破產聯盟

標題: 破產綜援之路 [打印本頁]

作者: elevenbrother 時間: 16-6-2013 15:57
標題: 破產綜援之路

老破差不多三年，到最後一年始終要面對現實了。

話說三年前老破就去申請綜援，當時失業又有長期病患，所以先行上呢條受盡岐視之路。由於我又未夠六十歲所以就硬性要去參加"自力更生計劃"，每月兩次去見社署外判(又係外判！)出去既社區中心就業主任，每次去要交一份報告，報告最少要填兩份工，證明有去搵野做，重要每星期做三日既"工作體驗"。我每次都準時去見就業主任同交報告，而且個就業主任都幾好人，態度友善。而"工作體驗"就一次都冇叫我去做。

不過到左今年原有既外判社區中心同社署既合約完結，我就派去另一間外判社區中心。起初都無乜野，但係到左四月就要我去上佢果d"改善工作xxx課程"(名唔太記得) ，佢話唔上唔得。OK，上就上，上果三日朝十晚六既堂悶L到HiHi。以為咁就完啦！點知上月又換左主任，係女人，八婆一個！去左兩次，見親都話有冇去做"工作體驗"。我話冇，因為我有長期病患唔可以做體力勞動工作，佢就冷冷的說 : 盡量啦！點知到左一個星期六收到信叫我來緊既星期一去某某運動場剪草！叫我三十幾度係球場暴曬六七個鐘，重要做咁體力化既工作咪即係叫我去死！重要只有兩日通知！由於係星期六，打去搵果個主任又放左工，只有一個職員答我 : 由於同事出左少少問題所以先通知得你咁急，不過如果你唔去就要扣一半綜援金。

睇到呢度大家都會話，不如出去搵份野做重好啦。係呀！做得剪草不如去佳寶做份理貨人工都高過佢啦。但我自問體力真係頂唔順，所以我一直搵工都係搵文職。

而家我打算唔攞綜援了，不過來緊既日子將會係好似我係大海入面連唯一既水泡都冇埋，真係好徬徨！但係總好過對住個八婆！忠告大家一句: 攞綜援並唔係外人咁諗咁好，世上無免費午餐。

作者: 天帝 時間: 16-6-2013 17:47
本帖最后由天帝于 16-6-2013 17:48 编辑

樓　主　刀　算　較　不　幸　，你　冇　醫　生　證　明　是　長　期　病　患　者　？　相　信　樓　主　是　單　身　人　士　，　如　有　仔　女　可　用　照　顧　仔　女　免　工　作　體　驗　，　SO 阿　天　幾　時
刀　覺　得　單　身　又　未　滿　六　十　歲　人　士　取　綜　援　較　吃　虧　，　世　上　有　冇　免　費　午　餐　見　人　見　智　，　因　有　部　份　人　士　識　行　使　一　D 　酌　情　權　位　

作者: elevenbrother 時間: 16-6-2013 18:05

天帝发表于 16-6-2013 17:47
樓　主　刀　算　較　不　幸　，你　冇　醫　生　證　明　是　長　期　病　患　者　？　相　信　樓　主　是 ...

我長期去政府醫院覆診，有醫生證明是長期病患者，但係佢地要證明我喪失工作能力，例如斷手斷腳先可以免工作體驗。早前有報導有個有左五六個月大肚婆都要去做油外牆，相比我呢d算得係乜？

作者: elevenbrother 時間: 16-6-2013 18:49
重有，而家對住個d就業主任壓力都好大，不下於出黎做野對住個老闆

作者: 温sir 時間: 17-6-2013 09:01

elevenbrother 发表于 16-6-2013 18:49
重有，而家對住個d就業主任壓力都好大，不下於出黎做野對住個老闆

約十年前我都係攞綜緩，完全明白當中感受.......

而家保安行業處處搶人，搞到散仔惡過主管！如果頂得住12碼，不如出嚟揾份保安做吓啦。
或者揾份九碼嘅玩吓，人工應可接受到，好過攞綜援........

作者: elevenbrother 時間: 17-6-2013 09:28

温sir 发表于 17-6-2013 09:01
約十年前我都係攞綜緩，完全明白當中感受.......

而家保安行業處處搶人，搞到散仔惡 ...

咩係九碼？

作者: 301 時間: 17-6-2013 10:33

elevenbrother 发表于 17-6-2013 09:28
咩係九碼？

一般保安看更工作九碼=9小時工作;
12碼=12小時工作.

無論如何惡劣環境,
都要撐,
加油 !!!!!!!

作者: elevenbrother 時間: 17-6-2013 11:05

301 发表于 17-6-2013 10:33
一般保安看更工作九碼=9小時工作;
12碼=12小時工作.

明白！

不過我冇五十都唔會考慮保安看更工作，自已做開貿易文職，自問重有機會

作者: 天帝 時間: 17-6-2013 11:48

elevenbrother 发表于 16-6-2013 18:05
我長期去政府醫院覆診，有醫生證明是長期病患者，但係佢地要證明我喪失工作能力，例如斷手斷腳先可以免工 ...

樓主繼續加油 , 孕婦要油外牆可信程度好低 , 有咩冬瓜豆腐就業主任揹吾起 , 阿天刀曾攞綜援 , 曾經就業主任强迫性上 D 基本電腦課程 , 課程與幾個取綜援的類似老同人士一起 , 自力更新遭遇各有不同的

作者: 天帝 時間: 17-6-2013 11:51

elevenbrother 发表于 17-6-2013 11:05
明白！
不過我冇五十都唔會考慮保安看更工作，自已做開貿易文職，自問重有機會 ...

樓主五十樓下 , 難怪就業主任針對性招待你 , 貿易現時情況不太好 , 必要時樓主刀要轉行 , 因中國出口頗低 (已証實之前出口率 70% 是假 )

作者: elevenbrother 時間: 17-6-2013 12:13

天帝发表于 17-6-2013 11:51
樓主五十樓下 , 難怪就業主任針對性招待你 , 貿易現時情況不太好 , 必要時樓 ...

我就係唔明白過去幾年都相安無事，每月見兩次交報告就OK。但係今年轉左比婦x跟就咁L麻Q煩

作者: 天帝 時間: 17-6-2013 12:49

elevenbrother 发表于 17-6-2013 12:13
我就係唔明白過去幾年都相安無事，每月見兩次交報告就OK。但係今年轉左比婦x跟就咁L麻Q煩 ...

可能現轉左女主任較濕濟

作者: elevenbrother 時間: 17-6-2013 12:51

天帝发表于 17-6-2013 12:49
可能現轉左女主任較濕濟

都唔係，之前都係女

作者: 天帝 時間: 17-6-2013 12:56

elevenbrother 发表于 17-6-2013 12:51
都唔係，之前都係女

阿天以前跟的是男就業主任 , 好好人 , 萬事有計傾 , 仲記得當天阿天要取消綜援要工作 , 那男主任叫阿天考慮清楚 ,因取消后再申請好繁複

作者: elevenbrother 時間: 17-6-2013 13:29

天帝发表于 17-6-2013 12:56
阿天以前跟的是男就業主任 , 好好人 , 萬事有計傾 , 仲記得當天阿天要取消綜 ...

我之前個女就業主任都好好人架，次次上到去都係吹下水，講下吃喝玩樂，甚少講工作範圍d野。

作者: flypig 時間: 20-6-2013 12:42
想暸解多D:
1 老綜有幾多?

同埋你呢D 情況,事乎心情,覺得社署玩野,可去搵區議員.
世事如鬥獸棋,一物治一物.

作者: elevenbrother 時間: 20-6-2013 16:33

flypig 发表于 20-6-2013 12:42
想暸解多D:
1 老綜有幾多?

個人綜援基本金每月2070，租屋支助唔記得上限幾多，我住公屋都係幾舊水，公立醫院睇醫生免費。
我個人每月連租三千都唔夠。
至於去搵區議員幫忙，無論你幾有道理都好，而家好多人都對我呢類咁後生攞綜援既人都好鄙視，就去睇醫生既面口都唔同d，所以我想盡快脫離呢個圈子

作者: flypig 時間: 21-6-2013 17:40

elevenbrother 发表于 20-6-2013 16:33
個人綜援基本金每月2070，租屋支助唔記得上限幾多，我住公屋都係幾舊水，公立醫院睇醫生免費。
我個人每 ...

老老實實,2K 一個月(唔計租),今時今日係香港,真係好難生活.

我未破之前,車錢都要 1K+,已經去食包米+兩隻蛋+鼓油當一餐.

平平地,一日要$30-$50 食物.又無K幾

宜家求其搵份PART TIME 都唔止呢個數喇.

作者: flypig 時間: 21-6-2013 17:47
本帖最后由 flypig 于 21-6-2013 17:47 编辑

拎老綜真係唔易.
佢會介紹一D PK 工如洗碗,搬運等等.

外國好得多,
當年我好景時,份稅都唔少 $$$$
如果有失業救濟金,就拎得心安理得

作者: wahtung 時間: 21-6-2013 18:26

flypig 发表于 21-6-2013 17:47
拎老綜真係唔易.
佢會介紹一D PK 工如洗碗,搬運等等.

佢唔會介紹工作給綜援人士的,只係隔一段日子見社工了解綜援人士找工情況,例如剪報紙聘請樣本,話你見過呢份工,但唔成功

作者: wahtung 時間: 21-6-2013 18:30

flypig 发表于 21-6-2013 17:40
老老實實,2K 一個月(唔計租),今時今日係香港,真係好難生活.
我未破之前,車錢都要 1K+,已經去食包米+兩 ...

所以單身人士攞綜援真係無so,一家幾口就唔同,例如一家五口咁,都會過萬,但如出外找工真係未必找到過萬啲工(不是鼓勵多人家庭取綜援)

作者: flypig 時間: 21-6-2013 19:02

wahtung 发表于 21-6-2013 18:30
所以單身人士攞綜援真係無so,一家幾口就唔同,例如一家五口咁,都會過萬,但如出外找工真係未必找到過萬啲工 ...

成日覺得,我地班港人,男人老9,又唔係7老80,
去拎綜援,真係會俾社工俾面色.

如果,你係強國新移民,背後有團體幫.一家4口,就真係唔駛騰.
騰係主任.我多年交稅,唔係呀,拎番兩K 都GG左左
好火呀!!!

作者: elevenbrother 時間: 21-6-2013 19:55

wahtung 发表于 21-6-2013 18:26
佢唔會介紹工作給綜援人士的,只係隔一段日子見社工了解綜援人士找工情況,例如剪報紙聘請樣本,話你見過呢 ...

佢地間唔中都會有d大機構上去招工，例如惠x超市，大x樂都會黎搵人。不過有心做呢d工自已去搵都得啦！洗L佢地黎咩！
佢地要每月見兩次就業主任，每次去要交一份報告，報告最少要填搵兩份工，證明有去搵野做。

作者: wahtung 時間: 21-6-2013 21:37

elevenbrother 发表于 21-6-2013 19:55
佢地間唔中都會有d大機構上去招工，例如惠x超市，大x樂都會黎搵人。不過有心做呢d工自已去搵都得啦！洗L ...

無錯,最近要係交代有揾工,呢啲消息都係我啲未滿六十歲取縇援朋友講俾我聽的

作者: wahtung 時間: 21-6-2013 21:41

flypig 发表于 21-6-2013 19:02
成日覺得,我地班港人,男人老9,又唔係7老80,
去拎綜援,真係會俾社工俾面色.

你講到非常啱,有政黨幫拖完全唔同,可打尖,可運用酌情權,大晒

作者: flypig 時間: 22-6-2013 09:32
本帖最后由 flypig 于 22-6-2013 13:15 编辑

大家有無留意08年新聞?
申訴專員公署揭發社會福利署審批綜援特別津貼過程兒戲，讓制度變成存心欺詐的受助人提款機。一名「綜援惡霸」四度虛報牙科治療；領取租金津貼卻拖欠公屋租金；又七次申領眼鏡津貼，購買名牌 Gucci 眼鏡

。直至社署要求核實其眼鏡報價單，對方竟不滿向公署投訴

，申訴專員戴婉瑩直斥事件「荒謬」，敦促社署指派高級職員處理可疑個案。

香港宜家惡就大哂.如果條友唔係咁狼,一早過左關喇.

作者: 温sir 時間: 22-6-2013 10:19

flypig 发表于 22-6-2013 09:32
大家有無留意新聞?
申訴專員公署揭發社會福利署審批綜援特別津貼過程兒戲，讓 ...

同意！同意！

作者: elevenbrother 時間: 23-6-2013 16:08
話說一個星期六收到外判社區中心要我去做"工作體驗"既信，我就來緊既星期一直接打電話去社署，我話係長期病患者可唔可以豁免，如果唔去又會點。跟開我既社署八婆佢又乜又七語帶恐嚇話唔去一日都會扣一半綜援金又盛。我就問如果全部都唔去又會扣幾多？點扣法？個八婆就ee哦哦話扣幾多叫我問返外判社區中心，我就話係外判社區中心叫我問你架！個八婆又ee哦哦一陣。我忍唔住問佢 : 到底我有冇途徑可以問到我會扣幾多綜援金！佢就好似突然醒左咁話 : 有！之後就比左個電話我叫我打去搵果位社署就業服務主任，佢就係負責計扣幾多綜援金。於是我就打去，接電話係個男人，我表明來意後佢就約我上去比份覆診紙佢睇，佢就會出封信叫醫生評估我是否適合工作。
上到去個社署就業服務主任都幾好人，重話如果我缺席"工作體驗"一日，日後都要補返，至於扣幾多綜援金就睇我缺席幾多日，一直延續去扣。佢話你而家既狀況醫生唔會證明我不能工作，重出口術話我可以下次覆診同醫生講叫佢出份證明，證明我唔適合做呢類體力勞動工作。我多口問句而家三十五度重要叫d唔係做開體力勞動工作既人做呢d工，分分鐘暈低幾件邊個負責？佢好無奈話開會時都提出過呢個問題，但係d上大人只係話 : 得架啦...... 佢重教我每次做返幾個鐘外面d part time或者去政府醫院睇下傷風感冒，攞返張醫生紙都都可以扺消返，總好過做呢d咁既工丫。人地話社署d人冷血，其實係d政策欠人性，有時連社署d人都睇唔過眼。
最後，我一句說話連佢都非常同意 : 與其花時間去抖纏呢d問題，倒不如去搵份野做重好啦！

作者: flypig 時間: 24-6-2013 10:56

elevenbrother 发表于 23-6-2013 16:08
話說一個星期六收到外判社區中心要我去做"工作體驗"既信，我就來緊既星期一直接打電話去社署，我話係長期病 ...

食硬老綜應該係XX婦女/新移民之家等等團體.

小弟老破開頭都搞過下,不過最後知難而退.
當時想法係,佢又俾唔多.搵份PT 都多過份老綜.佢又玩到拎老綜仲麻9煩過打份PT.

作者: bb_q_888 時間: 27-6-2013 15:17
真係同情你遭遇,不過唔知你長期病係邊類?

我知如果你用健康欠佳來申請綜援,都係每半年批一次,而社署係會出封信又比覆診醫生簽署,
并由醫生(醫院)直接寄回.

其實唔只斷手斷腳,先唔洗做免工作體驗,中風.肺病.嚴重糖尿病....只醫生寫明你不宜工作.
你覆診時同個醫生溝通,個醫生會跟據你情況回信比社署.

我懷你(社署)外判為交差亂點你.

作者: bb_q_888 時間: 27-6-2013 15:23

flypig 发表于 22-6-2013 09:32
大家有無留意08年新聞?
申訴專員公署揭發社會福利署審批綜援特別津貼過程兒戲， ...

呢個係人板,因為佢而家綜援眼鏡津貼$500/兩年一次,租金津貼就直接過戶比房署.

作者: bb_q_888 時間: 27-6-2013 15:33

elevenbrother 发表于 23-6-2013 16:08
話說一個星期六收到外判社區中心要我去做"工作體驗"既信，我就來緊既星期一直接打電話去社署，我話係長期病 ...

你直接去社署搵社工傾,而唔好搵外判傾,我都在社署見過呢D外判,唔會同你傾....得佢講,
外判同社工係兩種人.

叫社署出信比醫生簽,你到底有幾多成工作能力,或是否可作體力工作,都唔可以用口講.

作者: elevenbrother 時間: 27-6-2013 15:46

bb_q_888 发表于 27-6-2013 15:33
你直接去社署搵社工傾,而唔好搵外判傾,我都在社署見過呢D外判,唔會同你傾....得佢講,
外判同社工係兩種人 ...

"上到去個社署就業服務主任都幾好人，重話如果我缺席"工作體驗"一日，日後都要補返，至於扣幾多綜援金就睇我缺席幾多日，一直延續去扣。佢話你而家既狀況醫生唔會證明我不能工作，重出口術話我可以下次覆診同醫生講叫佢出份證明，證明我唔適合做呢類體力勞動工作。我多口問句而家三十五度重要叫d唔係做開體力勞動工作既人做呢d工，分分鐘暈低幾件邊個負責？佢好無奈話開會時都提出過呢個問題，但係d上大人只係話 : 得架啦...... 佢重教我每次做返幾個鐘外面d part time或者去政府醫院睇下傷風感冒，攞返張醫生紙都都可以扺消返，總好過做呢d咁既工丫。人地話社署d人冷血，其實係d政策欠人性，有時連社署d人都睇唔過眼。"<======
呢個就係社署d人黎架。外判果d真係廢架！佢地都你聽社署講。佢地講不如我直接講。

作者: bb_q_888 時間: 27-6-2013 16:08

elevenbrother 发表于 27-6-2013 15:46
"上到去個社署就業服務主任都幾好人，重話如果我缺席"工作體驗"一日，日後都要補返，至於扣幾多綜援金就 ...

但唔係長久辦法,你今日病佢改你第日補返,我個朋友都話係避唔到.
長期病患都由醫生信作實,假若醫生唔同意....即係你無問題,咁......你申請失業綜援就係要參加"自力更新".

作者: elevenbrother 時間: 27-6-2013 17:12

bb_q_888 发表于 27-6-2013 16:08
但唔係長久辦法,你今日病佢改你第日補返,我個朋友都話係避唔到.
長期病患都由醫生信作實,假若醫生唔同意. ...

所以我最後一句話 : 與其花時間去抖纏呢d問題，倒不如去搵份野做重好啦！

歡迎光臨破產聯盟 (http://hkiva.org/)