破產聯盟
標題: 過左4年已為捱過了，點知。。。 [打印本頁]
作者: krazy1777 時間: 17-3-2014 17:19
標題: 過左4年已為捱過了，點知。。。
我舊年年中滿4年，今日打去外判攞不反對解破聲明書。點知個受託人話我既年報收入同支出一直有問題，一直hold住左個case，我依家都仲係破產人身份。超級嬲，點解有問題一路無通知我？到我搵佢地先話我d年報有問題？仲話hold住係因為我無主動解釋，我都唔知有咩問題又點解釋呢？
一直諗住平平安安捱過了，但依家仲要我書面解釋同提供證明，幾年前交左既資料都無再keeprecord, 都唔知可以點解釋。。。
作者: 冰山雪蓮 時間: 17-3-2014 18:14
打去同主任講,問題响受托人嗰度。
作者: smallcat 時間: 17-3-2014 19:20
咁師兄你係邊間外判? 唔好講全名 暗示
咁你無辦法, 打去問佢乜問題? 快D解決左佢就可以 
作者: smallcat 時間: 17-3-2014 19:21
主任權力已交左比外判 唔會再理
作者: krazy1777 時間: 17-3-2014 19:52
打去主任唔理我，要我揾番受託人，受託人話我最後個張周年報表支出大過收入，之後再打黎話我之前個幾份都有同樣問題，我好唔明點解有問題唔一早通知我？hold住唔跟我個case就算數？仲話係我自己的責任
Waltxx Lxx & Brxxda Lxx
作者: smallcat 時間: 17-3-2014 21:54
支出大過收入好正常, 唔通真係用到剛剛好? 多幾百蚊都唔比你過關?
咁師兄年報一年支出多幾多?
作者: bb123 時間: 17-3-2014 22:32
我每年年都是報資出大個收入，今個月頭到期解破早幾日打比老外攞不反對通知書，但佢話要等埋法庭資料先可比我，現在我都有D驚
作者: krazy1777 時間: 17-3-2014 22:34
每年都是幾佰蚊
重點係佢地咁多年都唔出聲，無人跟進，無信亦無電話同我講有問題，到今日我問起野佢地先講。其他師兄姐既受託人係咪都係咁衰？
作者: 冰山雪蓮 時間: 17-3-2014 22:45
頒令後傾生活費時你收入大過開支冴？
作者: bb123 時間: 17-3-2014 22:47
我都是同你一樣依4年0交流
作者: smallcat 時間: 17-3-2014 22:50
我都係支出大過收入少少, 幾舊 佢地要玩野你都無計
作者: 冰山雪蓮 時間: 17-3-2014 22:51
仲有外判有問題想玩嘢，可以响边度投訴、反映？
乜唔系主任咩？
作者: smallcat 時間: 17-3-2014 22:52
無理你係正常, 因為通常外判係4年後先同你每樣玩 所以, 點解跟主任永遠好過跟外判, 就係咁解
師兄做乜舊年年中到期唔去攪解破信呀? 如果攪舊年年中知道就唔使浪費左幾個月 不過, 我都知你唔想既
作者: bb123 時間: 17-3-2014 22:59
現在老外是否玩野我未知，只有等通知。
作者: krazy1777 時間: 17-3-2014 23:40
當初傾生活費時收入是大過開支，約$8xx
所以一直都依照個個資料既模式填form, 但每次都是多幾佰
佢query 我無可能支出大過收入，問我多左既錢係咪問人借，係就犯刑事
又質疑我既租金係咪父母既＄左手交右手俾我，好有想像力
因為諗住開新戶口，去到銀行先知要破解信，所以今日找去主任問，主任就叫我揾受託人攪，唔關佢事
依家已寫左信解釋，希望佢唔好再為難我。。。
其他師兄姐有無被玩經驗？如果再玩野我應該點應付？可否向主任投訴？sigh…我應該早D黎呢度收集資料。。。
作者: keith 時間: 18-3-2014 00:02
樓主，你的情況我都登你氣憤，但都令我驚訝，因為我今日fax左去申請解破信，我係舊年8月過4年的，首先點解可以到現在都無通知你有問題架？另外佢話你仲係破產人士，係咪即係廷長左破產期呢？我都好擔心有問題，今晚無教好訓了，希望我地都順利攞信啦Thankz
作者: smallcat 時間: 18-3-2014 00:08
去等法官判 但睇你夠唔夠膽玩咁解
作者: smallcat 時間: 18-3-2014 00:14
外判係可以唔通知你有無問題 有無權就唔知了
外判係咁架喇 所以, 各位如到4年, 千萬不要懶唔理解破信, 時間唔花得幾多, 安心最重要
作者: smallcat 時間: 18-3-2014 00:17
佢話你支出大過收入, 多幾百蚊多鬼餘喇, 咁都算借錢? 一個月才多幾十蚊
犯刑事, 佢地嚇你多過真, 你都係家人支助, 借乜錢? 你在年報有無寫多出支出餘款係家人資助 (資助即唔係借款)
租金點解質疑你? 你唔係租出面地方? 住屋企?
作者: EWB 時間: 18-3-2014 00:18
下..佢點解知你出支大過收入架???
我係新人..係3月頒令..我第一份申請表...支出大過收入4-5千...而頒令後填架份都係一樣支出大過收入4-5千, 但我未有工作...只係報表~~ 所以..因為未有工作...頒令後一直冇人同我講生活費問題喎...咁我之後點算??
作者: kit9462 時間: 18-3-2014 01:04
可能外判太忙咪玩嘢拖下拖時間啫，到你解釋晒佢可能睇都唔睇就發封不反對通知書俾你，我年年都係報支出大過收入，當初傾生活費佢都係計我支出大過收入，如果收入大過支出就要還錢架啦，同埋我呢4年外判就隔幾個月同我交流，又成日轉助手，d嘢解釋完又再解釋，真係煩到呢，而家我都等緊封不反對解破通知書，希望快d有，唔駛再煩
作者: krazy1777 時間: 18-3-2014 01:09
我無寫過支出餘款係家人資助呀。。。
我與家人租住單位一齊住，大家都有分擔交租，我填每月租金＄5000(約1/3)， 佢質疑點解係呢個數
作者: krazy1777 時間: 18-3-2014 01:10
因為年報表要清楚列明各項支出同收入，不能隱瞞
作者: krazy1777 時間: 18-3-2014 01:12
只怪我之前闊佬懶理，已為過左4年就雨過天青。。。
作者: krazy1777 時間: 18-3-2014 01:15
sigh…即既求助無門，自求多福啦
作者: kit9462 時間: 18-3-2014 01:20
其實如實同外判解釋左都應該冇咩問題，佢要咩證明都盡可能提供，冇就書面通知解釋，我覺得投訴反而會被玩得甘，祝順利
作者: krazy1777 時間: 18-3-2014 01:23
我都希望過到關，都唔知仲可以解釋D乜野，有既資料早已經俾晒佢地，大家都努力呀，早日攞信有覺好瞓！～
作者: smallcat 時間: 18-3-2014 08:37
咁你咪直接問佢地有乜要解釋 你有懷疑我有解釋 解釋左如果佢都唔比你 咁你先再睇下點做 唔係咪使幾千蚊搵個律B咯 (雖然我唔建議咁做, 但如果佢地一路要你解釋, 但又唔接受, 咁點結局?)
作者: smallcat 時間: 18-3-2014 08:39
無乜問題但佢地一樣可以拖多你幾個月 你吹佢唔帳
所以, 依家個世界好亂, 將D野外判出去, 根本就好多問題出現
作者: smallcat 時間: 18-3-2014 08:42
但最主要睇佢當初有無批你5000元租金做生活費? 如果有, 佢地懷疑乜?
所以, 最初批既生活費銀碼係好重要 佢地批得既, 就算去到法官都無大問題, 要是懷疑, 當初就唔批你5000租金喇? 呢個係你解釋既好論點之一 佢4年前唔懷疑你, 依家懷疑?
作者: krazy1777 時間: 18-3-2014 10:30
最初批無租金， 因當時不是租屋住，但就有批＄4000供養父母，管理費，差餉等， 直到2012年頭開始租樓我就開始填寫＄5000 呢個數，但呢個數比起當初批評管理費，差餉及供養父母既總和為低，每月交＄5000亦係鐵一般既事實
作者: smallcat 時間: 18-3-2014 11:14
但你租金係要比外判批的 你覺得多覺得少都無用 最重要係外判批唔批 如果師兄你之前無確認佢地有無批呢個5k租金, 你都吹佢唔漲, 因為佢可以同你argue佢地都無批你
作者: krazy1777 時間: 18-3-2014 12:05
sigh…我實在太大意…應該凡事品報...
作者: 清風 時間: 18-3-2014 12:06
問題就响呢度，你有鐵一般事實，咁就比鐵一般証據佢，再同佢傾
作者: krazy1777 時間: 18-3-2014 12:12
作者: EWB 時間: 18-3-2014 12:41
但其實，點解仲要租 5000蚊 (1/3 )既租呢？ 咁全個租咪15000？ 你大拿拿要比 5000蚊租喎… 你今次真係要拿番曬d租單合約和每月租單收據出來解釋和做証據了！你未問過佢自私加大自已生活費或改自己既生活費真係唔太得…
作者: EWB 時間: 18-3-2014 12:46
就算你個數比當初為底，咁你一定要解釋原本批你生活費既開支去曬邊…例如你用左d錢去租食，咁邊個供養你父母？ 咁你父母個幾年邊個養？ 食咩？ 差响和管理費既錢邊個交？
作者: krazy1777 時間: 18-3-2014 13:21
已經在信中解釋晒，希望佢地接納
作者: smallcat 時間: 18-3-2014 15:22
等係好消息 如果佢地無批你5k租金, 真要睇佢地接唔接受你解釋
作者: dopod123 時間: 18-3-2014 15:30
你呢個情況，要睇佢肯唔肯同你重申批數
如果唔肯，你話係租金三份一，約1700一個月是嗎？
如果係最差打算補回生活費上限的超額
例如生活費批8000 你加入租金後支出9000，共有15個月。
9000-8000=1000 x15=$15000找數即可（可以傾數）
好多外勞都會臨尾先玩嘢，就算冇錯都會難你3幾個月先攞到，不反對通知書
各師兄妹記得4年滿一定要申請，及中途開支有變一定要通知
作者: dopod123 時間: 18-3-2014 15:44
九成想收佢1萬幾仟先比佢啦
外勞有責任收到年報有問題時立即跟進
夾錢老千檔明屈都得正卜街。咪話真係比佢地搵到錯處
作者: 豬公 時間: 18-3-2014 16:19
外判如果要延長你破產期要在你夠期前向法庭申請，如果你無收過任何文件即是在去年八月你已經解自動除左破產，基本上外判現在無也野可以做，只係想搵的借口屈返的，唔使怕佢，最終外判都有責任出封不反對解除破產通知書俾你。
就算外判唔接納都要堅持自己的解釋，年結表的負數由家人支出。
作者: dopod123 時間: 18-3-2014 16:27
呢個問題，真係有灰色的。以前可能清晰
但現在真係外勞主導，唔可以話你4年到期就100%等於解破
三個月前的反對是，債權人最後提出的法律期
要知道你還有最後一年年報，年報冇問題先算破產人責任完成
作者: krazy1777 時間: 18-3-2014 16:41
舊年5月已滿4年，俾佢地拖左9個月都懵然不知，sigh…
依家都無野做到，只係等佢睇完封信既反應
作者: smallcat 時間: 18-3-2014 16:41
會唔會係租金方面扣翻d, 咁1個月扣5舊, 2年山大斬埋有柴 
作者: smallcat 時間: 18-3-2014 16:43
咁其實年報係 寫 收入=支出 ? 定支出多過收入少少 ?
作者: smallcat 時間: 18-3-2014 16:46
你有比沙仔屈咩?
作者: 清風 時間: 18-3-2014 17:38
有冇比埋租約或者租單佢？
作者: 清風 時間: 18-3-2014 17:47
呢方面真係冇準則，睇佢地做野喜歡
作者: 清風 時間: 18-3-2014 17:50
一有機會，仲唔夾d嚟洗下先，夾得幾多就幾多
作者: smallcat 時間: 18-3-2014 18:44
好迷惘 煩 其實點寫外判都有機會玩下小遊戲
作者: flypig 時間: 18-3-2014 18:48
最後大家不同意,可否搵法官裁決??
作者: dopod123 時間: 18-3-2014 23:17
九成係啦
作者: dopod123 時間: 18-3-2014 23:19
支出多過收入唔會有問題架，當然唔係多幾千啦
作者: dopod123 時間: 18-3-2014 23:21
我乜都冇失業多年冇銀行戶口冇綜援。都遲2個幾月先出到信
仲要補啲無聊文件先比我
作者: dopod123 時間: 18-3-2014 23:22
我估只係屆錢
作者: smallcat 時間: 19-3-2014 00:05
但好似個個都係2個月後先有
作者: smallcat 時間: 19-3-2014 00:06
咁寫支出=收入 會唔會穩陣D ? 
作者: krazy1777 時間: 19-3-2014 00:28
屈＄？點解要咁做？都唔係入佢袋？
作者: krazy1777 時間: 19-3-2014 00:30
佢亦都話無可能完全一樣，多又唔得，小又唔得，相等都話唔得，都真係唔識填
作者: krazy1777 時間: 19-3-2014 00:32
上年連最尾個份報表交左租約副本俾佢地睇
作者: krazy1777 時間: 19-3-2014 00:35
佢同我講話我仲係破產人身份。。。希望睇完解釋信無野再補充啦，謝謝師兄
作者: krazy1777 時間: 19-3-2014 00:38
所以都係個句，交到最後個份年報先話有問題，仲話之前幾份都有問題，唔好等我死左先通知我？
作者: smallcat 時間: 19-3-2014 10:04
3個可能性都唔比 咁即係有D為難你
年報只係 3個可能性 支出大過收入少少(正常) 支出=收入 支出少過收入 (無人會咁寫)
咁即係多餘
最好方法, 多4毫子 4毫子四捨5入可以無影響 又唔會一樣, 因為多左4毫子
作者: smallcat 時間: 19-3-2014 10:05
好似有得分少少, 唔知係唔係 (我無證實)
但就算無銀分, 佢地做多野, 債權人happy 佢地又可以接多D case, 下次做tender 個價又可以叫高D
intangible benefit
作者: krazy1777 時間: 19-3-2014 10:21
icic...
作者: flypig 時間: 19-3-2014 10:42
GOOD METHOD!!!
寫多左$0.4,佢一收就要做多D野....9成9唔收
作者: smallcat 時間: 19-3-2014 12:25
仲有乜方法? 得3個可能性, 其實2個 (因為無人會寫支出少過收入)
多又唔得, 一樣又唔得, 多4毫可四捨五入, 根住佢地又會可能話唔計毫子, 其實乜都佢地講晒
作者: smallcat 時間: 19-3-2014 12:27
所以, 忍, 攪掂解破信先
作者: dopod123 時間: 20-3-2014 13:08
都會可能性高
作者: krazy1777 時間: 21-3-2014 17:45
今日收到受託人電話了，解釋信佢地接受左，依家只需俾番先前政府俾個＄6000就可以攞信，叫做事情解決了，有覺好瞓了，謝謝各巴打絲打既資料同支持 
作者: bb123 時間: 21-3-2014 22:03
我今日再打比外判問他幾時可以攞到不反對通知書佢話等緊高院消息如交齊年報應該無問題高院份文件返來就會即出不反對通知書喎，希望無問題喇！
作者: kit9462 時間: 22-3-2014 21:13
恭喜，恭喜
作者: smallcat 時間: 22-3-2014 23:11
恭喜 所以佢地講既 支出唔可以多過收入, 或等如收入咪攪笑咯
作者: dopod123 時間: 22-3-2014 23:17
講到尾又係尾錢,,,CHING之前冇申請佢6000用?
作者: dopod123 時間: 22-3-2014 23:18
但都係要尾6000
作者: smallcat 時間: 23-3-2014 10:53
睇來師兄可能無申請 隔左咁耐
作者: dopod123 時間: 23-3-2014 17:07
冇法樓主當時未加入破聯，唔係可能唔洗比足6000
作者: sillythings 時間: 1-4-2014 15:05
本人亦有同感，D外判既態度極之惡劣!!
我單case 2013年七月夠四年，因公事繁忙，上個月先fax 去問殺手拎解破書. 等左幾個星期，打去問，態度口氣好似我殺X佢全家甘! 又話要fax 過D文件又甘甘甘...
為左封信，忍你. 其實自問過去四年，期期交足，D花紅幾萬幾萬甘交，點解呢DX人仲成日要玩野?
作者: smallcat 時間: 1-4-2014 18:51
無計啦, 同情
所以, 以後從新做人, 唔好再欠債, 一次已經受夠了
作者: flypig 時間: 2-4-2014 10:31
我單case 2013年七月夠四年，因公事繁忙，上個月先fax 去問殺手拎解破書
一來你都唔緊,隔半年有多先追,佢立即同你跟咪好無飛士.
講下笑姐,其實會計好忙,接呢D CASE 錢賺唔多.唔係太得閒跟足.
作者: devilfish 時間: 2-4-2014 11:57
師兄，其實責任真係0係你度，你自己都唔緊張，蝕底果個係你自己。
而家擺明玩你，你唔緊佢拖長黎攪，雖然話一般係 4 年，但係佢有權廷長。如果你一早知出左事，可能都唔會拖到今日。
基本上開支一定大過收入嫁啦，如果唔係老破黎做乜？ 律師通常話多左出黎果 d 係屋企人幫補，多數冇問題。4 年冇交流唔代表好事，因為其實理論上，個 case 係 4 年後先決定係咪解破，年報表祗係你每年要負既責任，你交左唔代表冇問題。
作者: devilfish 時間: 2-4-2014 11:59
因為每年都要交一份收入支出年報。
生活費基本上定哂比你，你超出左要解釋，有問題佢可以廷長你破產期。
作者: krazy1777 時間: 2-4-2014 22:14
無申請呀。。。＄6000已settled左，今日收到外判電話叫我明天去攞信，仲溫馨提示我早D攞完去高院攪埋，唔駛走兩轉
作者: krazy1777 時間: 2-4-2014 22:15
無錯師兄，一次已受夠，影響一生呀
作者: dopod123 時間: 3-4-2014 14:09
唔緊要,最重要而家攪好
作者: someone1780 時間: 16-4-2014 21:34
我2月交左第2年年報,因為今年有幾個月無野做
之後做野,人工多左我/12個月咁計返條數
點知外判比信我,叫我上去同佢傾,仲要咩都係要正本
作者: 笨笨狼 時間: 16-4-2014 22:36
看了師兄們的討論, 終於明白當初交表時的外判千叮萬囑的一句話: 如果收支狀況有什麼改變, 就要重新聯絡破官填表報告............
作者: diyhard2002 時間: 17-4-2014 03:20
每年年報都吾出聲有問題,我就吾會就甘算數,可能我已經無野可以輸,我實會申請法援同佢死過,我吾知系咪外判係可以唔通知你有無問題???我知我有權申請法援
作者: kumiko1030 時間: 17-4-2014 04:10
我都係等政府養算，唔好搞咁多嘢
| 歡迎光臨 破產聯盟 (http://hkiva.org/) |
Powered by Discuz! X3 |