破產聯盟

標題: 有無這樣的可能 [打印本頁]

作者: NEO 時間: 8-4-2009 00:57
標題: 有無這樣的可能
想問一下大家,如果受託人是外判律師,到破產期滿後,到底應該向誰索取不反對通知書?

如果受託人不斷拖延發出不反對通知書,那有甚麼辦法?

打過去破產署問,他們回覆一經外判的個案將不再受理?

點算?

作者: 一怒殺龍手 時間: 8-4-2009 01:04
當你破產夠期前約2個月, 破產主任會在憲報及/或報紙刋登通告, 話俾全世界知你即將破產到期, 睇下有無人反對你解除破產. 如果係限定時間內無人反對, 而你在破產期間無違反任何破產規例, 咁個破產主任會自行寫report向法庭申請解除破產令. 到在你足夠4年後, 你會收到破產管理處的信, 告訴你你在某年某月某日正式解除破產, 並會附上一封 "不反對通知書", 內容係破產管理處唔反對法庭向你發出解除破產證明書(Certificate of Discharge of Bankruptcy). 你憑信親身去到金鐘高等法院的LG1層, 填張表格向法庭申請正式的解除破產證明書, 並即場宣誓, 交回表格三星期後親自憑身份証番去攞張證明書就得. 費用全免.

作者: NEO 時間: 8-4-2009 01:09
謝解答

但破產管理署已講過話唔關佢地事喎,叫我自己搵受託人(律師樓)傾掂佢

但係間律師樓已拖了半年,日日打去佢地都話搞緊

點算?

作者: bb_q_888 時間: 8-4-2009 12:16
標題: 回復 #3 NEO 的帖子
我未到你呢個地步,

你不如試下正式e_mail/寄掛號去破產問,但你最好知道有冇人反對"解破"

如再收佢地咁回覆,你可以向申訴專員投訴.

當然...要睇你夠唔夠膽做.

作者: chris123 時間: 8-4-2009 22:42
咁即係一經外判破管署就不理嗎?不反对解除破產通知書5係去番破管署攞咩?

作者: 一怒殺龍手 時間: 8-4-2009 22:48

原帖由 NEO 於 2009-4-8 01:09 發表
謝解答

但破產管理署已講過話唔關佢地事喎,叫我自己搵受託人(律師樓)傾掂佢

但係間律師樓已拖了半年,日日打去佢地都話搞緊

點算?

嗯 ..... 照我所知要有果封不反對通知書先申請到解除破產令

無的話唔知可唔可以向高院申請因為你破產前2個月佢地就已經登左憲報

到依家都無收到反對通知就係自動解除破產令身份架啦

不過你律師唔出比你我又唔知申唔申請到喎

作者: chris123 時間: 8-4-2009 23:00
即係要去揾受托人律師傾及攞信嗎?破管署是不會處理嗎

作者: NEO 時間: 8-4-2009 23:45
問過破產署

一定要有不反對通知書至可以取到解除破產証明書

其實取解除破產証明書好重要

如果冇,真係開個儲蓄戶口都唔得,更何況係支票戶口,信用卡等更加係冇可能

律師樓係同銀行掛勾,佢地目的係乜唔駛講到明啦

而家最煩係想投訴都唔知去邊度投訴

作者: NEO 時間: 8-4-2009 23:47
順帶一問

有冇人試過類似 CASE?

有冇人試過係同律師樓拿到不反對通知書呢?

請分享一下經驗幫下後來者,萬二分感激!

作者: R8899 時間: 9-4-2009 00:05
樓主嘗試下親身上律師樓了解情況。如想投訴可打去方向/生果報。

作者: roy 時間: 9-4-2009 00:09
你係依4年同佢地有冇發生過乜野事先?而令到佢地對你有所不滿?

作者: NEO 時間: 9-4-2009 21:24

原帖由 roy 於 2009-4-9 00:09 發表
你係依4年同佢地有冇發生過乜野事先?而令到佢地對你有所不滿?

無喎,個個月都依時供款

花紅年年都有照入,一毫子都唔敢比少佢喎

作者: admin 時間: 10-4-2009 03:56
唔好覺得律師一定好專業，可能佢地根本遺失左D野，(可能唔見左你個 file)，甚至可能唔記得登報，你親身上去問個究竟，如果重未有，你寫封信，fax 去律師度問佢幾時有，記住你有權盡快有封信。如果唔得，你就cc去破產署，並要求立即得到協助。

因為而家你已經受到超越法律上的合理限制，嚴重的講，你的人權(個人經濟利益)受到傷害。

歡迎光臨破產聯盟 (http://hkiva.org/)