家只會不歡而散, 當然可以找到最好保護自己的方法,
代價是斷六親, 只能自己一個人生活, 這種苦不好受, 我和數位好友也曾經如此,
家人變成了敵人, 其實也會很悲哀的, 我和另外兩位男生有幸找到好太太,
所以才得回新的家人, 像我更有一大群新的親戚, 而且很有人情味的.
而同樣, 另一位女性好朋友就沒有那麼幸運, 只有一人面對,
我們想幫忙也沒有能力, 只能為她祈禱而已. 那麼這樣的代價真的要試嗎?

---

作者: 笨笨狼    時間: 5-5-2014 23:59

katie 發表於 5-5-2014 23:04
明白>< 所以今日再試恆生 明知無望我都不敢再找其他....
如果屋企人都仲有商量或者好行D啦
現在反晒面爭 ...

如果真的要搬, 吃虧的可能是他們, 就如師妹說: 連他們也報債權人,
他們一分錢也會拿不到, 這又何苦呢?

KATIE你的良善, 上天會恩待你的, 加油.

---

作者: kumiko1030    時間: 6-5-2014 02:22


我都只是出於真心以黑搏黑膽搏膽而已，我可能做人非黑即白，冇咩灰位，呢個係我典型天蠍座的性格！其實，我覺得如果家人支持好重要，既然有其他的解決辦法點解仲要誤信讒言害我一生呢？其實路可以行多條出嚟，點解要咁逼我冇商議餘地

其實樓主你可以放心，你唔還返個全數俾佢地佢地冇你辦法，正如師兄所講是小額錢債，所以我才會勸樓主分開住。當然分開是最好的，因為可免卻爭吵煩惱，我會選擇出走只是因為佢地不停迫我還錢，睇死我唔會走我先會咁做，順便俾個下馬威佢地睇下囉，嚇下佢XDDDDDD

把事情鬧大只是希望佢地明白係佢迫我我冇得選擇........因為我想傾只係佢地唔理我的前途=-="

---

作者: kumiko1030    時間: 6-5-2014 02:41
我相信佢地都係黑食黑知你咩性格所以大返你，你宜家就係要先發制人，搬咗出去搵明愛嗰邊D輔導傾咗先，睇下可以點行佢地個到有三姓律師樓幫手分析，所以我先諗住你暫住嚮佢向晴軒到等佢地有社工follow你睇下點幫你解決問題！
因為你D家人就係睇住你的弱點攻擊你，佢地話告你，其實我可以話俾人知你冇簽過借據冇證據佢地借咗錢俾你你還俾佢地係因為你仲有良知，你唔還俾佢地佢地其實都奈你唔何，你不仁的我不義囉！要告我都要有證有據，更何況佢地要填一堆野先可以告你拎返嗰五皮，如果你一期唔俾錢佢地佢地真係咁做的話我覺得這不是家人所為，所以可以反面
十幾萬送上自己的前途我真的覺得可惜，快些離開那個是非之地吧........

---

作者: flypig    時間: 6-5-2014 18:08

katie 發表於 5-5-2014 23:08
男果兩個屋企人最迫我囉 哎
所以現在淨還家人也4K了
我要支持住 他們話我一還不到就會告我=.= 我費時又 ...

告仲好,刑事告唔入.佢地科水1萬幾幫你老破.省番.

話時話,我屋企都有CONTROL FREAK. 只有死9喇.一還拖仲大WATT>
要保持EQ,當呢個係一個GAME.你一嬲,反面,就輸........

搵份PART TIME. 同埋千祈 唔好搵:1 顧問,2  2-3線財務.
到時你惹D 大耳LOAN 收數番屋企. 怕你屋企個兩件同你死過.

你到時外就收數, 內就 兩件.... 你邊度都唔駛去了.

---

作者: katie    時間: 6-5-2014 23:59
你地正正講出我心聲
是的~仲話咩可以單方面提出我破產! 傻的嗎..
不過我就是不能還拖,, 佢兩个有D狂燥 少少野就喊打喊殺但佢地喺社工面前好正常 而且為左我媽 我不能搞大件事 哎
同埋在依家欠債情況下 要搬更難上加難
佢地真係冇人顧我前途，，
我多謝曾經幫過我 但要咁樣日日受氣同人生攻擊真係...

可惜我又冇另一半，唔係可以諗結婚搬走...

---

作者: kumiko1030    時間: 7-5-2014 03:20

katie 發表於 6-5-2014 23:59
你地正正講出我心聲
是的~仲話咩可以單方面提出我破產! 傻的嗎..
不過我就是不能還拖,, 佢兩个有D狂燥  ...

佢兩個同我老母係同一類性格！一模一樣，對外就好正常要做個樣俾人睇嘛！

慶幸我係獨女，我已搬離屋企住在自己的小天地，爭吵也少了很多，因為見唔到就避到嘈交了=3="

破產講到好似離婚咁，我單方面提出破產 要入稟架喎仲要去高院你D屋企人係咪俾許生影響咗

---

作者: 笨笨狼    時間: 7-5-2014 11:36

katie 發表於 6-5-2014 23:59
你地正正講出我心聲
是的~仲話咩可以單方面提出我破產! 傻的嗎..
不過我就是不能還拖,, 佢兩个有D狂燥  ...

樓主, 有一點你要小心, 直覺上你那2位親家人有問題, 也許他們真的有狂燥症,
不過, 他們可以在社工面前很正常, 那就是他們的控制能力很好, 有心要對付你了.
所以, 現在你在明, 他們在暗, 看來, 他們是不會和你談條件的. 如果他們有心對付你,
那不會管你的死活的, 我當年也差點自殺. (我當時保單受益人就是害我的家人.)

只是好奇一問, 樓主是否很孝順, 一直站在母親一邊保護她, 偶而會因為母親和他們意見對上呢?
(如果真的有此情況, 就會是我的翻版, 先解決我再對老人家出手..........)

(之前我的家人就是如此, 超用機心的, 在外面對我的社工和教會,親友面前都扮好人,
一直騙其他人說有協助我, 其實她們只給我過1仟元看醫生, 就對全世界說幫了我數萬元,
任何人都不能幫我, 一定要用她們所指定的方法老破(其實是犯法的), 如是者,
還找一個有做社區服務的傳道人, 說已經有6C在跟我的案件, 不能再找其他的6C,
她們就用此方式控制我, 一直拖延了快兩個月, 最後拖到讓收數佬出手,
把罪都推在我身上, 就說我一直不和她們合作, 是我不肯老破說,
(我當時其實一還光了手上的錢, 就和她們討論的, 如果他們真的要幫忙,
當時只要一個星期內就可以交表了, 當時我是要求借一萬多直接找6C說,
所以銀行根本沒有時間動手的.) 最終當我發現她們不對勁時, 我只可以和他們斷六親,
自行找最好的朋友幫忙老破的費用, 直接找6C速戰速決. 直到現在,
我也沒有再和我全家族的人聯絡過, 到現在我仍當上了家族的大罪人,
這也沒有辦法, 只好都當她們死光了....... 唉........)

---

作者: 笨笨狼    時間: 7-5-2014 11:54

kumiko1030 發表於 7-5-2014 03:20
佢兩個同我老母係同一類性格！一模一樣，對外就好正常要做個樣俾人睇嘛！

慶幸我係獨女，我已搬離屋企住 ...

是利益關係吧, 有時, 不一定是錢的問題, 而是因為是個人阻礙了一群人的計劃,
這當然要對付了, 而且還要那個人永無翻身之日, 因為做壞事的人心裡會有鬼,
會怕被人報復............

也許師妹不知道香港有個法例, 只要全家的孩子都簽署, 就可以棄養父母,
把老人家的生死交給政府處理, 十多年前我其中一個姐姐就游說我簽這份聲明書,
而我把她教訓了一頓, 當時因為我環境好, 她們再沒有在我面前提起這件事,
最終到我有難時........... 就死得不明不白囉............

不過, 很奇怪, 在香港越來越多這種問題家庭, 我看過很多例子了..........
這些事情真的讓人很心疼難過.........

話說回來:

樓主: 不管你家人是有心定無意, 你要考慮一下保護你自己, 而且你仍青年.
另外, 老人家的事, 有時你想保護都保護不了, 如果你自身先不把問題解決,
當你能力完全失去時, 就只能以坐以待斃. 最好的方法是, 先讓自己有機會休養,
才可以進行下一步棋, 當死棋了, 你還可以做什麼.

---

作者: kumiko1030    時間: 7-5-2014 16:39

笨笨狼 發表於 7-5-2014 11:54
是利益關係吧, 有時, 不一定是錢的問題, 而是因為是個人阻礙了一群人的計劃,
這當然要對付了, 而且還要那 ...

我都是簽了衰仔紙，沒有養父母了！不是不養而是沒能力，幸好父母都明白我要這樣做對他們才有保障

---

作者: 笨笨狼    時間: 7-5-2014 17:30

kumiko1030 發表於 7-5-2014 16:39
我都是簽了衰仔紙，沒有養父母了！不是不養而是沒能力，幸好父母都明白我要這樣做對他們才有保障 ...

師妹, 如果當子女的, 沒有能力, 被迫簽衰仔紙, 這是沒有辦法中的辦法, 老人家生活反而有保障.

可是我的家族, 父母生了六個孩子, 她們又生了一群他們的孩子, 她們有當老闆的, 有當銀行經理的, 也有當公務員, 有當高級護士, 有當教師的........, 妳說, 他們每家人一個月才給父母數百到二仟左右, 也用父母的免稅額, 大多買了房子, 有過仟呎的, 卻計劃要聯手簽衰仔紙, 只有我和父母同住公屋, 我一個月花在家中支出差不多是他們給父母的總和. 所以才會背上債務. 試想, 這群不孝子孫要聯手簽衰仔紙(之前是因為我和父母同住, 我不搬走, 不簽署, 她們就沒有辦法可言.)..........唉..........(他們每年出國旅遊, 買3C/名牌的錢都比給父母的多很多........)

在家中, 只有媽媽知道真相, 為了怕父親受不了(因為父親很疼她們, 和信任他們), 所以, 這風波被蓋了十年, 直至媽媽突然去世, 我又轉惡運, 沒有能力保護父親(反正他也不會信我說的), 所以她們才再次革命囉........ (難道她們不信報應的......), 而老爸在媽媽過身後不久, 就找上了一個和我同年的女生, 每個月花萬多來買有害的健康食品, 我出面阻止, 她們卻出面支持, 因為花的是老人家的儲蓄........., 當時我真的無力了......, 如果不是太太和外父一家人接我到她國家住, 恐怕今天也沒有機會和大家分享了.

現在, 我太太和這邊的家人時常安慰我, 說都已經盡力支持了二十年, 老人家也曾活得安樂過, 最少媽媽死之前, 還深信她的孩子會改過, 所以算是善終. 太太她們認為我已經盡了當兒子的孝道和責任了.

---

作者: 笨笨狼    時間: 7-5-2014 17:51
樓主, 我們在你的版面說了那麼多私人事, 也許實在太多言了, 不過, 從這些過來人身上,
你也許可以看到, 人總要有取捨, 無論決定了如果, 那就努力在那條路上找最安全的方法來走吧.........

---

作者: katie    時間: 7-5-2014 23:41
不會佔位呀 其實好多謝你地肯同新來的我分享甘多><
一直看都有好大鼓勵 雖然我呢排回覆不到好長
但覺得每看一個留言都加左能量
真係慶幸至少有來這個論壇 好開心有人傾下><

我一向都同家人冇乜緣 思想做法從來格格不入><
你們說的對 佢地外人面前是好好先生 我講出去佢地曾經用凳打我都冇人信
話我怕事又好唔夠薑又好 總之我媽一日安好就得
只求和平共處 可惜一失足欠債就令呢D積怨爆發
依家後悔都冇用  惟有忍同忍
師兄師姊你地真係好堅強 遇上極品屋企人也能努力找到屬於自己的生活! 相信以後會越來越幸福!
我都要同你地學下 希望捱過呢關有好日子><
同意其實同屋企人不合就不合 跟本不關不孝事囉

---

作者: 笨笨狼    時間: 8-5-2014 00:58
看到你的回應, 感觸很大啊, 您說的話正是我昔日的寫照:

話我怕事又好唔夠薑又好 總之我媽一日安好就得
只求和平共處 可惜一失足欠債就令呢D積怨爆發

我之前也是如此, 不過回想起來, 最少我有盡力去當一個好孩子,
對於家人來說, 可能我是笨得可以, 其實我很清醒, 她們以為什麼都在她們控制之中,
我只是為了媽媽, 把氣忍下去而已, 當媽媽走了, 可是發現到她們仍然不悔改,
當時我發病, 只是因為失去了媽媽, 和看到了無藥可救的一家人, 所以才受不了.

其實, 無論是我的家人又或是樓主的家人, 他們之所以如此, 是因為心靈已經敗壞了,
最終是一種無形的毒咒, 也許他們想從弱小者中討好處, 但這毒咒會一代代的轉下去,
現在當我逃脫了家族後, 細心去想, 原來這種思想一直留在父系的家族之中,
從曾祖父開始, 每一代都在上演相同的戲碼........一直重復著, 對父母的恨意,
兄弟相害, 把恨意留給下一代, 這種故事最少已經有六代了.......

其實不要害己害人, 最好的方法是脫離這個毒咒之中, 我不知道她們明天會如何,
最少我努力過了, 沒有重復家族所犯的錯和恨, 也有盡力對照顧長幼,
現在我只在另一個世界中追求人生的真善美, 和告訴有緣人要掌握自己的命運.

我不是什麼的聖人, 我只是一位平凡的笨蛋而已, 連笨蛋都可以成功,
所以樓主一定可以突破到的, 最重要的是一直要從正面去思考, 不要給負面的情緒控制自己,
好好加油吧.........

---

作者: 謝滿蘭    時間: 9-5-2014 16:47
挨唔到就自行破的。。。唔洗大壓力

---

作者: kumiko1030    時間: 10-5-2014 03:58
其實我是幸運的一個

---

歡迎光臨 破產聯盟 (http://hkiva.org/)

Powered by Discuz! X3