破產聯盟

標題: 新人一問.. [打印本頁]

作者: 戰魂 時間: 11-4-2014 05:35
標題: 新人一問..
我想問一下
我爸媽搞緊離婚
咁我就前日俾左臨時租約按金(租屋)
咁我就諗住租左屋再搞破產(因為我媽去左朋友度住{返工問題}) PS!! 租單度係填我名!!
我就同我細妹諗住個間租既屋 (其實租金可唔可以當生活一部分?)
同埋如果
生活一部分
租套房(租金)可以填生活支出一部分嗎?
同埋我仲有D野想問
生活支出我應該點樣填?

我差渣X信用卡8萬幾 (2013年10月份的事)  PS!!! PS!! 封信話會收數公司會收30% $
佢寄過信話搵收數公司追我數(我一直冇理會)
跟住A收數公司係咁寄信叫我打俾佢X先生小姐(我都冇打) 2014年1月  [封信有標明  渣X委託]
之後應該轉左B公司寄信黎叫我打俾佢搵X先生小姐(我都冇打) 大約2014年2月  [封信有標明  渣X委託]
最近連A B公司都冇寄信黎話打去搵邊個
但最近有一封匿名既信寄黎我屋企話打俾個個X先生話什麼了解澄清事件 (因為A B公司之前寄信黎都標明話渣X 委託佢地! 而呢封匿名信就冇寫邊個委託)

PS!! 之前我上過渣X  網上理材信用卡欠債都有寫幾錢幾錢但近排就冇寫了
咁如果我申請破產個陣我係拎返之前渣X個張欠款信去申請破產嗎?
同埋我想知渣X 委託收數公司 (要俾30% $) 咁我又冇收數公司既欠單
咁我其實係拎住渣X 封欠錢信去申請就OK嗎?

因為拖拖拉拉都差唔多有半年時間  同埋租屋個度(會影響我申請破產嗎? )
家庭破產令我十分咀喪!~
我希望真係想盡快解決希望各位師兄可以講解多D我知
真係唔該晒~

作者: QAQAQA 時間: 11-4-2014 08:56
請問你是否只欠8萬幾???為什麼你不試下跟渣打傾可否分期還返?
為左8萬幾而破產會唔會有D衝動呢

作者: 要破產 時間: 11-4-2014 11:31
照你咁講，渣x追數都好文明，咁多個月都唔上門追債。我都系欠渣x錢，希望一頭半個月唔好上門追數。

作者: 笨笨狼 時間: 11-4-2014 11:58
只要銀行交了給收數公司, 收數公司的費用, 銀行都會入在你的欠款之內.
不過當破產申請一交上法院, 理論上追數公司都不能再追討款項了.
如果是自己申請破產, 自己就要通知債務人, 如果是由6C處理, 6C會代出通知信.

不過, 你的欠款不太多, 如又有正常收入, 也可以考慮債務重組.
申請破產雖然會比較輕鬆, 合理的支出是可以計算生活費的(記得要誠實填寫資料, 因為要承擔法律責任的), 不過限制也會比較多, 其實也不會很好受.

作者: 戰魂 時間: 12-4-2014 03:12
請問我E+上去渣X(網上理財)度睇欠信用卡款項個度直頭連資料都冇
咁係咪代表渣X條數賣左俾大耳龍?
咁其實8萬+30% 都有成10萬都有半年前...
咁半年後應該欠款都有15-20萬?
債務重組係搵律師嗎?

師兄其實欠款太久渣X搵左收數公司
其實可唔可以搵返渣X傾分期還款?
如果搵係上渣X是但一間分店搵? 同搵邊個傾?!

請問師大們...咁其實我想知我E+到底欠渣X錢 + 收數公司錢?!
我上去渣X網證睇理財點解會冇顯示我欠信用卡錢?!

作者: 戰魂 時間: 12-4-2014 03:24
同埋如果我破產前可以租屋嗎?
到時填支出表租屋部分會批嗎?
如果唔批我同我妹就沒地方住了...

作者: kumiko1030 時間: 12-4-2014 04:44
正常冇可能唔批你租屋，你可以租咗先，之後寫返嚮支出表姐！一樣咋嘛=口=" 你實報咪冇問題囉，我呢排都諗通咗好多嘢，破產只係因為自己唔識理財，咁破咗節制同慳返D錢，可能破完產可以儲到錢添XDDDD

你真係租咗先，住係必需的，更加冇理由唔俾你，唔通叫你瞓天橋底咩！其實你八萬幾蚊破產真係好似浪費咗，正常一個月還3000，5年都還晒啦=口=" 真係諗清楚先，你人工幾多呢？

作者: kumiko1030 時間: 12-4-2014 04:48
你問我地我地都答你唔到，條數係渣打計，你咪去同佢傾囉，講真八萬去老破真係........你可以試下DRP會好D，當然搵律師係最好，佢會話俾你知成功機會有幾多，不過講到尾你一個月人工幾多先？如果還款係佔你人工8成你都係破產算啦！

作者: QAQAQA 時間: 12-4-2014 09:09

戰魂發表於 12-4-2014 03:12
請問我E+上去渣X(網上理財)度睇欠信用卡款項個度直頭連資料都冇
咁係咪代表渣X條數賣左俾大耳龍?
咁其實8 ...

其實你直接去銀行問啦,上網睇唔返一D都唔出奇,銀行都已經交左比收數公司!其實你最直接就係搵返銀行佢先直接解答倒你所有問題

作者: QAQAQA 時間: 12-4-2014 09:10

戰魂發表於 12-4-2014 03:24
同埋如果我破產前可以租屋嗎?
到時填支出表租屋部分會批嗎?
如果唔批我同我妹就沒地方住了... ...

沒地方住就要租屋,唔會話唔批架
你問左銀行可否分期還返先再諗其他啦!

作者: 笨笨狼 時間: 12-4-2014 23:09
租屋和申請破產沒有直接關係吧, 是生活必需的.
要知道欠款數字, 只有兩個方法, 1是直接和銀行討論, 2是交6C處理, 是要老破定可以債務重組, 他們會給你意見.
之前我同學在老破前, 去銀行還過期欠款, 銀行職員直接提議他去老破.
而我自己是交給6C, 由6C出面的, 最後才知道銀行把收數公司的費用第一時間加在我的欠款上.

作者: 戰魂 時間: 13-4-2014 07:46
各位師兄如果破產需要文件係? (多數交俾律師處理)

作者: flypig 時間: 14-4-2014 08:34

戰魂發表於 13-4-2014 07:46
各位師兄如果破產需要文件係? (多數交俾律師處理)

1 你月薪
2 你欠款
大家研究下有無需要老破.
文件係破署個WEB 有. 自己搞就9K+,6C 有平有貴.15K 左右.

作者: 好日子 時間: 14-4-2014 11:53
申請破產要萬多圓，你欠8萬多？

你想申破就去吧，只需交代渣打原本欠款

租屋當然可以，是生活費一部分

作者: 笨笨狼 時間: 15-4-2014 11:04
另外也準備你的所有生活支出的單據(水電費,租金,租屋合約等), 因為在6C幫你申請時, 他們大都會教你填寫一份收入支出報表,
一般6C都會教你填寫最大的支出, 不過到了頒令後的初步討論生活費時, 破官/外判大都會批准你的數字會少於申請時的數字,
有支出單據會比較好爭取, 因為對上不同的破官/外判, 各師兄們可以獲得的生活費都會有差異, 有人可以有一萬多, 有人也會只判少於五仟的生活費.

作者: 戰魂 時間: 15-4-2014 18:14
我月薪是11500 未扣MPF
8萬是半年前的帳單(未加收數30%)
咁半年後實數真係唔知幾多!
同埋我唔知道渣X有冇賣條數俾收數公司!
THX 各位師兄!

作者: 笨笨狼 時間: 15-4-2014 20:20

戰魂發表於 15-4-2014 18:14
我月薪是11500 未扣MPF
8萬是半年前的帳單(未加收數30%)
咁半年後實數真係唔知幾多!

加了30%和半年時間, 10至12萬可能逃不了, 單一大兜而你的收入過萬,
會有一半可能給老外來處理囉. 一個月要求你還3000至4000, 4年可以還光光了.
(這只是我的猜測吧. 希望不會猜中了.)

作者: flypig 時間: 15-4-2014 20:35

戰魂發表於 15-4-2014 18:14
我月薪是11500 未扣MPF
8萬是半年前的帳單(未加收數30%)
咁半年後實數真係唔知幾多!

月入11K,欠款110K,你都係頂硬上喇.
呢D數有得傾架. 到時未必真係俾足30%.
1個月還4K,3年半可以清喇.

作者: leokk 時間: 15-4-2014 20:38
不要因為十幾萬破產囉...你月入都過萬喇...

作者: 戰魂 時間: 15-4-2014 21:50
各位師兄
咁我即係可以搵返渣X傾嗎?
半年冇理過佢地
佢地會對我既誠信還有嗎?
笨笨狼師兄請問老外既意思係?(賣左一半俾收數佬嗎? 黑社會個隻?)

作者: 笨笨狼 時間: 15-4-2014 22:46

戰魂發表於 15-4-2014 21:50
各位師兄
咁我即係可以搵返渣X傾嗎?
半年冇理過佢地

老外=外判, 有些外判是殺手, 即是扣我們的生活費很努力, 收債務也很努力.
(可以參考各位師兄對外判的討論.....)
討論分期還款也有兩種方式, 直接找銀行傾,
或6C/破署做債務重組, 其實其他師兄也是在提你重組問題,
如果收入穩定, 可以固定每月付一定款項, 不用老破總比老破好吧.
(在這兒也有師兄門對重組的討論, 可以去看看啊.)
其實選什麼方式, 最重要是每月的還款是否自己可以負擔得來,
我只能說各有好處吧. 像我因為數太大, 才只有老破而已.....

作者: kumiko1030 時間: 16-4-2014 01:15

戰魂發表於 15-4-2014 21:50
各位師兄
咁我即係可以搵返渣X傾嗎?
半年冇理過佢地

其實你有11000一個月都唔使老破啦，就算差15萬你每個月還4k應該五年內實還清啦，無謂搞到自己咁麻煩，又多制抓

作者: 戰魂 時間: 16-4-2014 06:08
因為我大約4個月前打過律師行問
佢話我渣X搵左收數公司就唔可以做什麼重組!

作者: flypig 時間: 16-4-2014 10:42

戰魂發表於 15-4-2014 21:50
各位師兄
咁我即係可以搵返渣X傾嗎?
半年冇理過佢地

呢D野你先試一下.
最後,如果你老破,最大損失係X打.
佢會考慮的.

唔一定得,唔一定衰.試下無妨

作者: 戰魂 時間: 17-4-2014 05:01
THX師兄
如果去問應該係分店都可以嗎?
同埋問邊個? 經理?!

作者: QAQAQA 時間: 17-4-2014 08:51

戰魂發表於 17-4-2014 05:01
THX師兄
如果去問應該係分店都可以嗎?
同埋問邊個? 經理?!

其實你去任何一間分行問,入面既人會有指示.........你還是快快實際搵銀行傾傾先

歡迎光臨破產聯盟 (http://hkiva.org/)