破產聯盟

標題: 找6C定找顧問 [打印本頁]

作者: andysoworst 時間: 10-4-2014 02:22
標題: 找6C定找顧問
我初初欠債成三十萬,我用了十年時間, 試過點努力,都是續借財仔去比家用,越滾越大,現在滾到百五萬欠債。人失了自信,寡言, 似隻過街老鼠,現在我是做公司經理,太太很好,我們有了兩個四五歲小孩。我近來信了主耶蘇,突然有個來電說是理想顧問,話幫我攪老破,但要成六萬至八萬手續費。我話冇錢,佢話幫我找信貸去分期。我話找6C平很多,她說6C不專業,不會認真去幫FIGHT和寫開支報表。我應否信她?我應該怎辦?我現在約七萬人工,她說我破產成功後,只需每月给債權人五千,真的嗎?請各位幫助,我真想走出困局。

作者: masaki 時間: 10-4-2014 07:34
不要再信顧問

作者: QAQAQA 時間: 10-4-2014 09:43
顧問講的真的不要信

作者: flypig 時間: 10-4-2014 09:46
律師唔專業,爛仔的顧問最專業??
佢地專業在點搾取受托人的一分一毛.
當你申破,理論上,你所有錢交由破署分配.你私自還錢俾顧問,已經好大問題.
因為你咁做,即係對其他債權人不公平.

作者: flypig 時間: 10-4-2014 09:55
你月入7萬作為經理,照計無理由唔識填開支報表.
呢PART 俾人做真係多9魚.因為所謂填表,一係你填完俾顧問,顧問幫你FAX 去外判.
一係你填完,自己FAX. 都唔明點解要隔多一重.

最可笑係,好多顧問收完人D FORM 同RECEIPT,結果費事FAX.... 搞到委托人好麻煩.

作者: 落難天使 時間: 10-4-2014 11:46
唔好搵顧問呀！一係搵律師，一係自己搞，我老公就係信錯顧問而家搞到一鑊屎呀！

作者: QAQAQA 時間: 10-4-2014 13:26

落難天使發表於 10-4-2014 11:46
唔好搵顧問呀！一係搵律師，一係自己搞，我老公就係信錯顧問而家搞到一鑊屎呀！ ...

我之前都係搵顧問....不過我最主要係浪費左更多既錢.......麻煩野又無咩

作者: kumiko1030 時間: 10-4-2014 17:17
我宜家去咗Y+石搞，等佢幫我做，因為涉及訟費，同埋望住A-H唔想煩，都係搵律師啦，俾4000蚊填表，平架喇，啲無料律師一粒鐘都收$2400

作者: kumiko1030 時間: 10-4-2014 17:19
俾幾萬顧問，不如俾萬幾律師包填表呈請同出庭啦！

作者: wvovw 時間: 10-4-2014 20:06

kumiko1030 發表於 10-4-2014 17:19
俾幾萬顧問，不如俾萬幾律師包填表呈請同出庭啦！

沒錯，我都系比萬幾律師搞掂，搞完無咩問題，都唔明幾萬個顧問可以食水甘深？？交完表之后就信個破產官，他話點就點，- =有問題同個官講。

作者: 笨笨狼 時間: 10-4-2014 21:03
我之前也是給律師處理, 很順利就完成了手續, 最重要的是要找信得過的就可以了, 如果她們是常處理破案的, 她們會從以前的案例提供意見給你參考,
最重要是文件要清楚, 要誠實的去填報, 不要有幸運的心態, 當時通過破產後初步接見我的也是外判律師, 他們也有給我填收支表的意見.
另外破了後有難題, 不妨坦白找破官查詢, 只要是誠懇誠實, 她們都很好人, 四年過了, 現在等消息中, 有人說過, 沒有消息就是好消息. 加油吧.

另外那個顧問教你的方法很危險, 因為法律上欠款都要上報, 才可以保護你不被追數人追討, 如果不報的, 有人用不良手法去追收欠債, 也沒有法律去保障你了. 要小心啊.

歡迎光臨破產聯盟 (http://hkiva.org/)